شكر خاص لمهندس هانى ميخائيل
فى البداية بحب اشكر المهندس هانى صاحب مركز سبيد سيرفيس اللى انا عامل الموضوع ده علشانه
انا كنت شفت عربية فيات سيينا 2001 و كنت عاوز اشتريها و كنت بدور على حد يشوف حالتها عاملة ايه .
كلمت مهندس هانى و قالى انا شغال فى الهيونداى بس قلت له و الحل ايه قالى هاتها و اشوفهالك .
المهم اخدت صاحب العربية و رحنا له شاف العربية و قالى فيها كذا وكذا و فيها خبطه من قدام و بلاش تاخدها و فعلا صاحب العربية قال ان فيها خبطة و فعلا ما اخدتش العربية .
جيت احاسب مهندس هانى رفض ياخد اى مقابل و قالى العربية طلعت وحشة وانا حتى مرفعتهاش على الكوريك ورفض اطلاقا انه ياخد اى مقابل مع انه فحص العربية . متشكر جدا يا م / هانى .