الحيرة السنوية المعتادة ! iPhone 6 plus أو htc m8 أو Lg g3 ؟

السلام عليكم
أنا معايا سامسونج نوت 3 وزهقت منه ومن سامسونج وعايز أغير وكنت مستني آيفون 6 بلس بفارغ الصبر بس اتصدمت بسبب موضوع الانحناء ده ولسة قاري خبر ان الايفون 6 العادي انحنى في جيب واحد ناحية البطارية وولع وحرق الراجل !! فبصراحة اتعقدت خاصة ان آبل برده مقدمتش جديد أوي في الأوبشنز والإمكانيات مجرد تغيير في حجم الجهاز ودي طبعا خطوة ممتازة لكن مش كل حاجة مع وجود منافسين شرسين دلوقتي
فحاليا بفكر في HTC M8 على اعتبار إنه أقوى أجهزة HTC حاليا حسب ما قرأت لكن في ناس برده بتقول إن مش هو خاصة الكاميرا ال4 ميجا ألترا يقال إنها مش عملية أوي
وبرده شفت مواصفات وشكل Lg g3 بصراحة وهم سواء الشكل أو الإمكانيات ويتفوق على الآيفون (ظاهريا) وعلى الHTC بس قلقان لأن ملوش سوق ومعرفش مدى اعتماديته عاملة ازاي
أنا كل اللي يهمني في الموبايل الكاميرا أهم حاجة لأني بحتاجها كتير بحكم شغلي وعايز حاجة سلسة مش بتعلق ولا تهنج ولا بطيئة زي السامسونج والماتريال برده تكون قوية مش ورق زي الآيفون !
حد يقدر يحل اللغز ده ويسعفنا بالمختصر المفيد وعن تجربة وحيادية مش تعصب لماركة دون أخرى لأن كل ماركة فيها مميزاتها وعيوبها الكمال لله وحده ؟

htc m8 او Motorola Nexus 6 الاتنين ممتازين:)


انا معايا ال m7 وجربت ال m8 والكاميرا كويسه جدا جدا
وده فيديو لكاميرا m8 https://www.youtube.com/watch?v=qq5OOFbQ5gs

وممتازه بصراحه عن تجربه..
ده غير الماتيريال بتاع ال htc كويس جدا جدا ولا يقارن بسامسونج طبعا.

ده عن تجربه..

وفيه الموتورولا Nexus 6 مواصفاته وامكانياته اعلي من ال m8 غالبا.. بس لسا منزلش وممكن تستني لو هتجيبه، وال material بتاعته ملهاش حل :) وده فيديو لل new nexus 6 https://www.youtube.com/watch?v=cYewxddpf_g

وربنا يوفقك في اختيارك باذن الله

رأيي الشخصى ف المقارنه بين التلاته دول اختار ال جى lg g3 لعده اسباب بس بشرط تكون النسخه ال 32 جيجا لان دى 3 جيجا رام اوعى تجيب ال 16
الايفون سيبك من موضوع الانحناء والكلام دة بس انا شايف ان مبلغ مبالغ فيه جدا ومفيش اى flexibility فى النظام او حتى الهاردوير مفيش التطور اللى يخلينى ادفع 9000 وانت طالع الا لو حجيبه من بره لكن قصه الانحناء دى انا مش حركز معاها اوى بصراحه . هى موجودة فعلا بس مش الحاجة اللى تحصل ف جيبك او من ااقل ضغط عموما
اتش تى سى جميل ومميز لكن الجهاز كبير ع الفاضى بسبب الحواف الزيادة ف كل حته بسبب السماعات وان كانت سماعات خرافيه بس انا مش عايز استريو عموما والا كنت جبت العدد الصينى اللى بتسمع اخر الشارع
اعيب على اتش تى سى موضوع استغلال المساحه سىء بالنسبالى بالاضافه ان الشاشه بالنسبالى مش مبهره خالص واعتقد بالنسبالك انت كمان بعد ما شلت النوت 3 مش حتنبسط من شاشه الاتش تى سى
ال جى ضربت اكتر من عصفور بحجر بصراحه
سوفتوير متطور جدا وجميل
استغلال مساحات خرافه والشاشه ممتازه باشاده معظم الريفيوهات
رام 3 جيجا
كاميرا 13 مع ليزر فوكس متميز وصور الجهاز دة تحديدا هايله عن تجربه
سعره متميز جدا
الوانه الابيض فيه خرافى
انصحك لو الاختيار ما بين التلاته دول ال جى من وجهه نظرى

بلاش LG
htc خامات راااائعه جدا والكاميرا الترا بيكسل وفيها خصائص مش في اي تليفون وانت وذوقك

نفس حيرتك
بس انا بقى زهقت من HTC وعايز اجيب سامسونج نوت 4 ومستنى سعرة يهدى شوية

وبما انى شايل htc من زمان اقدر اقولك انة تليفون ممتاز وماتريال ممتاز بس ملوش سوق بردة

بالنسبة لل m8 مع واحد صاحبى الجهاز وقع منة وداست علية عربية الضهر المعدن بتاعة اتعوج شوية بس
جهاز محترم بصراحة لو فكرت فية بس سعرة بيقع بسرعة

ماتشوف النوت 4 الديزاين بتاعة جميل جداا وتحس ان سامسونج ابتدت تصرف على منتجاتها وامكنياتة جبارة

اقتباس:

---

المشاركة الأصلية كتبت بواسطة TylerDurden

htc m8 او Motorola Nexus 6 الاتنين ممتازين:)


انا معايا ال m7 وجربت ال m8 والكاميرا كويسه جدا جدا
وده فيديو لكاميرا

وممتازه بصراحه عن تجربه..
ده غير الماتيريال بتاع ال htc كويس جدا جدا ولا يقارن بسامسونج طبعا.

ده عن تجربه..

وفيه الموتورولا Nexus 6 مواصفاته وامكانياته اعلي من ال m8 غالبا.. بس لسا منزلش وممكن تستني لو هتجيبه، وال material بتاعته ملهاش حل :) وده فيديو لل new nexus 6

وربنا يوفقك في اختيارك باذن الله

---

تسلم يا غالي
مش ميال لموضوع موتورولا نكسس ده ، ده عامل زي سمك في مية وماركة ملهاش ذكر تقريبا في السوق فبفضل أخليني في المضمون والمعروف
بصيت دلوقتي بصة سريعة على أفضل كاميرا موبايل ولقيت الآيفون 6 بلس تقريبا في إجماع إنها الأفضل والبعض بيقول نوت 4 أفضل بس طبعا النوت 4 خارج من حساباتي تماما لأني عايز أغير وكرهت سامسونج أساسا فكده لسة الآيفون بيلعب في دماغي بس قلقان من الماتريال

اقتباس:

---

المشاركة الأصلية كتبت بواسطة mido_soliman

رأيي الشخصى ف المقارنه بين التلاته دول اختار ال جى lg g3 لعده اسباب بس بشرط تكون النسخه ال 32 جيجا لان دى 3 جيجا رام اوعى تجيب ال 16
الايفون سيبك من موضوع الانحناء والكلام دة بس انا شايف ان مبلغ مبالغ فيه جدا ومفيش اى flexibility فى النظام او حتى الهاردوير مفيش التطور اللى يخلينى ادفع 9000 وانت طالع الا لو حجيبه من بره لكن قصه الانحناء دى انا مش حركز معاها اوى بصراحه . هى موجودة فعلا بس مش الحاجة اللى تحصل ف جيبك او من ااقل ضغط عموما
اتش تى سى جميل ومميز لكن الجهاز كبير ع الفاضى بسبب الحواف الزيادة ف كل حته بسبب السماعات وان كانت سماعات خرافيه بس انا مش عايز استريو عموما والا كنت جبت العدد الصينى اللى بتسمع اخر الشارع
اعيب على اتش تى سى موضوع استغلال المساحه سىء بالنسبالى بالاضافه ان الشاشه بالنسبالى مش مبهره خالص واعتقد بالنسبالك انت كمان بعد ما شلت النوت 3 مش حتنبسط من شاشه الاتش تى سى
ال جى ضربت اكتر من عصفور بحجر بصراحه
سوفتوير متطور جدا وجميل
استغلال مساحات خرافه والشاشه ممتازه باشاده معظم الريفيوهات
رام 3 جيجا
كاميرا 13 مع ليزر فوكس متميز وصور الجهاز دة تحديدا هايله عن تجربه
سعره متميز جدا
الوانه الابيض فيه خرافى
انصحك لو الاختيار ما بين التلاته دول ال جى من وجهه نظرى

---

أنا أساسا من عشاق الـ ios ولما حولت للأندرويد مستريحتش وموضوع الانحناء ده بفكر إن ممكن يكون الحل في case محترمة جايب واحدة نوع spigen للنوت 3 وشايفها ممتازة وممكن تكون دي حل لموضوع الانحناء لكن فعلا لو مش هجيب آيفون فالـ Lg داخل دماغي أوي خاصة موضوع استغلال المساحة ده على عكس الHTC والحركة الغبية بتاعة اللوجو اللي واكل جزء كبير من الشاشة ده !

اقتباس:

---

المشاركة الأصلية كتبت بواسطة abdulkhaleq

بلاش LG
htc خامات راااائعه جدا والكاميرا الترا بيكسل وفيها خصائص مش في اي تليفون وانت وذوقك

---

طب ليه بلاش ال جي ؟ في سبب معين ولا علشان مش مشهور أوي زي الhtc ؟ كمان أنا شايف ان خصائص كاميرا ال جي ممتازة مقارنة بالhtc برده

اقتباس:

---

المشاركة الأصلية كتبت بواسطة mastr_n

نفس حيرتك
بس انا بقى زهقت من HTC وعايز اجيب سامسونج نوت 4 ومستنى سعرة يهدى شوية

وبما انى شايل htc من زمان اقدر اقولك انة تليفون ممتاز وماتريال ممتاز بس ملوش سوق بردة

بالنسبة لل m8 مع واحد صاحبى الجهاز وقع منة وداست علية عربية الضهر المعدن بتاعة اتعوج شوية بس
جهاز محترم بصراحة لو فكرت فية بس سعرة بيقع بسرعة

ماتشوف النوت 4 الديزاين بتاعة جميل جداا وتحس ان سامسونج ابتدت تصرف على منتجاتها وامكنياتة جبارة

---

انت زهقت من الhtc لكن أنا لسة :) النوت 4 خارج حساباتي تماما ومش هتغر تاني بالمواصفات الخرافية اللي بتنزلها سامسونج وتلاقي الواقع حاجة تاني خالص ! أنا لما اشتريت النوت 3 كنت من أوائل الناس اللي اشترته وكان وقتها أعلى مواصفات على الإطلاق والجهاز اللي بيتقال عليه خرافي لكن بصراحة لما استخدمته حسيت إن الآيفون 5 اللي كان معايا قبله أسرع منه بمراحل !

احب اقولك ياحاج انى خلاص ان شاء الله التليفون جايلى من الامارات htc one m7 بعد معاناه وبحث

اقتباس:

---

المشاركة الأصلية كتبت بواسطة m3_dolphen

احب اقولك ياحاج انى خلاص ان شاء الله التليفون جايلى من الامارات htc one m7 بعد معاناه وبحث

---

ألف مبروك مقدما :)
بس ليه m7 مش m8 ؟؟
وكان معاك إيه قبله ؟

بعد اذن ابو اسر.

طب ايه رايكو فالسوني اكسبيرا z3 وبالذات بالمقارنة ب m8 ????

متطلباتك دى بتتلخص فى النوت 4 :) بس طالما انت قافل من سامسونج كده يبقى خلاص المهم راحتك

ومن بين الاختيارات أفضلك lg g3 والجهاز مع صاحبى وبيشكر فيه جداا
بس كانت قابلته مشكلة ان الجهاز بيعمل ريستارت لوحدة واتحلت بتحديث السوفت

لكن هو فعلا جهاز أنيق جدااا وشكله فخم واستغلال المساحات والأطراف ذكى جداا وممتاز
+ كاميرته ممتازة وفيها مثبت بصرى والسماعة بقوة 1 واط :)
وطبعا تشترى النسخة 32 جيجا عشان دى رام 3 جيجا عكس ال 16 جيجا بتنزل ب 2 جيجا رام

وبلاش htc هتلاقى كاميرته فى الضياع