هو ايه الغرض من الخطوبة يا جماعة ..؟!

**misry** · 22-10-2014 02:03 PM

المشاركة الأصلية كتبت بواسطة mhamdsamy

الغرض من الخطوبة حضرتك انك تلبس في الحيط
وتمضي علي قايمة و تجيب شقة و عفش و تعمل فرح
و بعد ماتتجوز تقعد هي في البيت مستنية الدليفري :]
كل ال انت كتبة فوق مش يتحسب علي البنت
يتحسب علي الحم#$ر ال خطبها :]

هههههههههههههه ,,, ربنا يستر

المشاركة الأصلية كتبت بواسطة engmody32

طيب انا بقا هحكي لكم جانب اخر في الموضوع
عن نظره البنت للخطوبه ايه
مره كنت بشوف واحده عن طريق الصالونات و قعدن تحكيلي عن صحابها الي اتخطبوا او المخطوبين
مجمل الكلام انهم مش مبسوطين و مش راضين لكن مثلا وافقوا علي العريس لانه احسن من غيره او لخوفهم ان ميجيش غيره او ان اللي يجي بعضه ميطلعش احسن
و في منهم بيتخطبوا عن اقتناع مبدئي و بعد كده يلاقوا حاجات مش عجباهم في العريس لكن بيكملوا لخوفهم برضه ان ميجيش عريس تاني او ميجيش حد احسن او ان كونها كانت مخطوبه يخليها معيوبه و ميجيش ليها عرسان بعده و هما عايزين يبقوا امهات
يعني من الاخر ممكن تتجوز واحده مش مقتنعه بيك و مش عيزاك لكن بتعتبرك مصل ضد العنوسه او ذكر نحل علشان تجبلها ابن و تخليها ام
اذا كان ده تفكير البنت تبقي ليه مستغرب انها عيزاك تصرف عليها و تجيب ليها حاجات ما هي عاصره علي نفسها لمونه و وخداك
و علي رأي واحد صاحبي البنت بيربوها انها كل حاجه مش عارفين يجبوها ليها او مش عايزين يجبوها هيبقي جوزها يجيبها لها ان شاء الله فأنت فعلا خاتم سليمان اللي هي مستنياه يحقق ليها احلامها و اللي معزمها مختاجه فلوس
بس علي رأي واحد انت عايز تتجوز يبقي لازم تدقع الضريبه و تدفع التكاليف علشان تاخد المزايا

بنات عاهات , ربنا يستر علينا وما نقعش في واحدة فيهم

**KemozTanta** · 23-10-2014 06:09 AM

ياجماعة بشويش و الرسول قال - تهادوا تحابوا - يعني الحب بييجي بالهدايا مش بالكلام وكفاية اني عريس !
البنت عشان تاخدها تحت جناحك لازم تدلعها بالكلام وبالفلوس برضة .. مش بشكل مبالغ اكيد بس متقفلهاش خالص وتقولها انتي ملزمة من ابوكي لحد ماتدخلي بيتي !
انا عن نفسي شايف ان البنت المادية الطماعة بتبان ومهما تجيب مش هيكفيها ودي متنفعش في الجواز
لكن غير كدا اي بنت بيزود حبها ليك انت تهاديها في الخطوبة وفي النهاية لو محصلش نصيب الاصول والقانون بيقول كل حاجة ترجعلك حتي الهدايا.. حتي لو كنت انت اللي سبتها

**kaza** · 23-10-2014 06:24 AM

المشاركة الأصلية كتبت بواسطة misry

السلام عليكم ...

أنا كنت فاكر اني عارف الغرض من الخطوبة لكن الظاهر اني غلطان فياريت

تشوفوا الكلام ده وتقولولي رأيكم ...

الكلام ده من بنات مخطوبة ::::

1- واحدة كانت بتشتغل ورفدوها أو سابت الشغل وعاوزة من خطيبها مصورف شهري بدل المرتب اللي كانت بتاخده ... ولما ما وافقش بتقول عليه بخيل

2- واحدة خطيبها مسافر وزعلانة انه لما رجع كان جايبلها جيبتين وكام حاجة كده والتانية بترد عليها انه المفروض يجيبلها شنطة مليانة هدوم وانه كده بخيل

3- واحدة عاوزة خطيبها يجيب لها هدية يوم عيد ميلادها وفي الاعياد والمواسم ويوم عيد ميلاد امها وابوها

4- واحدة زعلانة ان خطيبها فتح عليها 3 مرات في شهرين مع انه على طول بيكنسل ويتصل هو وبتقول هل يا ترى هو كده بخيل

5- واحدة يا حرام زعلانة انها كانت ماشية مع خطيبها وعجبتها بيجامة بيت ب400ج وخطيبها مرضاش يجيبها

6- واحدة عاوزة خطيبها يكلمها كل يوم ويخرجها كل اسبوع ويجيلها في البيت كل شوية ويجيبلها هدايا علشان يبقى شكلها حلو قدام صحباتها

7- البنات اللي بتبص لبعض في الهدايا وكل ما واحدة خطيبها يجيب لها حاجة تقوم التانية تضغط على خطيبها علشان يجيبهالها

8- واحدة زعلانة ان خطيبها بيصرف على أهله وبيديهم فلوش ومش بيديها

9- واحدة لو خطيبها كلمها اقل من ساعتين في اليوم تقعد تعيط وتقول انه مش بيحبها

10- واحدة خطيبها بيجهز الشقة وطلعان عينه وعماله تعيط وتقول انه اتغير من ناحيتها ومش بيخرجها ولا بيصرف عليها زي الاول

11- واحدة زعلانة ان خطيبها ادالها 100ج في العيد مع ان خطيب صاحبتها ادالها اكتر من كده وجابلها فستان وخرجها

اللي اعرفه ان فترة الخطوبة هي فترة تعارف لا أكثر وان الهدايا اللي بنجيبها دي بتبقى بمزاجنا وكرم اخلاق مننا مش حاجة مفروضة علينا ... هل ده صح وللا غلط ..؟

أنا مش خاطب ولو البنات كده يبقى قلتهم احسن ده خراب بيوت مش خطوبة ...

الكلام دة مش هتلاقية غير في الطنطاوية وفعلا غريب جدا انهم بيعتبروا ان الخطوبة فترة لابتزاز العريس والصرف وشراء الهدوم والهدايا والمصروف امال بعد الجواز اية لا كمان مصاريف كتب الكلية ومصاريف تسجيل السنة وممكن الدروس

**kaza** · 23-10-2014 06:36 AM

المشاركة الأصلية كتبت بواسطة kemoztanta

ياجماعة بشويش و الرسول قال - تهادوا تحابوا - يعني الحب بييجي بالهدايا مش بالكلام وكفاية اني عريس !
البنت عشان تاخدها تحت جناحك لازم تدلعها بالكلام وبالفلوس برضة .. مش بشكل مبالغ اكيد بس متقفلهاش خالص وتقولها انتي ملزمة من ابوكي لحد ماتدخلي بيتي !
انا عن نفسي شايف ان البنت المادية الطماعة بتبان ومهما تجيب مش هيكفيها ودي متنفعش في الجواز
لكن غير كدا اي بنت بيزود حبها ليك انت تهاديها في الخطوبة وفي النهاية لو محصلش نصيب الاصول والقانون بيقول كل حاجة ترجعلك حتي الهدايا.. حتي لو كنت انت اللي سبتها

يعني لما تكون جايب هدايا في ست شهور بعشر تلاف جنية ومحدش عبرك في عيد ميلادك حتي بحتة جاتوة ولا كل سنة وانت طيب ياحبيبي يبقي دة خطوبة ولا جواز اسف دة ابتزاز وشفط وماينفعش جواز ياسادة الجواز بيعتمد علي عطاء الطرفين مش حد يعطي والتاني يشفط لان دى شركة علي مدي الحياة ومش معني انك هتنام مع مراتك انها كدة بتضحي علشانك لا فية حاجات اهم العشرة والاهتمام والحب وانكار الذات لكن ان واحدة بتعصر علي نفسها لمون علشان تتجوزك لية بناقص خالص وخليها جنب اهلها احسن لان بالتاكيد الحياة زي مافيها راحة فيها تعب وممكن تدور الدنيا النهاردة معاك وانت صحتك كويسة بكرة ممعاكش وصحتك علي قدك واللي اتعودت تاخد لما تلاقيك ممعاكش اللي بتطلع لية مهما كانت اية في الجمال او الحسب والنسب بكرة تسيبك في زنقتك ومعاك عيالك وتدور علي من يابي طلبتها وهما اساتذة في الكلام دة
تخيروا وماتقعوش علي اي حاجة واهرب ثم اهرب من اللي تلاقيها بالمواصفات دى مش هتعمر ولا تسترك