أحالة مرسيدس مصر للنيابة لتلف الموتور من البنزين - يعني كدة بلاش مواتير تربو في مصر؟؟

شوفوا الخبر ده كده

احالة شركة مرسيدس للنيابة العامة لرفضها اصلاح محرك سيارة B-200

جهاز حماية المستهلك يحيل مرسيدس مصر لرفضها تغيير موتور عميلة لسه مشتريه عربية مرسيدس b200 من شهر 4-2014 يعني العربية مكملتش 6 شهور !!!!!!!!!

وبسبب ان الموتور تربو والعربية مش مصممة للبنزين الـ92 (اللي بعد التحليل من اللجنة الفنية طلع البنزين الـ92 هو 86.7 يعني كلنا بنروح في داهية بالبطئ !!!!!)

ولكن كالعادة فريق المبيعات بيقولك الموتور التربو بيشتغل بالبنزين 92 عادي !!!!!!!!!

ورفضت الشركة تغيير الموتور على حسابها اللي بيكلف 100 الي 150 الف جنية :allo:

ايه العمل يارجالة ؟؟؟؟ بنزين مصر هيبوظ كل عربياتنا بالبطئ كده !!!!!!!!!

يعني الواحد يركب عربية رخيصة مفيش وسائل امان علشان الجمارك اللي بتفرضها الدولة ونقول هنموت

يركب عربية غالية يجري وراها ويدفع قد تمنها عشرين مره بعد ما يشتريها بسبب البنزين اللي برضه بسبب تسيب واهمال مراقبة الدولة !!!!

الموضوع للمناقشة هل المواتير التربو لاتصلح نهائياً لمصر ؟؟؟؟

هو ايه يعنى الى بينفع فى مصر
يعنى بعد دا كله و غلو البنزين و طلع مغشوش فى الاخر

صورة التحليل الـ95 طلع 92
والـ92 في صورة تانية طلع 86.7

http://nileup.com/up/uploads/nilemotors_14137566841.jpg

شركة مصر للبترول هي اللي عاملة التحليل بنفسها في المعمل عندها

دلوقت انا عايز اعرف مين اللي بيغش البنزين ؟
هل وزارة البترول ولا جميع محطات البنزين بلا استثناء ؟
خلينا مبدئيا في التانيه
فين الرقابه من الدوله لحماية ممتلكات الشعب مع العلم ان اللعب في البنزين هيتسبب في خساير بالمليارات لما كل عربيه تتكلف من ٥٠ ال ١٠٠ الف تمن موتور جديد احسبوها بقى
يعني مش قادرين يراقبوا المحطات و اللي يغش يخش السجن و محتطته تتقفل مع غرامه بالملايين ؟

والله ان شايف العيب مش فالشركة
المشكلة فالبنزين الي عندنا الي هما مش عاوزين يخلوه عدل
يعني ارتفاع اسعار وجودة رديئة تدمر المحركات بالبطـــئ

اقتباس:

---

المشاركة الأصلية كتبت بواسطة s o p h o s

والله ان شايف العيب مش فالشركة
المشكلة فالبنزين الي عندنا الي هما مش عاوزين يخلوه عدل
يعني ارتفاع اسعار وجودة رديئة تدمر المحركات بالبطـــئ

---

طبعاً المشكلة مش في الشركة الدولة هي اللي عايزه تلزق الموضوع للشركة وخلاص

لكن مرسيدس كانت متأكدة ان المشكلة مش من الصناعة دي مشكلة بنزين

وقامت بعتت عينة من بنزين 95 لمعامل شركة مصر للبترول والناس مشكورين وعندهم زمة شويه تقريباً وطلعوا تحليل نتيجة صحيحة ومحايدة للبنزين

ومرسيدس دلوقتي هترد على الدولة الممثلة في جهاز حماية المستهلك بأن العيب عيب بنزين مش عيب صناعة ومنكم انتوا للراجل

يبقى الراجل يرفع قضية بقى على الدولة وادي دقني لو شاف منهم تعويض بربع جنية !!!!!!!!!!!!

انا اللي شايفه من الموضوع انها حاله واحده مش مشكله جماعيه وممكن تكون كانت بتحط بنزين بشكل متكرر من محطه بنغش البنزين
يعني انا مش شايف انها شكوى جماعية من عملاء مرسيدس ولا في في الموضوع اي حاجه تدل على ان كل البنزين اللي في البلد مغشوش
ولا ايه رايكم ؟؟؟

فعلا البنزين المغشوش كتر جدا فى البلد

اقتباس:

---

المشاركة الأصلية كتبت بواسطة mhkorayem

انا اللي شايفه من الموضوع انها حاله واحده مش مشكله جماعيه وممكن تكون كانت بتحط بنزين بشكل متكرر من محطه بنغش البنزين
يعني انا مش شايف انها شكوى جماعية من عملاء مرسيدس ولا في في الموضوع اي حاجه تدل على ان كل البنزين اللي في البلد مغشوش
ولا ايه رايكم ؟؟؟

---

بحسب صاحب المشكلة ان مش هو لوحدة وان في عربيات c180 الجديدة كده برضه

لدرجة انه بيقولك اي واحد معاه مرسيدس جديدة تربو سواء ان كانت b200 او c180 او اي حاجة من التربو بيقولك كل واحد من اتنين هتلاقي عنده المشكلة دي

راجع الرابط فوق هتلاقي في تفاصيل عن صاحب المشكلة وايه اللي قاله وفي جروب في الفيس عامل شكاوي جماعية من المواتير التربو !!!!!!!!!

حتى لو بنزين 80
ازاى مكنه تخرب بالسرعه دى ؟
وهو ايه اللى حصل فى المكنه اصلآ ؟