اسطوانة وديسك شيري a11 أرجوووكم إنقذوني

يا خبراء الشيري أرجووكم
بقالي فترة عمال أدور على إسطوانة وديسك للشيري a11 بس تكون أي ماركة تانية نضيفة
أنا إتضحك عليا في طقم ومش مستعد أكرر التجربة تاني وأجيب طقم بتاع شيري
الله يرضى عليكم
فيه حد في حضراتكم ركب إسطوانة غير بتوعها ؟
ولو عمل كدة فعلاً
إيه هي العربية اللي الإسطوانة والديسك بتوعها متوافق مع الشيري a11
والعربية موديل كام ؟
علما بإن عربيتي شيري a11 موديل 2005
ملحوظة :
الله يرضى عليكم بلاش حد يرد عليا ويقول لي سمعت إن كزا
أو بيقولوا كزا
أنا عاوز ناس جربت فعلاً لإني نزلت أدور بناء على كلام الناس اللي قالتلي سمعت ورجعت بدون أي إنجاز
:(
أنقذوني

طيب فى حل حلو فى ميكانيكى فى الزاوية الحمرا معروف فى المنتدى هنا روحله و خليه يشوف العربيه ممكن تجيب رقمة من الاستاذ احمد او الاستاذ ممدوح

اقتباس:

---

المشاركة الأصلية كتبت بواسطة hazoom2006

طيب فى حل حلو فى ميكانيكى فى الزاوية الحمرا معروف فى المنتدى هنا روحله و خليه يشوف العربيه ممكن تجيب رقمة من الاستاذ احمد او الاستاذ ممدوح

---

01111212799
هذا هو رقم محمد بتاع الزاويه لكن تأكد عليه ان الشغل اللی هيعمله لسيارتك هيسمع معانا فی المنتدی يعنی لو شغل صح ده هيخلی الناس تشتغل معاك و تجيلك من اخر الدنيا ان شاء الله عشان انا محمد اشتغلت معاه شويه و كنت بنزله من اكتوبر لكن لاحظت انه لما بيجيله شغل تانی بيفتح فی اكتر من شغلانه فی نفس الوقت فممكن تكون جايله من الصبح و اول واحد رحتله ورشته و تمشی العشاء عشان شغل بسيط و كمان ممكن جدا يستعجل فی الشغل و تضايق بعد كده برغم انه لو ركز فی شغله سيكون له شأن اخر لأن مخه حلو و قوله انا تبع ممدوح ابو مهاب بتاع اكتوبر
و ياريت لو حليت مشكلتك متنساش تفيدنا الله يكرمك و لو جبت حاجه احتفظ بعلبتها لحد ما تصورهالنا و تكتبلنا ارقام و موديلات و سعر كل حاجه يعنی عايزين شرح ووصف دقيق و رخم مدعم بالصور
ربنا ييسرلك امرك