سائقوا الغربيه والجيزه والاسكندريه اتقوا الله

**تويوتا افريقي** · 20-10-2014 04:10 AM

1- اما تلف يمين اوشمال اوتقف فجأه اديني اشاره لان ده حقي عشان الحق نفسي وماروحش في داهيه لاما اخبط فيك لاما اتعلق في الزحمه (اتقوا الله وتقيدوا بأداب الطريق)
2- اما تكون ماشي على الشمال زي البطه ودي مش حارة بط دي حارة تعتبر طوارئ للمستعجل او للي عايز تروح مستشفى او واحده بتولد والمهم يكون اللي ماشي يمين ماشي براحه وده حقه والمصيبه ان اللي على الشمال ماشي بنفس مستوى اليمين وتيجي تكبس نور او تكلكس للغرباوي او الجيزاوي يعاند معاك ويدي اشاره او يضرب فرامل ويعطل الطريق وراه وحاجه شلل (اتقوا الله واعرفوا حق الطريق وتقيدوا به)
3- في الزحمه معروفين من غير ما اشوف نمرهم سايب بينه وبين اللي قدامه 100 متر كانه بيتمشى على الكورنيش تيجي تقله خش ياعم يقلك لازم اسيب بيني وبين اللي قدامي مسافه بقى قانوني ومنظم في ثانيه ياخويا ادي اشاره وانت بتحود الاول مش راجل منظم والمسافه اللي بيتكلم عنها دي على السريع عشان يلحق نفسه اما في البطئ عادي ماهو لو الزحمه مثلا في شارع النصر وبالحركه دي لو ثلث العربيات جيزه وغربيه واسكندريه يبقى كوبري اكتوبر والمحور وقف (اتقوا الله دي مش فهلوه انت ممكن تضيع مستقبل ناس بالحركه دي)
4- على فكره الموضوع ده مش مقتصر على الملاكي بس لالالا دا النقل والاجره كمان بتاع الغربيه والجيزه والاسكندريه
5- من فتره كده جابوا خبراء من اليابان عشان يعرفوا سبب الزحمه في مصر فقالوا في تقريرهم النهائي السبب مشكلة اخلاق السائقين وعدم تقيدهم باداب المرور وليست بسبب الطرقات (اتقوا الله)

**dodo2000** · 20-10-2014 09:28 AM

انت شكلك لسه مبتدىء و مش بتعرف تسوق زيهم أصلا

**تامر.محمد** · 20-10-2014 09:40 AM

الجيزة و الغربية و اسكندرية بس ؟؟؟

**mrwanakl** · 20-10-2014 12:30 PM

طيب تقول إيه للنقل اللى ماشى و عمال يدلدق عليك من اللى هوه محملة ... رمل ...زلط ..أقفاص ... خضار حتى
طيب و اللى ماشى من غير نمر

المشكلة فى الدولة مش الطرق و لا السائقين
غابت سياسة الثواب و العقاب

**منعم** · 20-10-2014 01:56 PM

ياسيدى الفاضل المشكلة الكبيرة ومحدش هيلاقى ليها حل شغل الافلام بيقلدوها وعايزين يعملوا بلطجية احنا شعب غابت عنة الحقيقة واغلبيت النا س مرضى نفسيين بيعشوا بشخصيتين يمكن اكتر شزو فيرنيا اللة لك يامصر الحكومة هية السبب كل ماتيجى تكلم واحد يقوللك انتة متعرفشى انتة بتكلم مع مين اللة اكبر واللة العظيم انا لى صديقى متجوز المانية وبتشتغل مستشارة قاضية احترااااااااااااام الدنيا وادب اية ربنا يصبرنا ويرحمنا طمع واستغلال وجشع وبلطجة انتة بتكلم فى اية طريق دة سهلة جداااااااااااااااااااااا

**تويوتا افريقي** · 20-10-2014 06:01 PM

ياجماعه اللي انا بطلبه حاجه بسيطه ممكن اما نحود او نقف ندي اشاره ممكن نمشي في الشمال بسرعه ممكن اللي شايف متر فاضي قدامه في الزحمه يمشي فيه عشان اللي وراه ومانعملش تراكم للزحمه طبعا الحكومه مش هاتيجي تديلك اشاره ولا هاتدوسلك بانزين الخصله دي في بتوع الغربيه والجيزه ولاسكندريه بالذات ماعرفش ايه السبب تعرفوا اللي يحود ومايديش اشاره دي غرامتها 500 جنيه