استطلاع رأي : شروط تصدير الأرز, هل تساهم في انعاش الاقتصاد ام انعاش سوق التهريب ؟

**هيثم مجدي** · 21-10-2014 12:23 AM

الوفد - الحكومة توافق علي تصدير الأرز.. مقابل 280 دولاراً رسم صادر للطن

الحكومة بتجبر المصدّر انه يورد 280 دولار عن كل طن (2085 جنيه) و كمان يورد طن أرز بسعر 2000 جنيه. يعني بمعنى أصح هيورد طن أرز مجانا, مقابل كل طن أرز يصدّره.
اغلب المزارعين رافضين الشروط دي و بيعتبروها تعجيزية.

بعض المعلومات الفنية : فدان الأرز بيجيب محصول 4 ل 5 طن. المستهدف من التصدير مليون طن, و المتوقع نصف مليون طن بسبب الشروط التعجيزية.

**Ayman_Amer** · 21-10-2014 01:43 AM

مين أهبل بره هيستورد بالسعر بعد تحقيق تلك الشروط التعجيزية.
السوق واقف والمضارب لا بتستلم أرز ولا في تسليم للتموين.

**Mohamed_Ayman** · 21-10-2014 07:53 AM

يا باشا الشروط دى مش جديدة.
الدولة لازم تتدخل علشان تحافظ على وجود السلعة وسعرها فى السوق المحلى.

اللى حصل فى الرز ان الطلب عليه بره عالى .. لو الدولة سمحت بالتصدير بدون قيود مش هتلاقى حاجة للسوق المحلى.

بالنسبة لموضوع التهريب ... فطبعا هيشتغل بس ده مش عيب القرار.. ده عيب المهربين والمرتشين ...

**fepsceasar** · 21-10-2014 11:42 AM

المظلوم هم المزارعين اللى مطلوب منهم يشتروا مستلزمات الإنتاج والأسمدة بالسعر العالمي وفى السوق السودا أما البيع يقولك فى السوق المحلى وبالتالى بيتحكم فيهم عدد من التجار
ويقولك هى الأرض الزراعية بتتبور ليه؟؟؟؟ وعجبي!!!!!!!!!!!
عاوز تدعم المستهلك حلو قوى لكن مش على حساب الفلاح في وقت كل الدول بتدعم مزارعيها وبتحافظ على زراعتها
وأحب أبشركم ان تقريبا زراعة القطن هتختفي من مصر

**هيثم مجدي** · 21-10-2014 04:32 PM

المشاركة الأصلية كتبت بواسطة ayman_amer

مين أهبل بره هيستورد بالسعر بعد تحقيق تلك الشروط التعجيزية.
السوق واقف والمضارب لا بتستلم أرز ولا في تسليم للتموين.

سعر الطن تصدير 800 - 1000 دولار في البورصة العالمية. طبعا بخلاف مصاريف الشحن و الجمارك.

**هيثم مجدي** · 21-10-2014 04:39 PM

المشاركة الأصلية كتبت بواسطة mohamed_ayman

يا باشا الشروط دى مش جديدة.
الدولة لازم تتدخل علشان تحافظ على وجود السلعة وسعرها فى السوق المحلى.

اللى حصل فى الرز ان الطلب عليه بره عالى .. لو الدولة سمحت بالتصدير بدون قيود مش هتلاقى حاجة للسوق المحلى.

بالنسبة لموضوع التهريب ... فطبعا هيشتغل بس ده مش عيب القرار.. ده عيب المهربين والمرتشين ...

اللي اعرفه ان مفيش شرط توريد 280 دولار. الشرط دا جديد على حد علمي. لو تعرف حاجة تاني ممكن تقولي عليها ؟

موضوع الحفاظ على السوق المحلي انا مختلف معاك. ألأرز وقف تصديره سنة 2009 لما السعر وصل 1500 للطن. هل حصل حاجة ؟ وهل حافظ فعلا على السعر في السوق ؟ دلوقتي وصل السعر 2500 للطن.

التهريب شغال سواء فيه سماح ولا لأ. و دا عيب دولة طبعا. مينفعش ترمي محفظة في الشارع مليانة فلوس و تقول عيب النفوس الطماعة. امال القانون اتعمل ليه ؟

**هيثم مجدي** · 21-10-2014 04:41 PM

المشاركة الأصلية كتبت بواسطة fepsceasar

المظلوم هم المزارعين اللى مطلوب منهم يشتروا مستلزمات الإنتاج والأسمدة بالسعر العالمي وفى السوق السودا أما البيع يقولك فى السوق المحلى وبالتالى بيتحكم فيهم عدد من التجار
ويقولك هى الأرض الزراعية بتتبور ليه؟؟؟؟ وعجبي!!!!!!!!!!!
عاوز تدعم المستهلك حلو قوى لكن مش على حساب الفلاح في وقت كل الدول بتدعم مزارعيها وبتحافظ على زراعتها
وأحب أبشركم ان تقريبا زراعة القطن هتختفي من مصر

فعلا المظلوم هو الفلاح اللي عنده فدان ولا اتنين مش هيعرف يعمل ايه. هيقع تحت رحمة المصدرين الكبار و يوردلهم باسعار متدنيه..

**miam0502788391** · 21-10-2014 06:19 PM

المشاركة الأصلية كتبت بواسطة هيثم مجدي

دلوقتي وصل السعر 2500 للطن.

السعر فين اللى وصل 2500 جنيه للطن
افضل طن ارز شعير اليوم سعره 1750 جنيه
مفيش اسعار من دى

**Mohamed_Ayman** · 21-10-2014 10:33 PM

المشاركة الأصلية كتبت بواسطة هيثم مجدي

اللي اعرفه ان مفيش شرط توريد 280 دولار. الشرط دا جديد على حد علمي. لو تعرف حاجة تاني ممكن تقولي عليها ؟

موضوع الحفاظ على السوق المحلي انا مختلف معاك. ألأرز وقف تصديره سنة 2009 لما السعر وصل 1500 للطن. هل حصل حاجة ؟ وهل حافظ فعلا على السعر في السوق ؟ دلوقتي وصل السعر 2500 للطن.

التهريب شغال سواء فيه سماح ولا لأ. و دا عيب دولة طبعا. مينفعش ترمي محفظة في الشارع مليانة فلوس و تقول عيب النفوس الطماعة. امال القانون اتعمل ليه ؟

يا أستاذ هيثم ، اللى أعرفه ان التصدير كان أيام رشيد الشركات بتقدم مظاريف وأعلى شركة بتدفع عائد ماقبل التصدير هى االلى بتقدر تصدر ، والباقى ممنوع,

الفكرة يا باشا كده كده الفلاح مش بيصدر ، اللى بيقوم بالتصدير الشركات أو شركات الشحن.
الأرز المصرى مطلوب بره وممكن يتباع بأسعار أحسن.

أنا مقلتش التهريب مش عيب الدوله ، أنا بقول مش عيب القرار ، انما طبعا الدولة لازم تراقب وتعاقب المهربين والأهم موظفى الدولة اللى بيخلصوا المسائل.

**هيثم مجدي** · 21-10-2014 11:03 PM

المشاركة الأصلية كتبت بواسطة miam0502788391

السعر فين اللى وصل 2500 جنيه للطن
افضل طن ارز شعير اليوم سعره 1750 جنيه
مفيش اسعار من دى

شكرا على التصحيح مش عارف اعدل المشاركة
غلطة كتابة انا اقصد 2050 جنيه
دا سعر الارشادي اللي حاطاه الحكومة و اللي بتشتري بيه

الموضوع: استطلاع رأي : شروط تصدير الأرز, هل تساهم في انعاش الاقتصاد ام انعاش سوق التهريب ؟

LinkBack

أدوات الموضوع

عرض

-

-

-

المواضيع المتشابهه

كيف تكتشف التهريب في سيارتك بدون كهربائي

معركة الأرز فى كارفور إسكندرية

كيف تساهم في انقاذ شخص من الجلطة

الكلمات الدلالية لهذا الموضوع

المفضلات

المفضلات

ضوابط المشاركة