تقيم سيات ليون 2014 بعد 5000 كم بالتفصيل

**abdullahsamir** · 25-10-2014 10:32 AM

المشاركة الأصلية كتبت بواسطة amrsabet

الجولف رائعه ولكن 250 الف الهاي لاين فرق 60 الف وهل ممكن اركب باركينج سنسور بره عند ارابكوم عادي واغير لجنط 17 لأن بصراحه أسوأ حاجه فى العربيه الجنط 16 تحس انه صغير عليها

وياتري أحسن لون عليها ايه اسود . ابيض . احمر . جراي

مش عارف موضوع البارك سنسور , وبالنسبة للجنط ممكن تركب لحد 18 كما هو موضح في الكتالوج.

اللون دي أذواق بقى, انا بتاعتي أسود.

**Mohamed_Hanafi** · 25-10-2014 12:55 PM

الف مبروك العربية و ربنا يديك خيرها و يكفيك شرها :)

**AmrKhorshed_86** · 25-10-2014 04:06 PM

ألف مبروك يا باشا وربنا يحفظهالك
أنا كمان عندي سيات ليون وحكتب أنشاء الله موضوع عن تجربتي معاها

**minagold** · 25-10-2014 09:42 PM

المشاركة الأصلية كتبت بواسطة abdullahsamir

أنا جبت بيها KM/h 219 بالظبط و كنا 4 في العربية, والشنطة مليانه, و بتجيب 200 Km/h بسهولة فعلا. علما إني مش بحط غير بنزين 95.

بالنسبة للسحب والجري الغرز كل ال 1600CC Stock جدبد و قديم مش هيعرف يعمل معاك حاجة, ده بإختصار و عن تجربة بدون ما أدخل في تفاصيل.

بالنسبة للعزل ممتاز.

minagold@

انت عملت الصيانة في أي فرع, و أيه نوع الزيت الي حطيطو عشان انا عاوز احط Castrol 5W30.

انا عملت الصيانة فى فرع العبور و الزيت انا نسبت اسأل ساعتها بس اعتقد انة موبيل او شل النوعين دول اللى موجودين هناك و اكيد لو castrol هيبقى احلى ياريت تجرب و قولنا

**minagold** · 25-10-2014 09:44 PM

المشاركة الأصلية كتبت بواسطة abdullahsamir

الأرتفاع كويس جدا متقلقش منه, بالنسبة إنها تطلع من الباسات والجيتا الجديدة معرفش عشان عمري مابصيت على العربيات ده أصلا, بس هي طلعتها سريعة و 0-100 في 9 و كسر بسيط, فممكن تشوف وتقارن على يوتيوب.

لو عاوز ماتور اقوى ونفس الركوبة أرشحلك الجولف 7, بس أعتقد كماليات أقل من الليون.

بالنسبة للإستهلاك داخل المدينة من 6.5 إلى 7.5 لتر في ال 100 كيلو و السفر 5 إلى 6 لتر.

+١

**minagold** · 25-10-2014 09:50 PM

المشاركة الأصلية كتبت بواسطة amrsabet

الجولف رائعه ولكن 250 الف الهاي لاين فرق 60 الف وهل ممكن اركب باركينج سنسور بره عند ارابكوم عادي واغير لجنط 17 لأن بصراحه أسوأ حاجه فى العربيه الجنط 16 تحس انه صغير عليها

وياتري أحسن لون عليها ايه اسود . ابيض . احمر . جراي

مظبوط فرق كبير فى السعر و من ناحية تانية انا شايف ان الليون شكلها احلى بكتير و هى طبعا ازواق و دة غير فرق حجم الشنطة اللى فى صالح الليون و السنسور انا مركبة برة عادى مفيش اى مشاكل
موضوع الجنط انا بانسبالى حابب ال ١٦ اكتر خصوصا فى البلد دى ال ١٧ صعب و انا سفرى كتير

اللون بجد هى شكلها حلو فى معظم الالوان خصوصا الهاى لاين بس احلو لونين انا شخصيا عاجبنى الاحمر و الازرق

**minagold** · 25-10-2014 09:51 PM

المشاركة الأصلية كتبت بواسطة mohamed_hanafi

الف مبروك العربية و ربنا يديك خيرها و يكفيك شرها :)

الله يبارك فيك يا باشا و شكرا لذوقك

**minagold** · 25-10-2014 09:53 PM

المشاركة الأصلية كتبت بواسطة amrkhorshed_86

ألف مبروك يا باشا وربنا يحفظهالك
أنا كمان عندي سيات ليون وحكتب أنشاء الله موضوع عن تجربتي معاها

الله يبارك فيك يا باشا و الف مبروك ليك و مستنين تجربتك و رائيك فيها انشاء الله

**beckhamomo** · 28-10-2014 04:51 PM

ربنا يباركلك فيها بس قطع الغيار اسعارها ايه عالية ولا في المعقول ؟

**wtawfek79** · 30-10-2014 11:31 PM

الف مبروك لكل اللي جاب العربية دي لانها بجد جميلة اوي شكلا ومضمونا وان كنا منقدرش ننكر موضوع الفتيس ومشاكله اللي ظهرت كتير
عندي استفسارين بس يا باشا لاني محتار وناوي اجيب عربية جديدة
اولا هل ينفع نركب كاميرا خلفية تشتغل على شاشة الميديا؟
وثانيا الليون الهاي لاين ولا السيفيك الهاي لاين بدون الدخول فالمقارنات الكتير والتفاصيل خصوصا ان السيفيك من اعلى الياباني في الاداء والثبات ومتعة القيادة؟