الايرباج في الباندينو

**zoma80** · 21-10-2014 03:24 PM

المشاركة الأصلية كتبت بواسطة bassemali

ماتقلقش من موضوع العضه ده ف الصيانه إن شاء الله هيظبطوه .. المهم تتابع موضوع الحراره لإنه مش هيبان دلوقت .. الجو كويس وإنت لسه بتلين فمش بتجري بالعربيه .. هيبان معاك على دخلة الصيف الجاي وبعد ماتخلص تليين وتبتدي تقرص ع العربيه .. بس اللي اعرفه إن موضوع الحراره بتاعها ده طبيعي إنها بتبقى 7 شرط .. هيا العربيه نازله كده .. المشكله لو عدت ال7 شرط .. وإلف مبروك ع العربيه وإن شاء الله تكون دايما مبسوط بيها .

الله يبارك فيك . و جزاك الله خير على اهنمامك وردك
وبالنسبه للحراره هي 6 شرط و ما زدتش عن كده
بس بخصوص القرص ان فعلا كنت بقرص عليها اول اسبوع قبل ما أعرف من المنتدى انه غلط فرجعت نفسي وبدأت ما قرصش عليها (في الغيرات والجري)
وجزالكم الله خيرا

**GeelyPanda** · 29-10-2014 04:21 PM

أولاً ألف مبروك العربية الجديدة الجيلي باندينو
كنت عاوز أسألك عن حاجات لأني حجزتها بالفعل هي نفسها الفول اوبشنز بس متردد بعد ما شوفت بعض الناس بتتكلم عن السرعات العالية في العربية وإنها مش بتعدي الـ120
هل الكلام دة صحيح !!
دة بجانب إني بردوا قريت إنها مش مريحة
وكلام كتير مش عارف حضرتك استلمتها ازاي وقالولي التسليم في النص التاني من شهر 11 هل اللي اشتريتها حضرتك كانت 2014 ولا 2015 ؟
وإيه العيوب اللي ظهرت فيها معاك وهل هتنفع معايا في السفر ولا لأ
وربنا يباركلك فيها يارب ويكفيك شرها
معلش طولت عليك وشكراً ليك

**zoma80** · 12-11-2014 06:15 PM

المشاركة الأصلية كتبت بواسطة geelypanda

أولاً ألف مبروك العربية الجديدة الجيلي باندينو
كنت عاوز أسألك عن حاجات لأني حجزتها بالفعل هي نفسها الفول اوبشنز بس متردد بعد ما شوفت بعض الناس بتتكلم عن السرعات العالية في العربية وإنها مش بتعدي الـ120
هل الكلام دة صحيح !!
دة بجانب إني بردوا قريت إنها مش مريحة
وكلام كتير مش عارف حضرتك استلمتها ازاي وقالولي التسليم في النص التاني من شهر 11 هل اللي اشتريتها حضرتك كانت 2014 ولا 2015 ؟
وإيه العيوب اللي ظهرت فيها معاك وهل هتنفع معايا في السفر ولا لأ
وربنا يباركلك فيها يارب ويكفيك شرها
معلش طولت عليك وشكراً ليك

شكرا والله يبارك في حضرتك واعتذر عن التأخير في الرد
بالنسبه للسرعه . انا مش بحب الجري فا مجربتش الموضوع ده
اما بالنسبه للراحه فهي جيده و مريحه بالنسبه لقدام ام الكنبه اللي ورا فهي اتنين متاح بس الضهر واقف مش مريح والشنطه صغيره
اما العيوب اللي مضايقني هي في الطرق لانها واطيه شويه بس ده تقربيا فى معظم العربيات الجديده