عرض للطباعة
السلام عليكم
انا الرخصة تنتهى فى 16-12-2014 و عندى فحص فى 2015 و نفسى اجدد 3 سنين و اخلص من مشوار المرور و كمان عايز اغير لون العربية و اثبته على الرخصة و لو رحت يوم 16-12-2014 اجدد هيقولى اخرك تجدد سنة لحد شهر 12 الى جاى بس منغير فحص. السؤال هنا لو انا رحت المرور يوم 1-1-2015 هيقولى لازم فحص العربية عشان بقينا فى 2015 و يخلينى اجدد 3 سنين يثبت اللون الجديد؟؟؟ وهل فى اجراءات او ورق اجيبو لتغير اللون ؟؟؟
متابع
بلاش تغير لون العربيه لو جديده علشان لون الدواخل يبقي متناسق
متابع معاك
انت بتدفع مبلغ رمزى بتاع مثلا 30 جنية لللون بيتهيألى
أنا هرد عليك بخصوص الحته بتاعة إنك تروح في شهر يناير 2015 وتقولهم عاوز أجدد وأفحص ..أعتقد إنه هيدفعك السنه اللي إنت فيها بالغرامه بتاعتها وهيبقى أخرك برضه لغاية شهر 12 سنة 2015 ..أصل هو مش هيقدم ميعاد الفحص كده عشوائي ..
المفروض ان ليك شهر سماح بعد انتهاء الرخصة وبكده تكون دخلت فى 2015 وبكده ترخص 3 سنين مع الفحص بتاعك والله اعلم.
اللى فهمته من سؤالك انك لو رخصت فى الميعاد المحدد لانتهاء الرخصة هتضطر تجدد سنه واحده
والمشكلة انك عاوز تغير لون وتفحص وتعمل الرخصة بثلاث سنوات - صح كده
معتقدش ان فى اى مشكلة انك تطلب الفحص فى الميعاد المحدد للتجديد 2014 بعد تغير اللون وترخص ثلاث سنوات زى ما انت عايز ومش لازم تنتظر 2015 او تنتظر لنفس الميعاد فى 2015 وتغير اللون وتفحص وتعمل كل اللى انته عايزه برده مفيش فرق
تغيير اللون دة اكبر مشكلة
انا كان معايا عربية فيرنا وكنت معدلها من تلت سنين
المهم كان لونها غيرتة وبقى نحاسى بس رشيت خوارج بس
المهم من سنة رجعتها لاصلها ورشتها اسود وروحت ارخص مهندس الفحص راسة والف سيف ان العربية نصين
معرفش لية فين وفين بقى بالواسطة لحد اما اقنعتة انة يغير اللون
كل الناس بتقولى بلاش عشان لما تيجى تبيع هتنزل بتاع 5 الاف جنيه و العربية اصلا فابريكه شنطة و كبوت و سقف و رشة الباقى نظافة , بس برضه لو انا رحت ارخص بس يوم 1-1-2015 هيقولى احنا فى 2015 و لازم تفحص ؟ ولا عادى هجدد سنه من 16-12-2014 لحد 16-12-2015 ؟؟اقتباس:
المشاركة الأصلية كتبت بواسطة fadi ezzat
هتجدد سنة مفيش مشاكللو عايز اكتر هتعمل فحس تلت سنين وتجدد بردو مفيش مشاكل
موعد الفحص بعد 3 سنوات من آخر فحص
لو روحت في شهر 12 وطلبت فحص لتغيير اللون حاتجدد 3 سنين عادي جداً وموعد فحصك حايتغير ل 2017
الموضوع ده انا حضرته بنفسي في مرور العتبة وكان فاضل على موعد الفحص الي في الرخصة سنتين
سؤال بسيط من فضلكم انا من المنوفية وباشترى عربية اكسنت من القاهرة رخصتها حاتنتهي في 20/12/2014 القادم هل مطلوب من مالكها البائع شهادة مخالفات + شهادة بيانات ولا شهادة مخالفات فقط على اعتبار النقل حايكون من محافظة الى محافظة اخرى
افيدونا متعكم الله بالصحة والعافية