الموضوع: L - carnitine

المشاركة الأصلية كتبت بواسطة mastr_n

لو بغرض لعب الحديد وتضخيم العضلات
يبقى بلاش وخليك طبيعى وكل كويس جدا وهتلاقى نتايج كويسة مع الانتظام لان الحاجات دية بتعمل ترسيبات على الكبد لو محرقتهاش كويس

انما لو بغرض معالجة النحافة استشير طبيب

على العموم فى مكملات طبيعية كويسة زى الواى بروتين ودية مصنوعة من شرش اللبن

تحياتى

الموضوع ان انا اشتركت في جيم بغرض التنحيف وشد الجسم الكابتن قالي لازم حارق للدهون مع التدريبات واداني اسم الدواء دة ولما جيت اشترية لاقيت كذا ماركة زي ما قولت انما انا مش عايز تضخيم ولا حاجة رأي حضرتك ايه

اولا ده مش دواء ده مكمل غذائي او تقدر تقول فيتامين B12 وده الجسم بينتجة بس بنسب قليلة وكمان بيبقى موجود في اللحوم الحمرا ومنتجات الالبان بس بنسب قليلة جدا جدا فأخذة كمكمل افضل طبعا
وهو مالوش اي اثار جانبية بالعكس هو بيحمي ويزيد من كفائة عمل القلب.وهو المسئول عن استخدام الدهون المعقدة اللي موجودة في الجسم كطاقة ،هو مفيد جدا عامة وتقدر تدور على النت عن كل الفوائد.
بالنسبة لاي نوع افضل
في مصري ومستورد
المصري في منه امبولات (حقن) وشراب
الحقن هو نوع واحد العلبة فيها خمس امبولات ب22 جنية
و ديه بتستخدمها في حالة ان لو جسمك رياضي بس في بعض المناطق مرهرطة او عاملة زي الجيلي كده وعاوزها تنشف وتنزل الدهون اللي فيها وتبتدي تحقن المناطق دية بسرنجات الانسولين المستوردة اللي الابرة بتكون قصيرة ورفيعة لانك بتحقن تحت الجلد يعني بتركز التأثير بتاعها في المنطقة اللي انت عاوز الدهون تنزل منها مع التمرين طبعا كل يوم قبل التمرين بنصف ساعة وبعد التمرين والجرعه بتبقى امبول واحد في اليوم 5مللي بتوزعهم على المناطق اللي انت عاوزهم.

اما الشراب المصري فا من رأي تعبان بس لو عاوز هو نوع واحد موجود وبرضة بتاخد قبل التمرين بنصف ساعة وبعد التمرين.

بالنسبة للمستورد بقى الشراب افضلهم من رأي liquid l-carnitine وافضل نوع من رأي برضة وعن استخدامي هو امريكي من شركة ALLMAX nutrition وده زجاجة زرقا بطعم wildberry blast والزجاجة 473مللي وتكفي 31 يوم يعني شهر وهتلاقي على جوميا والزجاجة ب 270 تقريبا معلقة اكل قبل التمرين ومعلقة بعد ويفضل على معدة فاضية وده انا بستخدمة.

نصيحتي ليك بقى لو انت وزنك كبير ومحتاج تنزل كيلوات كتير يبقى لازم حارق دهون زي لايبو 6 lipo 6 black ultra concentrateمثلا مع الكارنيتين لانك لو في دهون كتير وبتاخد كارنيتين فقط النتيجة هتبقى بطيئة وممكن تزهق او تحس انك بتدفع فلوس على الفاضي وطبعا لازم تبقى فاهم ان المسمى حارق دهون ده مابيبقاش حباية سحرية تأخدهاوتنام او تتفرج على التليفزيون وهي هاتحرق الدهون مع نفسها لا. لازم التمرين والرياضة وتمرينات كارديو.الخلاصة ان المكملات ديه بتساعدك انك تتحمل التمارين وتضاعف وقت التمرين وتساعدك انك تستنفذ من مخزون الدهون اللي مابتنزلش بالطرق العادية.
ربنا يوفقك