الموضوع: تقيم سيات ليون 2014 بعد 5000 كم بالتفصيل

المشاركة الأصلية كتبت بواسطة muhamed mohsen

هو ينفع نحط 92 على 95 ولا غلط .. ولو نويت اغير واحط 95 .. لازم التناك يفضى من 92 ولا عادى.. وسؤال مهم جدا جدا .. دلوقتى لو غيرت وحطيت 95 .. وفضلت ماشى عليه كتير يعنى سنتين او اكتر .. وحصل ظرف .. مثلا خلانى ارجع ل92 .. او بعت العربيه لواحد المفروض والغالب انه هيستعمل 92 .. العربيه هتبقى ايه حالتها لما ترجع 92 .. طبيعى هيقل السحب ودا عادى ..لكن يعنى هتبقى عاديه ولا ممكن يأثر ويسبب اضرار لاقدر الله عليها

بالنسبة لل ٩٢ التأثير هو السحب بيقل و هتسمع صوت رجة فى طلعة العربية فى النقلة الاولى بس و موضوع التخليط مش عملى الصراحة لأن البنزين ال ٩٥ فى مصر عموما مش بالكفائة المطلوبة يعنى لو خلط هتحس انك حاطط ٩٢ بس و هتحصل الاعراض اللى قلتلك عليها و انا جربت الموضوع دة قبل كدة و حسيت انى شغال ب ٩٢ بس.. و اعتقد ال ٩٢ على المدى البعيد هيأثر على كفائة الموتور .. بس عموما هى هتمشى عادى بال ٩٢ و انا اول ٢٠٠٠ كم كنت ممشيها بال ٩٢ عادى

المشاركة الأصلية كتبت بواسطة eraser

تسلم عالتقرير وربنا يباركلك فالعربية

العفو يا باشا و شكرا لذوقك

الف مبروك يا باشا ربنا يديك خيرها و يكفيك شرها.
في موضوع البنزين دة جربت تحط 92 مع Octane booster مع كل تفويلة؟
تاني حاجة و انت سايق في الزحمة لازم تخلي الفتيس عل سبورت أو ستيب ترونيك؟

الف مليون مبروك على العربيه ربنا يباركلك فيها وهى فعﻻ تستحق

المشاركة الأصلية كتبت بواسطة minagold

انا هقولك على اللى عملتة بالضبط

اول ما اشتريت العربية كنت بحطلها ٩٢ و ماشية تمام مفيش اى مشكلة و مش حاسس بأى صوت او رجة كان صيف و دايما قافل الازاز ومشغل تكيف المهم فى مرة بليل الجو حلو قلت بلاها تكيف و فاتح الازاز لاحظت بقى صوت الرجرجة دة بيحصل بس فى طلعة العربية يعنى من الاول للتانى بعد كدة مفيش صوت فى باقى النقلات ... طبعا انا كنت مستغرب جدا بس فى نفس الوقت احترمت العزل الرهيب بتاع العربية دى اللى طول ٢٠٠٠ كم ممشيها ب ٩٢ و الصوت دة موجود و انا و لا حاسس بية
المهم من بعدها قررت افولها ٩٥ و الصوت راح و العربية سحبها بقى اقوى
تفويله ال ٩٢ بتكلفك حوالى ١٤٠ جنية و لاحظت ان العربية بيتاكل فيها اسرع من ال ٩٥ كنت بفولها كل ١٣ يوم مرة
دلوقت مع ال ٩٥ نفس اللف و المشاوير و التكيف و الزحمة لاحظت ان كل ١٠ ايام بحطلها ربع التنك يعنى مش بتكون نزلت للنص و افولها ب ١٤٠ بردة بس ٩٥ يعنى كأنك بتحط تفويلة ٩٢ و انا مش بخليها تقرب للنص و بفولها فمش حاسس بسعر ال ٩٥ و بعتبر نفسى كنت هفول ٩٢

بخصوص التوكيل انا جبتها من فرع العبور و هما ناس محترمين جدا و بيقولك الالوان الموجودة و لو عايز لون معين بيحاولو يوفرولك اللون دة و احسن حاجة ان التسليم فورى بسعرها الرسمى و بتبقى ضامن العربية منهم مش من معرض كان جايبها سواقة و طلع عينها .. انا استلمتها ماشية ٦ كيلو
و هى للاسف مش بتنزل مرايات ضم فى اى فئة بس دى حاجة بسيطة جنب كل المميزات اللى فيها

تسلم ياباشا انا شفت العربيه النهارده في المصريه بس هما معندهمش غير اول فئه وفعلا شنطتها واسعه وحلووه جدا كانها مش هاتشباك ان شاء الله بنسه كبيره هجيب العربيه دي , بس معقوله فعلا فرق الاستهلاك بين ال92 وال95 للدرجادي على كدا انا افولها علطوول 95 ولا هحس ان فيه فرق ! ربنا يباركلك فيها ياباشا ويديك خيرها ويبعد عنك شرها , طيب عند حضرتك معلومات عن الوانها ؟ في لون رمادي او درجه من درجات ال grey ؟ واخبار الdsg ايه في الزحمه بتمشيها ستيبك ترونك وسبورت ولا عادي انا مقتنع بالجير دا جدا بس خايف من مشاكله وسرشت كتير عليه والي توصلتله ان المشاكل اغلبها لحد 2012 ربنا يستر

المشاركة الأصلية كتبت بواسطة ahmedosman247

الف مبروك يا باشا ربنا يديك خيرها و يكفيك شرها.
في موضوع البنزين دة جربت تحط 92 مع octane booster مع كل تفويلة؟
تاني حاجة و انت سايق في الزحمة لازم تخلي الفتيس عل سبورت أو ستيب ترونيك؟

الله يبارك فيك يا باشا
موضوع الاوكتين سألت مهندس فى التوكيل قالى بلاش الموضوع دة عشان بيبوظ طرمبة البنزين
بالنسبة للزحمة انا بمشي على السبورت مود و اول ما الدنيا امشى بمشى على ال d
و المريح فى الموضوع دة ان النقل بين الاتنين تاتش بس يعنى مش لازم تدوس على الزرار للنقل بين الاتنين زى فتيس الابيزا و انا شايفها ممتعة جدا فى السواقة و النقل بين النظامين.

المشاركة الأصلية كتبت بواسطة ahmedfor3

الف مليون مبروك على العربيه ربنا يباركلك فيها وهى فعﻻ تستحق

الله يبارك فيك يا باشا و شكراً لذوقك

المشاركة الأصلية كتبت بواسطة cptmero

تسلم ياباشا انا شفت العربيه النهارده في المصريه بس هما معندهمش غير اول فئه وفعلا شنطتها واسعه وحلووه جدا كانها مش هاتشباك ان شاء الله بنسه كبيره هجيب العربيه دي , بس معقوله فعلا فرق الاستهلاك بين ال92 وال95 للدرجادي على كدا انا افولها علطوول 95 ولا هحس ان فيه فرق ! ربنا يباركلك فيها ياباشا ويديك خيرها ويبعد عنك شرها , طيب عند حضرتك معلومات عن الوانها ؟ في لون رمادي او درجه من درجات ال grey ؟ واخبار الdsg ايه في الزحمه بتمشيها ستيبك ترونك وسبورت ولا عادي انا مقتنع بالجير دا جدا بس خايف من مشاكله وسرشت كتير عليه والي توصلتله ان المشاكل اغلبها لحد 2012 ربنا يستر

مبروك يا باشا مقدما و انا موضوع البنزين دة بجد زى ما قولتلك هى ١٢٠٠ يعنى توفير رهيب مع بنزين ٩٥ كمان حرقة ابطئ من ال ٩٢ يعنى من كل ناحية انا بعتبرها صفقه رابحة بجد و بخصوص الالوان فى الابيض اسود ازرق احمر رمادى نبيتى و هى فى كل الالوان شكلها حلو و ملفت.
الفتيس انا واصل ل ٧٠٠٠ كم دلوقت و بجد مستمتع جدا بسواقتها و مفيش اى مشكلة الحمدلله قابلتنى فى الزحمة سبورد مود و الدنيا فاضية على ال d و النقل بين الاتنين تاتش