الحقيقه انا سألت عن ميكانيكى بعد فعلا ماروحت لمهندس ماجد و الحقيقه الراجل كويس و مافيهوش عيب بس فيه حاجات كده بتكون موجوده و مش بيقول عليها علشان مايوسعش الموضوع يعنى بيحب انك تروحله على أجزاء ..ده لما تكتشف و يحصل حاجه فى العربيه و تكون مرتبطه بشغل اتعمل قبل كده.
هو بنفسه قال انا باعمل اللى يخلى العربيه تمشى مع انى طلبت منه يقولى على كل اللى يشوف انه محتاج يتغير او يتصلح .
كمثال : اخر شغل عملته العربيه طلعت من عنده مافيهاش زيت فى الموتور .. و لما رجعتله بعد اسبوع لأن لمبه الزيت نورت قالى ياااااه ايه ده الموتور مافيهوش زيت خالص كويس انه ماقفش منك و راح .. الموتور محتاج طقم شنبر ؟ .. طيب العربيه كانت عند سعادتك يا مهندس و بيتعمل فيها شغل ازاى تطلع من الورشه مافيهاش زيت و لا معقول الزيت خلص فى ظرف اسبوع حتى لو محتاجه طقم شنبر لأن مافيش اى تسريب و لا زيت تحت العربيه ..
اسف على الإطاله و لكن لشرح لماذا طلبت ميكانيكى اخر بالرغم من وجود ماجد
المفضلات