مشكلة نور سقف الفيكترا .. صورة

**superkenwood** · 28-10-2008 12:54 AM

عند شرء سيارتي الفيكترا 1600 سي سي موديل 2000 لاحظت أن النور اللي في سقف العربية ملوش مفتاح خالص ممكن أنوره منه !!! استغربت جدااا .. ازاي ينور النور بس لما أفتح باب العربية !! افرض كنت مسافر بالليل وكنت محتاج أجيب حاجة والدنيا ضلمه .. لازم أفتح الباب والعربية ماشية .. ولا لازم أوقف العربية وبعدين افتح الباب !!! ايه التهريج ده .. أعمل ايه ؟

لاحظ عدم وجود أي مفتاح تحكم في النور .. على عكس السيارات الاخرى التي بها العديد من المفاتيح لضبط شدة الاضاةه أو عمل on - off

**romeeoo** · 28-10-2008 01:50 AM

ههههههههههههه
سلامو عليكو
فكرتنى بنفسى اول ماركبت الكورسا مبروك ع العربية شكلك لسه جايبها
فيه عندك مفتاح النور الواطى على الشمال تحت الهوايه اللى انته بتجيبه يمين عشان تنور النور الواطى

شد المفتاح عليك كده وهيييييييييييييييييييييه النور جه

**M.Osama** · 28-10-2008 08:10 AM

ههههههههههههههههههههههههه ههههههههههههههههههههه

والله حصلتلي نفس المشكله وفضلت يومين شايل معايا كشاف ف العربيه زي الحراميه :d

لحد اما بالصدفه شديت الزرار ولقيت النور جه

وكان احساس حلو اوي

ههههههههههههههههههههههههه هههههههه

**Mustafa_Farouk** · 28-10-2008 09:32 AM

السلام عليكم،
أنا كنت أحياناً بشتغل أصحابي وأقول لهم، دي ببصمة الصوت، أو تتش.
كنت كورسا سيدان، كنت بضغط عليه يفتح النور.

**danash** · 28-10-2008 09:33 AM

داخلة معايا على السنة فيكترا 96 وكنت باجى فى حتة فيها نور فى الشارع عشان أشوف
وإفتكرت إن النظام كدة وأنا اللى مش فاهم

**m_hamdy1976** · 28-10-2008 12:34 PM

تصوروا اني لسه عارف الموضوع ده حالا واني خليت الكهربائي يعملي مفتاح ليه يشتغل من مفتاح نور الشبورة اللي طبعا مالوش لازمه في الكورسا وطبعا شكله سيئ جدا جدا

بس ياجماعه انا برضه مش عارف انور النور بالطريقه دي يا ريت حبة توضيح انا عربيتي كورسا :conehead:

**superkenwood** · 28-10-2008 01:16 PM

مشكورين على الردود الجميلة .. أنا حأنزل حالا أشوف الموضوع ده

**M.Mokhtar** · 28-10-2008 01:42 PM

اغلب الالمانى بنزل مفتاح النور بيطلع لبرا وفى كمان بيدخل لجوا
المرسيدس القديم مثلا بطلع مفتاح النور لبرا وتجيبه يمين او شمال عشان ينورلك الاشاره اليمين او الشمال (نور دائم وليس متقطع)
وده عشان لو راكن فى شارع ضلمه الناس تاخد بالها من طرف عربيتك يمن او شمال

فى الاوبل نور الصالون بينور مع مفتاح النور لو شديته لبرا (نحيتك)

**ENG\AHMED** · 28-10-2008 04:56 PM

حما واحد صاحبى معاة استرا 1.2 بقالها سنين وفاكر ان نور الصالون لازم تفتح الباب علشان ينور ومقتنع ان الاوبل كلها كدة , لحد ماصاحبى كان راكب معايا مرة ولقى انى فتحت النور من غير الباب .. ايييية داااااا !!!!!! .. كأنة شاف سحر :d:d:d