الموضوع: أحالة مرسيدس مصر للنيابة لتلف الموتور من البنزين - يعني كدة بلاش مواتير تربو في مصر؟؟

من وجهة نظرى المشكلة فى مرسيدس ادارية و هى انها رفضت التصليح رغم قدرتها عليه.

الشركة مش فاتحة فى مصر من يوميين و عارفيين كويس قوى المواصفات المصرية وضعها ايه ده حتى بيبان فى تعليق العربية المصرى غير الخليجى.

من الواضح ان المواتير اليورو 6 مخدتيش وقت كافى للاختبارها على الوقود المتوفر عندنا و تسرعوا انهم نزلوها مصر
ممكن تكون مشكلة وكيل و تسرع منه و ده لا يعفى المسؤلية عن الشركة الام برده.
و موضوع انهم بيمضوا العمله ده يأكد انهم اتفجئوا بالوضع ده و ان تكلفته كانت مش متوقعة. و الاقرار ده ما هو الا وسيلة تفتحلهم مخرج.

اما البنزين الله اعلم وضعه ايه هل العيب فى الوزارة و لا فى المحطات.

والله يارجاله اللي اعرفه اننا بناخد على قفانا اوي من موضوع البنزين ده انا بصراحة خايف اركب العربية كتير بسبب البنزين الـ86.7 ده على انه 92 !!!!!!! حرام بجد احنا بني ادمين وعربياتنا غالية ياريت شويه ادمية للمصري يا أجهزة الرقابة !!!!!

المشاركة الأصلية كتبت بواسطة 2code

والله يارجاله اللي اعرفه اننا بناخد على قفانا اوي من موضوع البنزين ده انا بصراحة خايف اركب العربية كتير بسبب البنزين الـ86.7 ده على انه 92 !!!!!!! حرام بجد احنا بني ادمين وعربياتنا غالية ياريت شويه ادمية للمصري يا أجهزة الرقابة !!!!!

بعد تفكير عميق احسن حاجه الواحد يحط ٩٥ و يبقى قضى اخف من قضى و ربنا يعوض في فرق الفلوس اللي هتترمي في الارض في مقابل انك هتستمتع بالعربيه و نعومتها و تحافظ عليها

يا اخوانا اصحوا 92 ايه ولا 95 اللي هيخرب مكنه
دي الاعيب توكيل , افتكروا كدا كام وكيل عمل ريكال لعيب صناعه
في مصر تقريبا مفيش , رغم ان الشركه بره بتبعت نشرات وتقل الوكيل يصلح علي حسابها , لكن الوكيل المصري حدق والعوبان يمضي المستهلك ويحاسبه علي عيب صناعه وكمان يحاسب الشركه بره
وموقف افتكره ف اخر التسعينات في سوزوكي سويفت , المستهلك عنده صوت غريب ف الموتور وكانوا عارفين تيله بنز البستم مع البيل نطرت من مكانها , لكن سقوا المستهلك المر ياعيني علي انه عيب استخدام
انا لو هفول تنك المرسيدس جاز بوابير مش هتخرب المكنه ,اخرها طرمبه
ورشاشات
ليه بنزين 95 دلوقتي فيه نابالم؟؟؟؟

فيه حاجه مهمه لازم تتعمل
المكنه اللي خربت دي لازم نعرف كويس اوي خربت ليه
تتحل واحده و نعمل failure analysis
شغل طيارات ماهي مرسيدس بقي
ونعرف اللبه فين . ممكن التربو فيه مشكلة over charging
خصوصا انهم مركبين الجديد VGT وفيه مشاكل كتير
ممكن بيسيح بساتم ,يعوج بيلات ,يقطم كرنك ,يكسر بلوك يشرخ هد
مرسيدس مش معصومه من الخطا,خصوصا التربو غالبا شركه تانيه بتعمله , ممكن ECU بتخطرف و الوكيل مفغطرشين عليها

المشاركة الأصلية كتبت بواسطة mecha

فيه حاجه مهمه لازم تتعمل
المكنه اللي خربت دي لازم نعرف كويس اوي خربت ليه
تتحل واحده و نعمل failure analysis
شغل طيارات ماهي مرسيدس بقي
ونعرف اللبه فين . ممكن التربو فيه مشكلة over charging
خصوصا انهم مركبين الجديد vgt وفيه مشاكل كتير
ممكن بيسيح بساتم ,يعوج بيلات ,يقطم كرنك ,يكسر بلوك يشرخ هد
مرسيدس مش معصومه من الخطا,خصوصا التربو غالبا شركه تانيه بتعمله , ممكن ecu بتخطرف و الوكيل مفغطرشين عليها

يا فندم ده مش موتور واحد ده 12 موتور تربو من مواتير مرسيدس لغاية دلوقتي !!!!!!

ودي المواتير الوحيدة اللي تقريباً فيها تربو محترم وحقيقي علشان معروف التربو بيستعمل 95 ومينفعش اقل من كده

علشان كده فضح البنزين من اول 8000 كيلو وعددهم 12 موتور مش واحد بس

والموضوع متابعاه مرسيدس المانيا لان صاحب المشكلة بعت لالمانيا برضه وقال انهم بيتابعوا يعني مش توكيل ولا غيره !!!!!!!