تقيم سيات ليون 2014 بعد 5000 كم بالتفصيل

بخصوص موضوع البنزين, انا ساكن في 6 أكتوبر جنب الحصري و شغلي في أخر صلاح سالم يعني حوالي 100 KM كل يوم رايح جاي و بفاول كل 8-9 أيام عمل يعني تقريبا كل إسبوعين, بس ببقى ماشي براحتي و مش بحرق, و معدل الإستهلاك بيبقي في حدود 6L/100KM, و ساعات يوصل 7L/100KM لو زحمة أوي و حرقت شوية. المهم العربية موفرة في البنزين بشكل عام.

بخصوص موضوع البنزين 92 و Octane Booster أنا "شخصيا" لا أرجحه تماما ل أسباب كتير, و دي بردو حسب كل واحد مقتنع ب إيه.

في معلومة صغيرة احب أضيفها وهي إن معظم أو أغلب معارض السيارات بتشيل ال Sticker الأصلي الي ملزوق على تانك البنزين والي بيبقى مكتوب عليه min. 95 RON / ROZ Super Premium و شوية كلام بالألماني كده و بيحطو Sticker كده مكتوب بالعربي والإنجليزي إن يجوز إستخدام بنزين 92, وكل ده طبعا عشان يعرفو يبيعو.

هحاول في مرة أرفع صور توضح بين ال Sticker الأصلي والعادي وده لينك لكتالوج العربية الأصلي (User's Manual) وفيه شرح عن معنى كل حاجة مكتوبة على تانك البنزين

http://www.seatcupra.net/files/Leon5...eon%20MY13.pdf


تعديل: شرح البنزين في صفحة 206.

اقتباس:

---

المشاركة الأصلية كتبت بواسطة abdullahsamir

+11111

انا جربت موضوع sport mode في الزحمة بس المشكلة في حاجتين و عشان كده بفضُل أقلبها step tronic

أول حاجة إن وانت واقف و إبتديت تتحرك, اول مالسرعة توصل 5km/h (لو مشغل عداد digital) هتلاقي العربية بتنقل من 1 لي 2 على طول, حتى لو بتطلع طلعة مسافة صغيرة في الزحمة.

تاني حاجة أوقات كتبر بمشي في زحمة بيبقى أخري ماشي على 30km/h مثلا لفترة قصيرة فا sport mode بيبقى واخد الغيار التاني وال rpm على 3 و طبعا لو زودت السرعة عشان تاخد الغيار الثالث هتخبط الي قدامك, و لو مشيت براحة لحد ماتوصل للعربية الي قدامك وتقف هتلاقي 9 بيتخانقو على الي يكسر عليك عشان يدخل قدامك في الحارة الي انت ماشي فيها.

ال step tronic ميزتو إنك وانت واقف بتنقل من 1 لي 2 لما تحس إن الطريق فتح شوية مش اول م تشيل رجلك من على الفرامل, و في نفس الوقت بتقدر تنقل براحتك في الزحمة على حسب انت شايف الطريق إزاي.

المهم بس إنك متنساش الفتيس وانت معلي الكاسيت عشان ممكن تلاقي ال rpm 4 و واخد اول غيار وانت مش حاسس :)

---

+1111

تسلم يا باشا على التوضيح

الف مبروك يا باشا أختيار جرئ ... انا بس كنت عاوز اعرف هل ينفع يتحطيلها بنزين 92 ولا 95 بس ورأي التوكيل ايه في الموضوع ده

ممكن تقولنا اخبار العربيه دلوقتي معاك ايه و عامله كام كيلو لاني بفكر اجيبها

اقتباس:

---

المشاركة الأصلية كتبت بواسطة engkhourshid

الف مبروك يا باشا أختيار جرئ ... انا بس كنت عاوز اعرف هل ينفع يتحطيلها بنزين 92 ولا 95 بس ورأي التوكيل ايه في الموضوع ده

---

الله يبارك فى حضرتك و موضوع البنزين فى التوكيل هيقولك عادي تحط ٩٢ بس الافضل ٩٥ انا شخصيا ابتديت بال ٩٢ و دلوقت ماشى ب ٩٥ و هو افضل فى الاداء و التوفير

اقتباس:

---

المشاركة الأصلية كتبت بواسطة sherif89

ممكن تقولنا اخبار العربيه دلوقتي معاك ايه و عامله كام كيلو لاني بفكر اجيبها

---

العربية ممتازة و الحمدلله ماقبلتش اى مشكلة او شكوى منها انا ماشى بيها ٧٣٠٠ كم

انا لحسن الحظ لقيتها مع واحد صاحبي وعملتلها تيست درايف وبصراحه رووعه وان شاء الله هجيبها في خلال اليومين دول بس انت متاكد من موضوع مصابيع الانعطاف دي انا عارف انها موجوده في الجولف بس هوا بيقولي مش موجوده في الليون الي موجود ترفع النور وتنزله بس مفيش يمين وشمال مع الدريكسيون هوا معاه اعلى فئه برضوا كلمت الوكيل من يومين ولقيتهم رفعوا سعر ال2015 ل 190.900 وتقريبا مفيهاش فرق بين ال14 ونفسي افهم ازاي اعلى فئه مبينزلوهاش بسينسور يبقى مظبوط مع الشاشه بدل ما نركب برا , اخبار السينسور الي انت ركبته ايه وياترى ركبت اي نووع ؟

بارك الله لك في سيارتك، ولقد لاحظت أنها بدأت تنتشر في الشارع عن ذي قبل.

هي العربية بينزل فيها خاصية التتبع للمنزل زي برا مصر ولا لا يا باشا و المرايات و السقف بيقفل لما بتقفل العربية بالريموت ولا لا ؟!

اقتباس:

---

المشاركة الأصلية كتبت بواسطة cptmero

انا لحسن الحظ لقيتها مع واحد صاحبي وعملتلها تيست درايف وبصراحه رووعه وان شاء الله هجيبها في خلال اليومين دول بس انت متاكد من موضوع مصابيع الانعطاف دي انا عارف انها موجوده في الجولف بس هوا بيقولي مش موجوده في الليون الي موجود ترفع النور وتنزله بس مفيش يمين وشمال مع الدريكسيون هوا معاه اعلى فئه برضوا كلمت الوكيل من يومين ولقيتهم رفعوا سعر ال2015 ل 190.900 وتقريبا مفيهاش فرق بين ال14 ونفسي افهم ازاي اعلى فئه مبينزلوهاش بسينسور يبقى مظبوط مع الشاشه بدل ما نركب برا , اخبار السينسور الي انت ركبته ايه وياترى ركبت اي نووع ؟

---

موضوع مصابيح الانعطاف دة مكتوب فى البرشور و معانا ابيزا موجود فيها انا مش فاهملة مرة يشتغل و عشرة لا و فى الصيانة الجاية هشوف الموضوع دة و لو فى جديد هكتب هنا و موضوع السنسور هما بيحاولو مايطلعوش بسعرها عشان الجمرك و هى فعلا كدة سعرها منافس جدا و انا مركب سنسور عادى كلة واحد اللى فى السوق مفيش اى اختلاف و شغال تمام معايا