تقيم سيات ليون 2014 بعد 5000 كم بالتفصيل

**مجدی عصمت** · 07-12-2014 08:59 PM

عجبانی العربيه اوی بس الكلام الكتير علی الفتيس ده مخوفانی ؟وخاصه ان الضمان سنتين فقط .وبفكر ابعد عنها واشتری رابيد ياريت لو حد يقدر يساعدنی

**kofta** · 07-12-2014 09:12 PM

المشاركة الأصلية كتبت بواسطة مجدی عصمت

عجبانی العربيه اوی بس الكلام الكتير علی الفتيس ده مخوفانی ؟وخاصه ان الضمان سنتين فقط .وبفكر ابعد عنها واشتری رابيد ياريت لو حد يقدر يساعدنی

لا متقلقش .. العيوب فى الفتيس دة كانت من سنة 2009 الى 2011 و بعد كدة ظبطوه .. و عشان تتفادى برضو العيوب و تحافظ عليه امشى بيه على استبترونيك و على فكرة سحب الليون ممتاز اوى

و بردوا مستني اراء الاخرين

**ahmzd** · 07-12-2014 10:31 PM

أنا السؤال المهم اللي عايز أسأله : هل الليون تصلح سيارة عائلية؟! بحيث تغنينا عن السيارات السيدان؟ وهل استخدام بنزين 92 فيها يضر بها مع الوقت؟ وهل إذا تم استخدام بنزين 95 لأنه الأصلح لها يكون موفّرا في البنزين أم لا؟
معلش بقى السؤال بقى 3 أسئلة.. هههههههههههه!

**S O P H O S** · 08-12-2014 12:11 AM

بصراحة كل الردود مفيدة جدا
وشايف الموضوع دعم لعربية مهمة جدا وتحفه بجد

**Karim_Monir** · 08-12-2014 09:28 AM

تقرير ممتاز
ربنا يباركلك فيها
بس كان محتاج شويه صور للعربيه عشان في ناس بتبقي عايزه تشوف مع القائه
انا ضيفتلك صوره واحده

**kofta** · 08-12-2014 02:05 PM

المشاركة الأصلية كتبت بواسطة مجدی عصمت

مش غريب شويه بعد كل الضجه علی dsg التوكيل مخلی الضمان سنتين بس اعتقد لو تفادوا العيوب فعلا كانوا مثلا زودا الضمان لخمس سنين حتی لو علی الفتيس بس او100 الف ؟كان يعطی اكثر راحه للعميل

مش عارف بصراحة ... بس كذا حد قالى فى موديلات بعد 2012 بقى تمام و مفيش مشاكل و الله و اعلم

**stalky911** · 08-12-2014 02:28 PM

@minagold .. I've tested driven this car last January .. and i liked it a lot .. only 2 things pushed me away from buying it. was the Re-sale and the small LCD screen which had all the Car options in it.
So I'm sorry for this, but I've 2 questions for you.
1- If they have replaced their mighty 3.8-4 inch screen with the EU 7 inch in the highline?
2- I didn't notice that there was Shift pedals behind the Wheel, so are there any?

Thank you .

**مجدی عصمت** · 15-12-2014 07:50 PM

فتيس الابيزا الجديده اتوماتيك عادی ولا dsg?

**minagold** · 18-12-2014 09:20 PM

المشاركة الأصلية كتبت بواسطة cptmero

الله يبارك فيك ياباشا , والله الفضل يرجع للمنتدى وتحديدا موضوعك دا انا العربيه دي لكانت في دماغي ولا كنت بفكر فيها اساسا ربنا يباركلنا فيه ويستر طريقنا ان شاء الله , هوا معلش بس مش الايمبولايزر دا الي مبيفتح غير بمفتاح العربيه الاصلي باين او حاجه زي كدا لاني طول عمري بسمع الكلمه دي بس مبركزش فيها الحقيقه يعني من الاخر العربيه تحتاج إنذار ولا هيا تمام ؟

مظبوط الايمبوليزر وظيفتة انه بيعمل تشفير بين الكونتاكت و المفتاح الاصلى و هو عبارة عن شريحة فى الكونتاكت و زيها فى المفتاح بيسموها الفحمة و لها كود و بدون الفحمة اللى فى المفتاح مش هتدور العربية و موضوع الانذار انا شايف انها مش محتاجة و انا بفضل بلاش لعب فى كهربة العربية