العربيه مش بتدور اول اليوم و هي بارده

**mahmoud_abdo** · 20-10-2014 12:46 AM

السلام عليكم
دلوقتي انا معايا عربيه اوبل كورسا 95
كانت ماشيه معايا تمام اول ما جبتها
و بعدين مره سبت البنزين لحد اول العلامه الحمرا ف الامبير جيت تاني يوم ادورها مش بتدور و تعبتني لحد ما دارت و روحت فولتها 92 قلت نضافه و بعدين مشت كويس و تاني يوم نفس المشكلة و هي بارده ادورها تبطل و حتي لو دوست شوية بنزين تبطل لازم ادوس بنزين كتير جدااا
ناس كتير قالتلي احتمال كبير سدد في دائرة البنزين و محتاجه تنضيف

هل ده صح ولا لا و لو صح حد يعرف حد بينظف دائرة بنزين انجكشن كويس في اسكندريه عشان وصفولي واحد و قالولي كويس جدا في الحضره و لما روحتله قالي ان شغال كاربيراتير و دي هاف انجكشن مش بشتغل فيها

**romieh** · 20-10-2014 09:38 AM

هات منظف انجيكشن وحطه قبل ماتدخل البنزينة على طول وفول التانك بنزين (ويفضل تكون بنزينة نضيفة)

وان شاء الله الدنيا تتعدل معاك

**y3h1998** · 22-10-2014 09:54 AM

اولا دي ممكن تكون راوسب من التانك لما وصل البنزين للقاع
راجع دوره البنزين بالكامل (فلتر / رشاشات / خرطوم دخول البنزين للرشاشات /طرمبه البنزين)
في الاسكندريه هتلاقي واحد اسمه فالوجه في الشاطبي امام كليه الحقوق وفي اكتر من واحد هناك شغاليين في الانجيكشين
وفي حل تاني ممكن تشوف اي ميكانيكي يفك العمه وهتلاقي بوابه الانجيكشين هات علبه اسبراي تنضيف انجيكشين سعرها 20 او 25 جنيه وهي العربيه دايره رش من الاسبراي داخل البوابه مع تزويد اكسراتير
وربنا المستعان