ممكن أعرف حضرتك عامل بيها كام كم دلوقتي ؟؟ و أيه أخبار أدائها و الفتيس بعد الاستخدام الان ؟
و شكرا
عرض للطباعة
ممكن أعرف حضرتك عامل بيها كام كم دلوقتي ؟؟ و أيه أخبار أدائها و الفتيس بعد الاستخدام الان ؟
و شكرا
داخل على ال 11000 و الاداء مفيش اختلاف كبير عن لما عملت التقرير نفس قوة الاداء مع نعومة العربية الممتازة و الاهم هو الفتيس مفيش اى مشاكل الحمدلله
ياريت بجد الناس تشيل فكرة الفتيس من دماغها و الكل هيرتاح و انا شخصيا دلوقت معظم الوقت ماشى على ال d عادى و مستمتع بسواقه العربية
الخلاصة العربية ممتازة و الفتيس مشفتش مشاكل الحمدلله و مش مركز معاة و مش هظلم العربية بسبب سمعة قديمة في موديلات قديمة و تم معالجة المشكلة دى فيها
ياريت بجد الناس تشترى الحاجة اللى على مزاجها و تستمتع بها و تدور بنفسها مش تمشى ورا كلام بيتقال و خلاص عشان للاسف دى ثقافة بلدنا و قدامها سنين عشان تتغير و بالتوفيق للجميع
حضرتك هو لازم بنزين ٩٥ يعني مينفعش ٩٢ خالص ؟ و سوأل تاني هل العربية سحبها كويس يعني ممكن تطلع من العربيات ال١.٦ زي الفورد فوكس و الانترا و كل دا يعني سحبها قريب من اي عربية كدا ؟؟
حضرتك حتي مع ال٩٢ سحبها كويس ؟ و انا سمعت من ناس كتير ان الفوكس تطلع منها !
اداء ال ١٢٠٠ تيربو اقوي من ال١٦٠٠ عادي ؟ وهل بنزين ٩٢ للتيربو بيقصر عمر الموتور الافتراضي ؟ و لو حد عنده خلفيه عن سيات ليون الفئة الاولي من جوه شكلها مقبول و شكل الطاسات مقبول ولا لأ ، لان انا بهتم بالموتور و الاداء اكتر من الاوبشنز بس برضه لازم الاوبشنز تبقي مقبولة و ياريت حد يقولي سعر اول فئة و تاني فئة و عندي سؤال اخير هل الفئة التانية و التالتة من جوه العربية كفرش و كدة نفس الفرش ؟ لأن انا محتار بين الاولي و التانية و خايف الاولي تبقي من جوة غير مقبولة و طبعا ياريت حد يقولي اسعار اكيدة للفئتين ، شكرا
انا سقت العربيتين الفوكس والليون الاتنين ببنزين 92..
ياباشا ولا عمر الفوكس تطلع من الليون بالذات كمان من الثبات الليون اقوى بكتير...
الليون حتى مع بنزين 92 بتحقق الارقام المفترض تحقيقها 0-100 في 10.0 ثواني بالضبط..
يا فندم سحب الليون بالنسبه للعربيات ال 1.6 مايتقلش عليه كويس ده سحب ممتاااااز....
انا اسف بس ممكن سوأل كمان بعد اذنك .. بردو اعلي من الهوندا سيفيك اصل حضرتك عارف السيفيك و الفوكس اقوي سيارتين في الفئة دي و انا عايز عربية جري و ثبات فاالليون تنفعني ولا لا و شكراً ..