أحالة مرسيدس مصر للنيابة لتلف الموتور من البنزين - يعني كدة بلاش مواتير تربو في مصر؟؟

اقتباس:

---

المشاركة الأصلية كتبت بواسطة 2CODE

مالكم يا جماعة ؟؟ المشكلة دي هتطولنا كلنا على المدى البعيد متستعجلوش !!!!!

---

صح كدا ,,
و قلت قبل كدا ان لو مشينا بالحال دا ,, يبقى خريطة السوق هتتغير
المصريين معظم عربياتهم فئة ال C segment فا يمكن مش الموضوع دلؤقتى
مش بيمس ناس كتير لكن sooner or later هيجى الدور على الفئة دى

و اصلا الفئة دى بدأ يطولها مشكله البنزين الردئ و دا يبان اكتر ف الفوكس و الاسترا
و الجيتا و لكنهم ف الاخر مش منتشرين فا لسه برضه المستهلك المصرى مش حاسس اوى بالمشكله
و لسه نايم ف العسل ف موتور السيفيك اللى بقاله 8 سنين و موتور الكورولا اللى بقاله 7 سنين و
موتور الشارك اللى بقاله برضه 7 سنين و موتور المازدا اللى حقق المعجزة و نزل عندنا ف الشكل
التالت على التوالى :first:

العالم حوالينا بيتغير و التكنولوجيا بتتطور و الشركات مش هتستنانا و المواتير القديمة اللى بنستخدمها
هيجيلها يوم و هيتوقف انتاجها ,, اذا كان موتور المازدا الجديد ال CR ليه 14:1 و اسمه ف الاخر
موتور 1500 cc و كمان مش forced induced

المشكلة الاكبر ان ال 92 هوة كمان مش 92 لما حللوة طلع 86

اقتباس:

---

المشاركة الأصلية كتبت بواسطة 2code

هو طبعاً في تقصير من الوكيل ان معندوش نظره مش للسوق لأ لوضع البلد اللي باين للأعمي !!!!!

مش محتاج متخصص ولا اي حاجة ده صاحب الشركة المفروض يعرف لواحده كده

وليه جايبين اللوم على التوكيل ؟؟؟؟ ما تعدل بنزينك يا أخي ما تشوف بلدك انت عاجبك تاخد بنزين بالشكل ده وتقولي الوكيل ؟؟؟؟

مالكم يا جماعة ؟؟ المشكلة دي هتطولنا كلنا على المدى البعيد متستعجلوش !!!!!

---

بص حضرتك نظريا زي ما حضرتك قلت المفروض البنزين ما يبقاش مغشوش و رقم الاوكتان يبقي مضبوط زي ما المفروض برضه يبقي فيه شوارع متسفلته و قانون مرور و ناس بتحترمه. طيب بافتراض بقي ان الدوله بدأت من اليوم في الرقابه علي المحطات عمليا بقي قدامها وقت طويل الي ان تستطيع ان تقضي علي الفساد ده اذا قدرت اصلا ، في خلال الوقت ده تكون عربيات كتير باظت و مش مرسيدس فقط انما من كل الماركات و المستهلك هو اللي خسران . علشان كده انا قلت ده دور الوكيل لانه عارف الكلام ده و الخطر اللي جاي منه و بدل ما يكلم الشركه الام يقولها تحل الموضوع فنيا بقي بيمضي الناس علي تعهد انه لازم يحطوا ٩٥ لانه يا اما عارف ان البنزين مغشوش و لذلك المواتير هتبوظ او نائم علي ودانه و الاحتمالين اسوأ من بعض لان معناهم بالنسبه للمستهلك ان الماركه العريقه بقت بتدور علي الفلوس في المقام الاول و مش فارق معاها العميل و لذلك بتسيبه قدام المشكله و تجري ودي من اكبر المشاكل اللي ممكن تواجه اي صانع سيارات و هي ان المستهلك يفقد المصداقيه فيه لان الموضوع ساعتها مش هيبقي عيب صنع في موديل فالناس تبطل تشتريه و خلاص انما هيبقي الكلام علي كل الموديلات و بكده الناس تبطل تشتريها و تمنها ينزل في الارض. لو مكان الوكيل بدل ما اروح اعمل تحليل للبنزين علي حسابي علشان اطلع نفسي بريء اروح أبعت المشكله بره بحجمها الطبيعي و اطلب منهم علاج سريع و أوقف المهزله دي حفاظا علي اسمه و مكانه في السوق و من ناحيه تانيه استغل اسمي في عمله حمله دعائيه او الوصول للمسئولين الكبار عن الموضوع علشان يطلبوا منهم تفعيل الرقابه مثلا و ان كان ده مش مضمون نتيجته انما علي الاقل المستهلك يحس ان مرسيدس واقفه معاها لحل مشكلته مش بتقوله مليش دعوه و منك لبتوع البنزين الغشاشين

اقتباس:

---

المشاركة الأصلية كتبت بواسطة land_cruiser

بص حضرتك نظريا زي ما حضرتك قلت المفروض البنزين ما يبقاش مغشوش و رقم الاوكتان يبقي مضبوط زي ما المفروض برضه يبقي فيه شوارع متسفلته و قانون مرور و ناس بتحترمه. طيب بافتراض بقي ان الدوله بدأت من اليوم في الرقابه علي المحطات عمليا بقي قدامها وقت طويل الي ان تستطيع ان تقضي علي الفساد ده اذا قدرت اصلا ، في خلال الوقت ده تكون عربيات كتير باظت و مش مرسيدس فقط انما من كل الماركات و المستهلك هو اللي خسران . علشان كده انا قلت ده دور الوكيل لانه عارف الكلام ده و الخطر اللي جاي منه و بدل ما يكلم الشركه الام يقولها تحل الموضوع فنيا بقي بيمضي الناس علي تعهد انه لازم يحطوا ٩٥ لانه يا اما عارف ان البنزين مغشوش و لذلك المواتير هتبوظ او نائم علي ودانه و الاحتمالين اسوأ من بعض لان معناهم بالنسبه للمستهلك ان الماركه العريقه بقت بتدور علي الفلوس في المقام الاول و مش فارق معاها العميل و لذلك بتسيبه قدام المشكله و تجري ودي من اكبر المشاكل اللي ممكن تواجه اي صانع سيارات و هي ان المستهلك يفقد المصداقيه فيه لان الموضوع ساعتها مش هيبقي عيب صنع في موديل فالناس تبطل تشتريه و خلاص انما هيبقي الكلام علي كل الموديلات و بكده الناس تبطل تشتريها و تمنها ينزل في الارض. لو مكان الوكيل بدل ما اروح اعمل تحليل للبنزين علي حسابي علشان اطلع نفسي بريء اروح أبعت المشكله بره بحجمها الطبيعي و اطلب منهم علاج سريع و أوقف المهزله دي حفاظا علي اسمه و مكانه في السوق و من ناحيه تانيه استغل اسمي في عمله حمله دعائيه او الوصول للمسئولين الكبار عن الموضوع علشان يطلبوا منهم تفعيل الرقابه مثلا و ان كان ده مش مضمون نتيجته انما علي الاقل المستهلك يحس ان مرسيدس واقفه معاها لحل مشكلته مش بتقوله مليش دعوه و منك لبتوع البنزين الغشاشين

---

تقصير الوكيل في حاجة واحده بس - من قبل ما ينزل العربية والله يا جماعة الأمر كذا كذا كذا هينفع ولا لأ - لأ يبقى خلاص لكن اللي حضرتك بتتكلم عليه ده مينفعش دلوقتي

يا فندم حضرتك بتتكلم عن ايه !!! ؟؟؟ ازاي الشركة تعدل المحرك مخصوص علشان مصر ؟؟؟

هو اصلاً بلدك بحجم مبيعاتها دي هتخلي مرسيدس تعمل تعديلات على المحركات مخصوص علشانها ؟؟؟!!!!

ليه هو انت بتبتيع كام اساساً ؟؟؟ وانت رقم كام في اولويات تسليم المصنع ؟؟؟؟ انت رقم مليووون هناك !!!!!

ودي مش مشكلة الشركة والله انا بتقدم والدول المش متقدمة خلاص تخبط راسها في الحيطة مش مصر اللي هتبيع 300 عربية في السنة او 250 عربية في السنة وحجوزات سنة ونص علشان الكمية اللي بيبعتها المصنع قليلة جداً لان حجم مبيعات مصر في مرسيدس وبي ام يكاد لايذكر !!!!!

يبقى مين اللي يعدل من نفسه ؟؟؟؟ شركة تعدل شئ صحيح وسليم وحديث وتكنولوجيا عالية علشان بلد واحده بس على مستوى العالم لسه عايشة في تخلف ؟؟؟؟؟؟؟

ياجماعة اعقلوها والنبي !!!!!

ادى رد الجهة الحكومية المسؤولة......الغير مسؤولة
كله تمام كالعادة......التحاليل هى اللى غلط، ومرسيدس جايبة البنزين من مصدر مجهول........!!!!
ﻻ تعليق.....
نص الخبر:

هيئة البترول: نتائج تحليل العينات تثبت أن بنزين 95 مطابق للمواصفات القياسية

أكد الرئيس التنفيذي لهيئة البترول المهندس طارق الملا، أن نتائج تحليل عينات بنزين 95 المأخوذة من عدد من محطات الوقود بالقاهرة والإسكندرية بالمعامل المتخصصة أثبتت مطابقة العينات لرقم الأوكتان 95 والمواصفات القياسية، وأن العينات المأخوذة تضمنت كذلك عينات عشوائية لبنزين 92 ثبتت مطابقتها لرقم الأوكتان والمواصفات، نافيا صحة ما تردد حول غش البنزين 95 المطروح بالسوق المحلية وأنه غير مطابق للمواصفات.

وقال الرئيس التنفيذي لهيئة البترول -في بيان رسمي اليوم الجمعة- إن وزير البترول والثروة المعدنية المهندس شريف إسماعيل، أصدر توجيهات عاجلة باتخاذ الإجراءات اللازمة لإظهار الحقائق وسحب عينات عشوائية من محطات الخدمة لتحليلها، وإن وجود أية شكاوى فردية لغش بنزين 95 في حال ثبوتها لا يجب تعميمها على الإطلاق على كل ما يتم إنتاجه واستهلاكه في السوق المحلية من البنزين 95 الذي يجري استخدامه منذ سنوات بكفاءة.

وأضاف أن ما نشر عن غش البنزين 95 لا يزيد على نتيجة تحليل عينة من البنزين مجهولة المصدر أرسلتها شركة سيارات عالمية تعمل فى مصر إلى مركز بحوث البترول التابع لشركة مصر للبترول لتحليلها بناء على طلب شركة السيارات كإجراء متبع منذ يونيو 2013، لافتا إلى أن نتيجة تحليل تلك العينة مجهولة المصدر لا تعد بأي حال من الأحوال مستندا له قيمة يمكن الاعتماد عليه.

وأوضح أن الكميات المطروحة من بنزين 95 في السوق المحلية تتراوح ما بين 700 و800 طن يوميا، بما يمثل كمية ضئيلة لمقارنة بمعدل استهلاك الأنواع الأخرى من البنزين الذي يقدر بما لا يقل عن 19 ألف طن يوميا، وأن إنتاج بنزين 95 يتم فقط في معمل تكرير “ميدور” المزود بأحدث التقنيات العالمية ما يجعل إنتاج البنزين 95 يتم بكفاءة عالية ووفق المواصفات العالمية، ويتم تسليم شركات التسويق انتاج البنزين من المعمل بشهادات مطابقة معتمدة بعد سحب تلك الشركات لعينات من البنزين من مصدر إنتاجه واجراء تحاليل للعينات قبل التسليم بحضور ممثلى شركات التسويق.

وتابع الملا بالقول “مسؤولية هيئة البترول وشركاتها عن جودة المنتج تنتهي بمجرد استلام محطات التموين للبنزين 95، وتبدأ بعد ذلك مسؤولية متابعة جودة المنتج من خلال جهات رقابية أخرى بالدولة، والتي ترجع أهمية دورها الرقابي إلى إيقاف أى تلاعب قد ينشأ من أصحاب المحطات للاستفادة من فارق السعر الكبير بين بنزين 95 والأنواع الأخرى من البنزين”.

ونفى صحة ما تردد حول قيام مسئولي شركات توزيع المنتجات البترولية بخلط مواد حافظة مع غاز البوتاجاز ونسبة من المياه في بنزين 92 ليتحول إلى 95، ووصفه بأنه “أمر غير منطقي وغير علمي ولا أساس له من الصحة”، موضحا أن منظومة تداول المنتجات البترولية منفصلة تماما عن منظومة تداول البوتاجاز، وأن القيمة الاقتصادية للبوتاجاز أعلى من البنزين، وبالتالي ليست هناك جدوى اقتصادية من إضافته إليه، فضلا عن ان قطاع البترول ليس لديه فائض فى انتاج البوتاجاز.

وأوضح أنه قد ينتج جراء هذه العملية المزعومة تكوين مخاليط انفجارية وانهيار مواصفة الضغط البخاري للبنزين، وأن العينة التى تم الاستشهاد بها لم تتضمن وجود نسبة من المياه أو مايشير إلى احتوائها على بوتاجاز من عدمه.

وأهاب الرئيس التنفيذى لهيئة البترول بالمواطنين ضرورة التوجه إلى المختصين والجهات الرقابية للتقدم بشكاواهم حال التشكك في جودة الوقود المتواجد في أي من محطات التموين والخدمة المنتشرة بجميع أرجاء البلاد حتى يتم التحقق من الشكوى واتخاذ كافة الإجراءات تجاه الجهة المسؤولة عن الغش حال ثبوته.

يا شباب احنا لحد دلوقتي مشفناش التقرير بتاع التوكيل بتاع كمبيوتر العربية عشان نحكم حكم نهائي ان البنزين السبب
ايه error code وايه شكل العطل بالمحرك بشكل تفصيلي اكتر من كده
انا متأكد بنسبة ٩٠ ٪ ان ده عيب من العربية مش من البنزين بس نفسي أشوف error code او عشان أكد ظني

اقتباس:

---

المشاركة الأصلية كتبت بواسطة 2code

تقصير الوكيل في حاجة واحده بس - من قبل ما ينزل العربية والله يا جماعة الأمر كذا كذا كذا هينفع ولا لأ - لأ يبقى خلاص لكن اللي حضرتك بتتكلم عليه ده مينفعش دلوقتي

يا فندم حضرتك بتتكلم عن ايه !!! ؟؟؟ ازاي الشركة تعدل المحرك مخصوص علشان مصر ؟؟؟

هو اصلاً بلدك بحجم مبيعاتها دي هتخلي مرسيدس تعمل تعديلات على المحركات مخصوص علشانها ؟؟؟!!!!

ليه هو انت بتبتيع كام اساساً ؟؟؟ وانت رقم كام في اولويات تسليم المصنع ؟؟؟؟ انت رقم مليووون هناك !!!!!

ودي مش مشكلة الشركة والله انا بتقدم والدول المش متقدمة خلاص تخبط راسها في الحيطة مش مصر اللي هتبيع 300 عربية في السنة او 250 عربية في السنة وحجوزات سنة ونص علشان الكمية اللي بيبعتها المصنع قليلة جداً لان حجم مبيعات مصر في مرسيدس وبي ام يكاد لايذكر !!!!!

يبقى مين اللي يعدل من نفسه ؟؟؟؟ شركة تعدل شئ صحيح وسليم وحديث وتكنولوجيا عالية علشان بلد واحده بس على مستوى العالم لسه عايشة في تخلف ؟؟؟؟؟؟؟

ياجماعة اعقلوها والنبي !!!!!

---

لأ ممكن تعدل علشان ملاحظه من عميل واحد علي فكره و ده مش غريب علي مرسيدس .علي فكره ال r&d و خدمات ما بعد البيع عندهم محترم جدا و بياخد في الاعتبار الملاحظات اللي من النوع ده و خاصه ان المشكله ممكن تكون موجوده في بلاد تانيه مش في صوره بنزين مغشوش انما لارتفاع سعر ال ٩٥ حتي يبقي اذا الموضوع مش صغير و لا مشكله لعدد محدود زي ما حضرتك متصور و لا حاجه و باعتبار ان العربيه سعرها غالي و المفروض انها موجهه لطبقه معينه ده يخللي الصوت الواحد يؤثر و بعدين حتي من الواقع الفعلي و بالنسبه لموضوع البنزين تحديدا فولكس فاجن علي سبيل المثال لا الحصر عدلت في طرمبات البنزين و خلتها تشتغل علي ٩٢ و أعلنت الكلام ده رسميا و ان كان متأخر لو تفتكر يعني مش بنتكلم في خيال علمي و لا حاجه . رجاء اخير من حضرتك يا ريت لو ينفع تقلل عدد علامات الاستفهام و التعجب لان معناهم المعروف تعصب و استنكار و احيانا تهكم و احنا بنتناقش مش بنتخانق لا سمح الله و الهدف هو الوصول لحل و تقبل تحياتي

بصوا من الاخر احنا ملناش في العربيات النضيفه
جمارك فلكيه و مستوى معيشه متدني
و لما تفضل تشتغل و تشقى طول عمرك و ربنا يكرمك و تحط تحويشة عمرك في سيارة احلامك
تلقى البنزين المطلوب للعربيه اتشال منه الدعم و تمنه بقى الطاق تلاته و كمان مغشوش
يعني قافله زي الدومنه

اقتباس:

---

المشاركة الأصلية كتبت بواسطة k.ossama

ادى رد الجهة الحكومية المسؤولة......الغير مسؤولة
كله تمام كالعادة......التحاليل هى اللى غلط، ومرسيدس جايبة البنزين من مصدر مجهول........!!!!
ﻻ تعليق.....
نص الخبر:

هيئة البترول: نتائج تحليل العينات تثبت أن بنزين 95 مطابق للمواصفات القياسية

أكد الرئيس التنفيذي لهيئة البترول المهندس طارق الملا، أن نتائج تحليل عينات بنزين 95 المأخوذة من عدد من محطات الوقود بالقاهرة والإسكندرية بالمعامل المتخصصة أثبتت مطابقة العينات لرقم الأوكتان 95 والمواصفات القياسية، وأن العينات المأخوذة تضمنت كذلك عينات عشوائية لبنزين 92 ثبتت مطابقتها لرقم الأوكتان والمواصفات، نافيا صحة ما تردد حول غش البنزين 95 المطروح بالسوق المحلية وأنه غير مطابق للمواصفات.

وقال الرئيس التنفيذي لهيئة البترول -في بيان رسمي اليوم الجمعة- إن وزير البترول والثروة المعدنية المهندس شريف إسماعيل، أصدر توجيهات عاجلة باتخاذ الإجراءات اللازمة لإظهار الحقائق وسحب عينات عشوائية من محطات الخدمة لتحليلها، وإن وجود أية شكاوى فردية لغش بنزين 95 في حال ثبوتها لا يجب تعميمها على الإطلاق على كل ما يتم إنتاجه واستهلاكه في السوق المحلية من البنزين 95 الذي يجري استخدامه منذ سنوات بكفاءة.

وأضاف أن ما نشر عن غش البنزين 95 لا يزيد على نتيجة تحليل عينة من البنزين مجهولة المصدر أرسلتها شركة سيارات عالمية تعمل فى مصر إلى مركز بحوث البترول التابع لشركة مصر للبترول لتحليلها بناء على طلب شركة السيارات كإجراء متبع منذ يونيو 2013، لافتا إلى أن نتيجة تحليل تلك العينة مجهولة المصدر لا تعد بأي حال من الأحوال مستندا له قيمة يمكن الاعتماد عليه.

وأوضح أن الكميات المطروحة من بنزين 95 في السوق المحلية تتراوح ما بين 700 و800 طن يوميا، بما يمثل كمية ضئيلة لمقارنة بمعدل استهلاك الأنواع الأخرى من البنزين الذي يقدر بما لا يقل عن 19 ألف طن يوميا، وأن إنتاج بنزين 95 يتم فقط في معمل تكرير “ميدور” المزود بأحدث التقنيات العالمية ما يجعل إنتاج البنزين 95 يتم بكفاءة عالية ووفق المواصفات العالمية، ويتم تسليم شركات التسويق انتاج البنزين من المعمل بشهادات مطابقة معتمدة بعد سحب تلك الشركات لعينات من البنزين من مصدر إنتاجه واجراء تحاليل للعينات قبل التسليم بحضور ممثلى شركات التسويق.

وتابع الملا بالقول “مسؤولية هيئة البترول وشركاتها عن جودة المنتج تنتهي بمجرد استلام محطات التموين للبنزين 95، وتبدأ بعد ذلك مسؤولية متابعة جودة المنتج من خلال جهات رقابية أخرى بالدولة، والتي ترجع أهمية دورها الرقابي إلى إيقاف أى تلاعب قد ينشأ من أصحاب المحطات للاستفادة من فارق السعر الكبير بين بنزين 95 والأنواع الأخرى من البنزين”.

ونفى صحة ما تردد حول قيام مسئولي شركات توزيع المنتجات البترولية بخلط مواد حافظة مع غاز البوتاجاز ونسبة من المياه في بنزين 92 ليتحول إلى 95، ووصفه بأنه “أمر غير منطقي وغير علمي ولا أساس له من الصحة”، موضحا أن منظومة تداول المنتجات البترولية منفصلة تماما عن منظومة تداول البوتاجاز، وأن القيمة الاقتصادية للبوتاجاز أعلى من البنزين، وبالتالي ليست هناك جدوى اقتصادية من إضافته إليه، فضلا عن ان قطاع البترول ليس لديه فائض فى انتاج البوتاجاز.

وأوضح أنه قد ينتج جراء هذه العملية المزعومة تكوين مخاليط انفجارية وانهيار مواصفة الضغط البخاري للبنزين، وأن العينة التى تم الاستشهاد بها لم تتضمن وجود نسبة من المياه أو مايشير إلى احتوائها على بوتاجاز من عدمه.

وأهاب الرئيس التنفيذى لهيئة البترول بالمواطنين ضرورة التوجه إلى المختصين والجهات الرقابية للتقدم بشكاواهم حال التشكك في جودة الوقود المتواجد في أي من محطات التموين والخدمة المنتشرة بجميع أرجاء البلاد حتى يتم التحقق من الشكوى واتخاذ كافة الإجراءات تجاه الجهة المسؤولة عن الغش حال ثبوته.

---

و ايه المشكلة في الكلام .. انا مش فاهم

مرسيدس بتقول بنزين 95 مغشوش .. و الحكومة بتقول انه مش مغشوش

ليه اصدق مرسيدس اللي من الطبيعي انها ها تحاول انها تلقي بالمسئولية على اي حاجة غير ان الموتور فيه مشكلة .. و في نفس الوقت اكذب الحكومة اللي اولا بنزين 95 بتاعها عمرنا ما سمعنا على مشكلة منه .. و حتى بنزين 92 اللي كل الناس بتقول عليه مغشوش طول عمر العربيات التيربو و غير التيربو بتستخدمه و عمره ما بوظ موتور عربية بالسرعة دي

بصراحة انا عاجبني تقرير الحكومة

حتى لو فيه جزء من الكذب و الحكومة بتجمل صورتها و خلاص .. بس الجانب الايجابي فيه انه هيصب في مصلحة العملاء اللي عندهم مشاكل مع مرسيدس .. و اللي دفعوا ملايين في عربيات و فلوسهم راحت في الهواء

طب الكلام كلوا هنا على المواتير التربو طب انا جايب e200 واعذروا جهلى برضوا بينطبق عليها نفس الكلام ارجو اهل الخبرة يفديونى

اقتباس:

---

المشاركة الأصلية كتبت بواسطة 2alb

طب الكلام كلوا هنا على المواتير التربو طب انا جايب e200 واعذروا جهلى برضوا بينطبق عليها نفس الكلام ارجو اهل الخبرة يفديونى

---

اطمن يا باشا ال e نظام تاني و شغاله زي الفل بال ٩٢ المهم يبقى من محطه محترمه

طيب ما نعمل حركة .. نعمل حملة تحليل للبنزين من معظم المحطات وبكده:

1- هنعرف احنا بنحط بنزين ايه .. ولو مغشوش هنطلع كلنا طلعة واحدة على الحكومة
2- ولو في محطات بتغش يبقى هنرسم خريطة البنزين النظيف في مصر ونوجه الناس عليها ونولع فى المحطات اللى بتغش
3- هنساعد فى الضغط على التوكيل لو البنزين فعلا مزبوط ومفيهوش مشكلة
4 - اخيرا هنعرف الحقيقة فين بدل ما كل طرف بيلعب بينا

كل المطلوب .. اننا كل ناس فى منطقة واحدة يتفقوا على المحطات اللى فى محيط المنطقة بتاعتهم وكل واحد يروح بنزينه مختلفة ياخد عينة بنزين ويحللها ويصور التقرير بتاعها .. ممكن نعمل سيستم للموضوع ده وينشر النتائج اول بأول

الموضوع طالع فى دماغي جدا لان عاجلا او اجلا هيجي قدرنا ونلبس زي اصحاب عربيات مرسيدس

اقتباس:

---

مرسيدس بتقول بنزين 95 مغشوش .. و الحكومة بتقول انه مش مغشوش

---

الدنيا كلها عارفه ان بنزين 95 بتاع مصر هو فى الحقيقه اوكتان 91 , حتى فى المنتديات الاوروبيه و الامريكيه
هو فى حد يصدق الحكومه برضه الناس دى نحلت وبرنا و فرتكتنا و احنا بنقول كمااااان
معروف عننا اننا شعب بيحب اوى يتقرطس :16:

اقتباس:

---

المشاركة الأصلية كتبت بواسطة hany63

اطمن يا باشا ال e نظام تاني و شغاله زي الفل بال ٩٢ المهم يبقى من محطه محترمه

---

ياباشا طمتنى تسلم اديك انا اساسا الشيطان بيلعب فى دماغى من ساعتها وخصوصا مبلغها محترم وخصوصا بعد مازادةت 20000 الف :majd(4):

انا من رأيي ان المتضررين لازم يعملوا شكوي جماعية لمرسيدس في المانيا لإيجاد حل للمشكله دي و علشان توصلهم المشكله في حجمها الطبيعي و يتصرفوا و كمان يشكلوا جماعات ضغط علي الوكيل لمحاوله الوصول الي حل سريع بدون الهروب من المسئوليه بالشكل الرخيص ده بس المشكله ان الموضوع ده ممكن ياخد وقت و لذلك لازم يبقي في حل علي المدي القصير ... انا فكرت في محسنات الاوكتان بس حاسس انه مش هيبقي عملي قوي انه يتحط مع كل تفويله لانه هيغلي سعر لتر البنزين زياده ما هو غالي اصلا :majd(4):
في اجهزه بتقيس نسبه الاوكتان زي ده مثلا
http://www.shatox.com/octanetester.html
بس اكيد الناس مش هتمشي به و هي رايحه تحط بنزين كل مره و كمان سعره اكيد هيكون وهمي

اقتباس:

---

المشاركة الأصلية كتبت بواسطة hunting_eagle

و ايه المشكلة في الكلام .. انا مش فاهم

مرسيدس بتقول بنزين 95 مغشوش .. و الحكومة بتقول انه مش مغشوش

ليه اصدق مرسيدس اللي من الطبيعي انها ها تحاول انها تلقي بالمسئولية على اي حاجة غير ان الموتور فيه مشكلة .. و في نفس الوقت اكذب الحكومة اللي اولا بنزين 95 بتاعها عمرنا ما سمعنا على مشكلة منه .. و حتى بنزين 92 اللي كل الناس بتقول عليه مغشوش طول عمر العربيات التيربو و غير التيربو بتستخدمه و عمره ما بوظ موتور عربية بالسرعة دي

بصراحة انا عاجبني تقرير الحكومة

---

المشكلة ببساطة يا فندم إن وظيفة الحكومة هى انها تحكم.....
التقرير عمل إيه؟ قال كله تمام مرسيدس جايبة البنزين من مصدر مجهول (مش فاهم يعنى إيه) وانهم مسؤولين عن البنزين لحد لما يتوزع على المحطات، بس كدة.
امال مين اللى مسؤول بعد كدة......؟ مش الحكومة برضو
ولا كل واحد فينا يمشى بجهاز كشف الأوكتان ويختبر البنزين قبل ما يفوول.

العربية نازلة بقالها شوية فى أوروبا وأمريكا وما حصلش مشاكل منها. يبقى ايه المشكلة؟
مرسيدس نزلوا الموتور الجديد بأعلى موصفات الانبعاثات الأوروبية euro 6 وده غالباً له علاقة بالمشاكل اللى حصلت عندنا فى مصر. وهى الشركة الوحيدة اللى نزلت المواصفات فى مصر حتى الآن.

بالنسبة لموضوع إننا ما سمعناش مشاكل قبل كدة من البنزين، فبالعكس بس مشاكل صغيرة، كركرة وسحب وحش، والقصة دى من ٤ سنين على الأقل. وده بﻻضو علشان عربيات كتير فى الفترة دى نزلت بمواتير جديدة euro 5

يبقى فى مسؤولية على الحكومة من وجهة نظرى المتواضعة.....على البنزين وعلى المحطات وعلى مرسيدس نفسها. مش تخلى مسؤوليتها وخلاص وتسيبنا إحنا نولع فى بعض

خلاص يا شباب كلنا شتمنا و كله تمام و البنزين كله بايظ و هيييييييييييه :)

طب المنتدى ده كله عارف من زمان جدا ان فى بنزينات البنزين بتاعها معفن و بيبوظ العربيه و اكتب بس فى البحث برجله فى العربيه ولا بنزين مغشوش هتلاقى من سنين طويله و اول نصيحه بتتقال ابعد عن البنزينه دى خصوصا الحكوميه منها عشان بنزينها وحش

و نفس الاشخاص بنفس العربيات ماشين بيها حتى الان او باعوها و محصلش اى مشاكل بعد كده يعنى لا بنزين البلد كله مغشوش ولا هو موضوع جديد فهياثر علينا كلنا و عربياتنا كلها هتبوظ و ما الى ذلك الا اذا كان فى حد هنا مصدق اننا من 10 سنين العربيات الى بتمشى ب 92 ماشيه ب 87.5 و عادى ميبحصلهاش حاجه خالص :) و كلنا عارفين انه مش صح

فى بنزينات معينه فى البلد خربانه و زباله و معروفه مسؤليه الحكومه طبعا بس للاسف هو ده حالنا و عايشين معاه لحد ميقفلوها و لا يغيرو بقيت النظام ماشى عادى و التجربه بتاعه السنين هى الى بتقول لا انا ولا انتم و لا اى معمل

نيجى بقى للمشكله انا قريتها على الفاس ان البنزين الى فى العربيه ده كان 92 و التحليل طلعه 87.5 و انتم بتقولو ان التحليل ده ل 95 انا اقصد الورقه دى

و اخيرا كلنا عارفين ان فى كل العربيات المتوسطه و العاليه فى الف نظام حمايه من الاوكتان القليل تقدر تقولى ازاى النظام ده ساب العربيه ماشيه ب 8 او كتان اقل طول الوقت بلا انذار لحد مجابت جاز و ازاى محدش حس ان العربيه بتبرجل جامد اوى تحتيه ده تيربو عالى و اوكتان تعبان يعنى

اخيرا المشكله لو فى البنزين و كل بنزين البلد مغشوش ليه اصحاب العربيات دى عايزين الشركه تصلحها و ياخدوها تانى ؟؟ المفروض يبقى كل همهم هو الريكال لانهم مش هيقدرو يمشو بيها لان مفيش بنزين نضيف

و المفروض ان دى عربيه B-class ناس بتقول المشكله فى 10 عربيات منهم عربيات C180 طب و بقيت العربيات هل مرسيدس باعت 10 عربيات C and B بس ؟؟؟ لا و غالبا مش هتشوف المشكله بالنسبه الى بتتكلمو عليها الا لو فى مشكله حقيقه فى المواتير

اخيرا انا شايف غباء من مرسيدس بغض النظر الموضوع كان فى ايه 10 عربيات و محدش سامع عنه بغبائهم سمعو الدنيا كلها و محدش هيشترى مرسيدس تانى لحد ميعرف ايه العيب و لو العيب فى البنزين يبقى محدش هيشترى مرسيدس خااااااالص لان محدش يقدر يغير البنزين غباء اوى

اقتباس:

---

المشاركة الأصلية كتبت بواسطة k.ossama

المشكلة ببساطة يا فندم إن وظيفة الحكومة هى انها تحكم.....
التقرير عمل إيه؟ قال كله تمام مرسيدس جايبة البنزين من مصدر مجهول (مش فاهم يعنى إيه) وانهم مسؤولين عن البنزين لحد لما يتوزع على المحطات، بس كدة.
امال مين اللى مسؤول بعد كدة......؟ مش الحكومة برضو
ولا كل واحد فينا يمشى بجهاز كشف الأوكتان ويختبر البنزين قبل ما يفوول.

العربية نازلة بقالها شوية فى أوروبا وأمريكا وما حصلش مشاكل منها. يبقى ايه المشكلة؟
مرسيدس نزلوا الموتور الجديد بأعلى موصفات الانبعاثات الأوروبية euro 6 وده غالباً له علاقة بالمشاكل اللى حصلت عندنا فى مصر. وهى الشركة الوحيدة اللى نزلت المواصفات فى مصر حتى الآن.

بالنسبة لموضوع إننا ما سمعناش مشاكل قبل كدة من البنزين، فبالعكس بس مشاكل صغيرة، كركرة وسحب وحش، والقصة دى من ٤ سنين على الأقل. وده بﻻضو علشان عربيات كتير فى الفترة دى نزلت بمواتير جديدة euro 5

يبقى فى مسؤولية على الحكومة من وجهة نظرى المتواضعة.....على البنزين وعلى المحطات وعلى مرسيدس نفسها. مش تخلى مسؤوليتها وخلاص وتسيبنا إحنا نولع فى بعض

---

يا سيدي الفاضل

انا مش هنا علشان ادافع عن الحكومة او اني اهاجم مرسيدس

الهدف من كلامي .. ان في مشكلة .. و في طرفين .. وكيل مرسيدس اللي انا شايفه بيتهرب بخسة و وطيان من تصليح عربية لسه زيرو .. و حكومة زي ما حضرتك قولت بتخلي طرفها و خلاص

يعني الاتنين أسوأ من بعض .. ليه انا اصدق تحليل مرسيدس للمشكلة انه خاص بالبنزين .. و اكذب الحكومة .. مع ان الاتنين هدفهم الأول عدم تحمل المسئولية

بين الطرفين بقى .. في واحد مسكين اسمه الزبون .. و غالبا حقه هيضيع

و بعدين تاني يا جماعة .. احنا اول مرة نسمع عن مشكلة في بنزين 95 .. طول عمر الكركرة و التسقيف و بطأ التسارع جاي من ال 92 ..

و انا ها امشي معاك ان محركات مرسيدس الجديدة ليها متطلبات خاصة .. الوكيل في مصر ايه ؟؟ أعمى القلب و البصيرة .. هو مش واخد باله انه بيبيع أغلى عربية بتنزل في مصر .. و ان الناس بتدفع تمن العربية الفعلي مرتين .. هو مش شغال في المجال ده بقاله سنين و عنده مراكز خدمة و عارف مشاكل البنزين في مصر ؟!

و اللي يدل على الخسة و النتانة أكتر انه بيمضي الناس اللي بتشتري على اقرارات .. يعني تمضيني اني احط بنزين 95 .. و اروح احط 95 تيجي تقولي لا مش نافع ؟

اعذرني على حدة كلامي .. و لكن لأني حزين من اجل الناس اللي اشترت و سياراتها عطلت .. انا قرأت عن واحد محتاج موتور ب 150 الف .. تخيل ؟!

تحياتي لسيادتك

اقتباس:

---

الدنيا كلها عارفه ان بنزين 95 بتاع مصر هو فى الحقيقه اوكتان 91 , حتى فى المنتديات الاوروبيه و الامريكيه

---

لا الحقيقة مش الدنيا كلها ولا حاجة عارفة ان بنزين 95 هو في الحقيقة 91 ..

و المنتديات الآوروبية و الأمريكية سابت كل المواضيع اللي تهمهم .. و بيتكلموا دلوقتي في بنزين مصر ال 95 المغشوش .. اللي هو في الحقيقة 91 ؟!

انا اعرف ناس بريطانيين و امريكيين ما يعرفوش مصر دي فين أساسا ..

اقتباس:

---

معروف عننا اننا شعب بيحب اوى يتقرطس :16:

---

ما هو ده حقيقي اننا شعب بيحب بيتقرطس ..

بدليل اننا عمالين نلاقي طريقة للوكيل علشان ينصب بيها علينا و بنلتمس له الأعذار

تصدق اننا طلعنا شعب بيحب يتقرطس و ...

و لا بلاش

:16:

اقتباس:

---

المشاركة الأصلية كتبت بواسطة hunting_eagle

يا سيدي الفاضل

انا مش هنا علشان ادافع عن الحكومة او اني اهاجم مرسيدس

الهدف من كلامي .. ان في مشكلة .. و في طرفين .. وكيل مرسيدس اللي انا شايفه بيتهرب بخسة و وطيان من تصليح عربية لسه زيرو .. و حكومة زي ما حضرتك قولت بتخلي طرفها و خلاص

---

طبعاً توكيل واطى ولا يليق بالعلامة اللى ماسكها

اقتباس:

---

المشاركة الأصلية كتبت بواسطة hunting_eagle

يعني الاتنين أسوأ من بعض .. ليه انا اصدق تحليل مرسيدس للمشكلة انه خاص بالبنزين .. و اكذب الحكومة .. مع ان الاتنين هدفهم الأول عدم تحمل المسئولية

---

سبب تصديقى للتحليل انه معمول فى معامل مصر للبترول. يعنى معمول فى معمل حكومى مش حتة خاصة

اقتباس:

---

المشاركة الأصلية كتبت بواسطة hunting_eagle

بين الطرفين بقى .. في واحد مسكين اسمه الزبون .. و غالبا حقه هيضيع

---

كلام سليم تماماً وهو ده اللى حارق دمى.....

اقتباس:

---

المشاركة الأصلية كتبت بواسطة hunting_eagle

و اللي يدل على الخسة و النتانة أكتر انه بيمضي الناس اللي بتشتري على اقرارات .. يعني تمضيني اني احط بنزين 95 .. و اروح احط 95 تيجي تقولي لا مش نافع ؟

---

برضو كلام سليم.
مافيش حاكم للسوق.....البقاء للاقوى و الاوطى

اقتباس:

---

المشاركة الأصلية كتبت بواسطة hunting_eagle

اعذرني على حدة كلامي .. و لكن لأني حزين من اجل الناس اللي اشترت و سياراتها عطلت .. انا قرأت عن واحد محتاج موتور ب 150 الف .. تخيل ؟!

تحياتي لسيادتك

---

وباشا ولا حدة وحاجة
هو موضوع يحزن ويحرق الدم الصراحة كلة على بعضه كدة

اقتباس:

---

المشاركة الأصلية كتبت بواسطة hunting_eagle

لا الحقيقة مش الدنيا كلها ولا حاجة عارفة ان بنزين 95 هو في الحقيقة 91 ..

و المنتديات الآوروبية و الأمريكية سابت كل المواضيع اللي تهمهم .. و بيتكلموا دلوقتي في بنزين مصر ال 95 المغشوش .. اللي هو في الحقيقة 91 ؟!

انا اعرف ناس بريطانيين و امريكيين ما يعرفوش مصر دي فين أساسا ..



ما هو ده حقيقي اننا شعب بيحب بيتقرطس ..

بدليل اننا عمالين نلاقي طريقة للوكيل علشان ينصب بيها علينا و بنلتمس له الأعذار

تصدق اننا طلعنا شعب بيحب يتقرطس و ...

و لا بلاش

:16:

---

يعنى انا لما اقول الدنيا كلها عارفه اقصد ال 7 مليار بشرى ؟
لعلمك انا اول مره اعرف كان من واحد فى منتدى امريكى من كام سنه
اتكلم فى المهم يا برينس
و بعدين هو التوكيل بينصب ازاى ؟ هو انت متعرفش انه بيحصص مع الحكومه ايه يا سيدنا هو انا بتكلم فى
علم صواريخ او كيمياء عضويه ؟
هو غبور بيرش فلوس قد ايه علشان النصر للسيارات يفضل خربان ؟ ولا دى كمان متعرفهاش , متعرفش ان احنا عايشين فى بلد المافيا و شيوخ المنصر , ما تعرفش ان موقعنا من افضل مواقع خمس دول فى العالم
و سايبين خيرها و رايحين نشتغل عبيد عند الخلايجه ؟
اقولك بقى حاجه كمان احنا مش بس شعب متقرطس لا ده فيه كمان حاجات كتير انا ممكن ارصهالك بس لما قولتها قبل كده اتوقفت اسبوع , وقفونى اسبوع علشان بقول الحقيقه

اقتباس:

---

المشاركة الأصلية كتبت بواسطة banzai

يعنى انا لما اقول الدنيا كلها عارفه اقصد ال 7 مليار بشرى ؟
لعلمك انا اول مره اعرف كان من واحد فى منتدى امريكى من كام سنه
اتكلم فى المهم يا برينس
و بعدين هو التوكيل بينصب ازاى ؟ هو انت متعرفش انه بيحصص مع الحكومه ايه يا سيدنا هو انا بتكلم فى
علم صواريخ او كيمياء عضويه ؟
هو غبور بيرش فلوس قد ايه علشان النصر للسيارات يفضل خربان ؟ ولا دى كمان متعرفهاش , متعرفش ان احنا عايشين فى بلد المافيا و شيوخ المنصر , ما تعرفش ان موقعنا من افضل مواقع خمس دول فى العالم
و سايبين خيرها و رايحين نشتغل عبيد عند الخلايجه ؟
اقولك بقى حاجه كمان احنا مش بس شعب متقرطس لا ده فيه كمان حاجات كتير انا ممكن ارصهالك بس لما قولتها قبل كده اتوقفت اسبوع , وقفونى اسبوع علشان بقول الحقيقه

---

أولا

ده مش حقيقي .. احنا مش بنشتغل عبيد عند الخلايجة .. و ده من واقع تجربة شخصية .. لأني بشتغل في الخليج

لو عندك تجربة (شخصية) تثبت انك كنت بتشتغل كده في الخليج .. ياريت تحكيلنا

ثانيا

كلمة (عبيد عند الخلايجة) دي تقصد بيها ايه بالظبط

هل تقصدني شخصيا .. و لا بتتكلم عموما

لو خرجت الكلمة رغما عنك .. يبقى حصل خير و كلنا أخوة في الله

و لو تقصدني شخصيا .. وده استبعده انه يخرج من سيادتك .. ياريت تقولي صراحة .. أهو اشتكيك للادارة و يمكن تاخد أسبوع كمان وقف

طالما البنزين طلع سئ فى مصر
الحل
كل واحد معاه عربية موتورها تربوا يراسل اقرانه

ويستوردوا بنزين 95 لحسابهم ....

-يا جماعة المشكلة أن ركوب السيارات المحترمة و البنزين المحترم حاجات بتحصل في الأمم المحترمة و المستقرة.

-احنا عندنا مشاكل أكبر من البنزين اللي بوظ 10 مواتير مرسيدس :(

اقتباس:

---

المشاركة الأصلية كتبت بواسطة carrier

طالما البنزين طلع سئ فى مصر
الحل
كل واحد معاه عربية موتورها تربوا يراسل اقرانه

ويستوردوا بنزين 95 لحسابهم ....

---

D:D:

مش عارف ليه مش داخل الموضوع ده في دماغي

يعني التربو موجود في عربيات كتير أوروبي و من عدة سنوات و كلها بتستعمل البنزين (المغشوش) بتاع مصر و كبيرها شوية تسقيف و عزم موتور مفقود
و ده مع موتور مرسيدس معقولة أنه يخلص علي الموتور في 8000 كيلو؟؟؟؟؟؟؟
حاجة غريبة جدا
بصراحة مش مصدق أن البنزين يعمل كده
ده أنت لو حطيت سولار و لا حتي مياه بدل البنزين مش حايعمل كده
كبيرك أن العربية ماتشتغلش و تعطل لغاية ما تحط بنزين كويس
الموضوع كده شكله عيب صناعة و الوكيل عايز يهرب من المسئولية بدليل أنه لم ينشر تقرير عن وضع الموتور بعد ما باظ و مرفق بشوية صور محترمة تبين أثر البنزين (المغشوش) علي الأجزاء الداخلية للموتور

و برضه المنطق يقول أن أكيد فيه حماية من التسقيف علي الموتور لأن الموانير القديمة جدا فيها حماية زي كده يبقي معقولة أن مرسيدس أحدث موديل مافيهاش؟؟؟؟

كان فيه حالة زمان شبه كده و أرسلوا السيارة للجنة متخصصة من كلية الهندسة لتقييم الموقف و كتابة تقرير نهائي عن سبب تلف الموتور و تقرير اللجنة يرفع للمحكمة و لو الوكيل هو المسئول يبقي يتحمل ثمن العربية و التعويضات الكاملة و كل تكاليف القضية ده غير الفضيحة اللي بجلاجل و لو فعلا العيب من البنزين يبقي وزارة البترول ملزمة بتحمل فاتورة الأصلاح كاملة

انا عايز بس أوضح حاجة للناس اللي بتقول لازم الموتور يحمي نفسه و ايه لازمة الknock sensor.

الknock sensor و الECU ليهم حدود في التعامل. هو اه بيأخر الtiming لو الاوكتين قليل، بس ده ليه حدود.

العربيات التربو بتبقى أصلا محتاجة بنزين ٩٨. بس الECU و الknock sensors بتبقى متجهزة تتعامل مع البنزين الأقل، "لحد" ال٩٥. اقل من كده ده برا الظروف اللي الموتور و الECU مجهزين ليها.

و بالنسبة للسؤال عن ال Porsche, Ferrari, etc، في كتير منهم مش تربو. و التربو حساس اكتر للبنزين. بس لا يمنع ان منهم أكيد ممكن يحصل مشاكل بسبب البنزين. انا عندي لو حسّيت ان البنزين هيقل بأصله بفضل ماشي بالرااااحة جدا و بحط octane booster و fuel enhancer و أفضل أزود بنزين نضيف من إمارات مصر لحد ما أتأكد ان الدنيا تمام. دي صورة من كتالوج عربيتي بتتكلم على حدود البنزين

http://i.imgur.com/RloSPSq.png

اما بالنسبة ليه الموتور يبوظ. ده عشان كل ما الاوكتين يكون قليل، بيحصل حاجة اسمها Pre-ignition، يعني البنزين ممكن يشتعل قبل ما البوجيه يضرب. فالانفجار بيضرب في البستم و هو طالع و مع الوقت بيبوظه.

البنزين المغشوش في مصر حقيقة مؤكدة

حمايا الله يرحمه كان شغال في مصر البترول

وحكالى عن غش البنزين واللى بيغشه السواقين اللى سايقين المقطورات

طبعا المفروض التريلا التانك بتاعها يطلع مبرشم ، هما بيتحايلوا على الموضوع ده ويقدروا يفكوا البرشام

ويقدر في الحمولة الواحدة يفضى برميلين بنزين ويحط مكانهم جاز ويبيع البنزين ويستفيد من فرق السعر ما بين البنزين والجاز

مش شرط ان يكون صاحب المحطة متواطىء

السواقين اللى بينقلوا البنزين خطر كبير

اقتباس:

---

المشاركة الأصلية كتبت بواسطة manassar

انا عايز بس أوضح حاجة للناس اللي بتقول لازم الموتور يحمي نفسه و ايه لازمة الknock sensor.

الknock sensor و الecu ليهم حدود في التعامل. هو اه بيأخر الtiming لو الاوكتين قليل، بس ده ليه حدود.

العربيات التربو بتبقى أصلا محتاجة بنزين ٩٨. بس الecu و الknock sensors بتبقى متجهزة تتعامل مع البنزين الأقل، "لحد" ال٩٥. اقل من كده ده برا الظروف اللي الموتور و الecu مجهزين ليها.

و بالنسبة للسؤال عن ال porsche, ferrari, etc، في كتير منهم مش تربو. و التربو حساس اكتر للبنزين. بس لا يمنع ان منهم أكيد ممكن يحصل مشاكل بسبب البنزين. انا عندي لو حسّيت ان البنزين هيقل بأصله بفضل ماشي بالرااااحة جدا و بحط octane booster و fuel enhancer و أفضل أزود بنزين نضيف من إمارات مصر لحد ما أتأكد ان الدنيا تمام. دي صورة من كتالوج عربيتي بتتكلم على حدود البنزين

http://i.imgur.com/rlospsq.png

---

اقتباس:

---

المشاركة الأصلية كتبت بواسطة manassar

اما بالنسبة ليه الموتور يبوظ. ده عشان كل ما الاوكتين يكون قليل، بيحصل حاجة اسمها pre-ignition، يعني البنزين ممكن يشتعل قبل ما البوجيه يضرب. فالانفجار بيضرب في البستم و هو طالع و مع الوقت بيبوظه.

---

الكلام ده ممتاز يا جماعة ياريت الكل يقراه

وبالنسبة للاخوه اللي لسه بيسألوا اشمعنا المواتير التربو دي بس بتبوظ والباقي شغال

يا جماعة ريقنا نشف واحنا بنقول ان الموتور ده اقل انبعاثات في العالم يعني مفيش موتور تربو من المواتير النص كم اللي بتشوفها في العربيات التانية ييجي جنبه اي حاجة !!!!!

المحرك ده عايز بنزين بالمسطرة لأنه اقل انبعاثات واخد جوايز على كده وده المحرك الوحيد اللي حصل على اقل انبعاثات من الموتور

علشان كده الموتور ده أكتر موتور يفضح اتخن بنزين في العالم !!!!!!

لما تيجي انت بقى تركب موتور محترم هتحس بالكلام ده لكن متجيش بموتور من ايام حتشبسوت معمول من 15 سنة تقريباً ولسه بينزلك في عربيات زيرو وانت فرحان تقولي البنزين سليم !!!!!

العالم مش هيستنانا الدنيا بتتقدم واحنا بس اللي بنتخلف

اقتباس:

---

المشاركة الأصلية كتبت بواسطة MANassar

العربيات التربو بتبقى أصلا محتاجة بنزين ٩٨. بس الECU و الknock sensors بتبقى متجهزة تتعامل مع البنزين الأقل، "لحد" ال٩٥. اقل من كده ده برا الظروف اللي الموتور و الECU مجهزين ليها.

---

لا يا فندم.....اسمح لى
التربو = ٩٨........مش قاعدة عامة
المهم نسبة الانضغاط داخل المحرك compression ratio

مثلاً الأسترا التربو 1.6 قوة ١٨٠ حصان ينصح ٩٥ ويمكن استخدام ٩١ أو ٩٨.....
ليه؟ علشان النسبة قليلة 8.8:1

على العكس مواتير skyactiv بتاعة مازدا النسبة فيها عالية جداً تصل الى 13:1 وفى بعض الأسواق 14:1 كمان. هو مواتير مش تربو لكن لازم لها اوكتين عالى

للاسف البنزين بيطلع من محطات التكرير بالعش ده
لانى اعرف ناس اشتغلوا فى معامل البترول و قالولة ان 80 بيطلع62 الفعلى طب ماكانو يبيعوه علا انه 62 مثلا
و قيس على ده 92 95
يعنى الحكومة من الاخر هى الى بتغشه من المنبع
عشان كدة ربنا مش مباركلها لا فى شغل ولا فطرق

اقتباس:

---

المشاركة الأصلية كتبت بواسطة k.ossama

لا يا فندم.....اسمح لى
التربو = ٩٨........مش قاعدة عامة
المهم نسبة الانضغاط داخل المحرك compression ratio

مثلاً الأسترا التربو 1.6 قوة ١٨٠ حصان ينصح ٩٥ ويمكن استخدام ٩١ أو ٩٨.....
ليه؟ علشان النسبة قليلة 8.8:1

على العكس مواتير skyactiv بتاعة مازدا النسبة فيها عالية جداً تصل الى 13:1 وفى بعض الأسواق 14:1 كمان. هو مواتير مش تربو لكن لازم لها اوكتين عالى

---

حضرتك أصح. انا كنت بعمم.

تعليق واحد علي نفس المشكلة ،،


محمود صلاح عبدالعال منذ أسبوعين
انا معايا عربيه مرسيدس c180 موديل ٢٠١٤ و حصل معايا نفس المشكله و حمايه المستهلك مردوش عليا بقالهم شهرين معملوش حاجه في الشكوي ف انا رافع قضيه في المحكمه الاقتصاديه الان و مرسيدس بقالها ٣ جلسات مبتروحش و المفروض الجايه هيتحكم عليهم لان مشكلتي مش في الماتور بس لا في الماتور و الفرامل و كمبيوتر العربيه و مرسيدس رافضه انها تعترف بان في عيب تصنيع مع ان مهندس عندهم الي كشف علي العربيه اول مره هو الي قال لي العربيه فيها عيب تصنيع و كمان لما شوفت كتالوج السياره بيقول ان ممكن احط بنزين حتي ٩١ بس هيقلل من سحب الماتور مع العلم اخي عندو مرسيدس e200 موديل ٢٠٠٤ و مكتوب عندو نفس الي في الكتالوج ان المفروض ٩٥ بس ممكن لحد ٩١ و في ٢٠٠٤ اصلا مكانش في ٩٥ ولا ٩٢ حتي و العربيه بقالها ١٠ سنوات و محصلش حاجه في الماتور حتي الان يا ريت لو كلنا نتحد مع بعض علشان ناخد حقنا لان انا مرسيدس قالت لي اعمل الي انت عايزه الشركات الكبيره زينا مبتخسرش ولا حمايه مستهلك ولا اي حاجه بس ربنا اكبر منهم و قادر يجبلي حقي من النصابين الي عندو نفس المشكله يبعتلي و نتحد