العربيه عندى بتحك فى المطبات كنت عايز اروح اركبلها علايات عند عفشجى فقلت اسالكم الاول ينفع ولا لاء وهل ده حيأثر على العربيه وحيخليها تعوم ولا عادى وهل ده حيخرجها من الضمان ولا لاء؟
عرض للطباعة
العربيه عندى بتحك فى المطبات كنت عايز اروح اركبلها علايات عند عفشجى فقلت اسالكم الاول ينفع ولا لاء وهل ده حيأثر على العربيه وحيخليها تعوم ولا عادى وهل ده حيخرجها من الضمان ولا لاء؟
متابع
ممكن الرد بعد ازنكم
الحمد لله رحت ركبت علايتين للعربية من ورا وبقت تمااااااااااااااااااام
أولاً ألف مبروك العربية الجديدة الجيلي باندينو
كنت عاوز أسألك عن حاجات لأني حجزتها بالفعل هي نفسها الفول اوبشنز بس متردد بعد ما شوفت بعض الناس بتتكلم عن السرعات العالية في العربية وإنها مش بتعدي الـ120
هل الكلام دة صحيح !!
دة بجانب إني بردوا قريت إنها مش مريحة
وكلام كتير مش عارف حضرتك استلمتها ازاي وقالولي التسليم في النص التاني من شهر 11 هل اللي اشتريتها حضرتك كانت 2014 ولا 2015 ؟
وإيه العيوب اللي ظهرت فيها معاك وهل هتنفع معايا في السفر ولا لأ
وربنا يباركلك فيها يارب ويكفيك شرها
معلش طولت عليك وشكراً ليك
معلش موضوع العلايات دة اتكلف كام ويخرجها من الضمان ولا لأ و هل أثر علي أداء العربية للأفضل وعملتها فين
العربية 2014 ومريحة جدا وبتسحب وبتعدى ال 120 وكمان راسيه على الارض انا رحت بها اسكندرية وكانت فى منتهى الجمال ومريحة جدا واقتصاديه قوى فى البنزين وبالنسبه للعلايات كلفتنى 60 جنيه وهى ممكن تخرج العفشة من الضمان بس عادى لانك مش حتبص على العفشة الا بعد حوالى 3 سنين لان العفشجى جه يربطلى العفشة قالى دى مش محتاجه اى حاجهولاقاهامتربطه جامد وتمام
تمام أقصي سرعة وصلت لها كانت كام و هل ممكن نوصل ل155 زي ما كاتبين في الكتالوج؟
والله العربية راسيه جدا على الارض بس هى فين الطرق اللى تساعد ان الواحد يجيب 155 اصلا
طيب أنت بتتكلم عن المانيوال ولا أوتو لأني حجزت المانيوال فول اوبشن و إيه أفضل لون للعربية لأني محتار جداً في الألوان و لسة هختار
انا بتكلم على المانيوال وانا بصراحة برتاح للون الفضى
هيا مع زوجتى الاوتو بس الباندا موديل 2012 سوداء.. اشريتهالها من السويس مستعمله حفيف .. وسافرت بيها من السويس لﻷسكندريه .. جبت بيها على ما افتكر 140 او 150 وكانت كويسه فى الطوالى من غير غرز طبعا .. حجمها رائع فى المناورات جوه البلد .. المفاجأه انها مريحه جدا فى القعده علشان وضع الكراسي عالى فبتسهل الدخول للعربيه و بيبان ده جدا مع كبار السن .. شكل التابلوه وحجمه الكبير و تصميمه من رأيي من احسن الاشكال فى الفئه دى ... فرامل روعه ..... ابعادها ملمومه جدا .. قطع غيارها فى الاسكندريه موجوده عند واحد بره التوكيل و اسعارها كويسه جدا .. مثال .. اكصدام خلفى تقريبا 350 ..
مشكلتى معاها نوع الكاوتش من الواضح انه مش كويس .. بيتزحلق من فرامل على سرعات قليله ... بتحك فى المطبات الرخمه تعتبر واطيه شويه ... التسارع من 40 كم الى 80 كم بيقع خالص لكن غير كده كويسه ... مش عارف المشكله دى فى الاوتو بس ولا فى المانيوال كمان ... استهلاك البنزين متعتبرش موفره .. تقريبا زى عربيتى الجين 2 ... العربيه بتسخن .. يعنى بتوصل للنص بالظبط .. وشكل ده العادى بتاعها ... صوت الموتور فى اول الدواره عاالى لحد دقيقتين تلاته و بعديها بيبقى كويس
ده اللى انا فاكره .. وبالنسبه للون عامه الالوان ازواق .. بس بالنسبالى انا لو هشتريها جديده هجيب اللون الازرق الزهرى ﻷنى بحب اللون ده جدا و كمان لايق عليها و مميز .. موفق فى الشراء باذن الله
وشكرا لصاحب الموضوع على الافاده
أنا سمعت إن المانيوال فول اوبشن مفيهاش راديو دة بجد!
معلش كنت عاوز أعرف هو فيها مخرج كهربا او أي حاجة تخرج كهربا ولاعة كدة؟
الفئات كلها فيها راديو
اللى موجود فى الهاف أوبشن راديو ومخرج AUX بتاع الموبايل
اللى موجود فى الفول أوبشن راديو + سى دى + مخرج usp
مفيش مخرج كهرباء
قصدك ولاعة
موجودة
تمام طيب إيه رأيك في اللون الأبيض
أنا اختارت اللون امبارح وهستلم كمان أسبوع
هل اللون دة حلو؟
بلاش علايات عشان هتخلي العربية تعوم بس ممكن تغير المساعدين الخلفيين بتويوتا تقريبا هيكونو افضل وهيقللو الحك
طايب ماتكشف علي زيت الفتيس جايز يكون قليل
وهل ديه مشكلة عند الكل ولا عربية عربية
بس قصة انها واطية وبتحك في المطبات ديه فعلا مشكلة ولا عاااادي ؟؟
انا اسف اني بضايق حضرتك باسالتي
بس بجد علي اد مانا مرتاح للعربية علي اد ما ناااااااااااااااااااااس كتير مخاوفانا منها
العربية عاملة اية معاكم دلوقتى عشان بفكر اجيبها مستعملة 2010