دقت ساعة الحجز ، دقت ساعة الإستلام ( كيا ريو سيدان )

**ahmedz310** · 22-10-2014 09:48 PM

المشاركة الأصلية كتبت بواسطة mhkorayem

عجبني اسلوبك المنظم في تحديد اختياراتك بصراحه برافو عليك
ومبروك عليك مقدماً وتستلم على خير ان شاء الله

الله يبارك فيك ياكبير ، والاسلوب النظم ده من بعض ماعندكم ، استفدت كتير من مشاركات حضرتك وحيرتك اللي كانت بين لانسر شارك وريو :)

**ahmedz310** · 22-10-2014 09:50 PM

المشاركة الأصلية كتبت بواسطة ahm.mega007

الف مبروك ياغالى يارب يمالهالك بركه ويحفظك من العين

الله يبارك فيك ياكبير وربنا يبعد عنك وعنا العين ويهديلك السيراتو اللي تعباك دي :)

**ahmedz310** · 22-10-2014 10:20 PM

المشاركة الأصلية كتبت بواسطة mazharsafwat

مرة تانى الف مبروك واشكرك على الرد:018a1d~146: ومفيش لبس ولا حاجة لانى واقع فى نفس الحيرة الريو سيدان عاجبانى وعاجبنى الاوبشينز فى الهاى لاين مع السعر وبفكر انى اغير الكارينز بالرغم من ان الكارينز واسعة وصالون مريح لكن مفيش الاوبشينز مثل الريو لانها كارينز الفئة الاولى فى الاوتوماتيك (جنط 15 وكاسيت سى دى وطبعا تكييف وباور وسنتر وفاميه خلفى وفوجات وانا مركب ليها انذار ووحدتين رفع ) ومع انها مريحة للاولاد كتير لكنها فقيرة فى الكماليات مما يوقعنى فى حيرة اضحى بالاتساع فى سبيل الكماليات ام العكس لذلك سالت حضرتك لماذا التغيير , لكن السؤال هو لو اسرة حضرتك 5 افراد مثلى وتوافر الفلوس الفرق بين الكارينز 2011 والريو سيدان هل كان ممكن تغير

؟ طبعا سؤال افتراضى وحضرتك جاوبت ان حجم الاسرة الصغير هو الذى وجهك الى الريو.

ربنا يوفقك في الاختيار بس لو عايز رأيي فالعبدلله مؤمن بمقولة ( احتياجك يحدد اختيارك )
بمعني : لو انت بتسافر كتير انت والاسرة الكريمة والمنطقة اللي انت فيها واغلب مشيك في طرق فيها مطبات يبقي خليك في الكارينز عشان اوسع واعلي عن الارض لأن ساعتها الريو هتتعبك ، لكن لو غير كده يبقي فكر الريو

**ahmedz310** · 22-10-2014 11:37 PM

ماحدش يعرف ياجماعه مكان اجيب منه غطا للعربيه واجيب نوعه ايه ؟

**mhkorayem** · 23-10-2014 03:29 AM

المشاركة الأصلية كتبت بواسطة ahmedz310

الله يبارك فيك ياكبير ، والاسلوب النظم ده من بعض ماعندكم ، استفدت كتير من مشاركات حضرتك وحيرتك اللي كانت بين لانسر شارك وريو :)

يااااااااااااه ده انت متابع قديم بقى على كده
فكرتي بفتره محيره اوي في الاختيار بس الحمد لله وربنا يبارك فيما رزق

**mhkorayem** · 23-10-2014 03:39 AM

المشاركة الأصلية كتبت بواسطة ahmedz310

ماحدش يعرف ياجماعه مكان اجيب منه غطا للعربيه واجيب نوعه ايه ؟

أنا جبته من التوكيل
غطا الوكيل ميزته انه متفصل على مقاسات العربيه تمام وعليه لوجو كيا واهم حاجه انه خفيف فسهل في تغطيه العربيه وشيله ومش بياخد مساحه كبيره لو حتحطه في شنطه العربيه
بس خففته دي زي ما هي ميزته هي عيبه برضوا لانه ممكن يتقطع بسرعه وخاصه من القطط واحياناً الكلاب اللي مش عارف ايه مزاجها انها تطلع تتمشى على العربيه ده غير انه مش مبطن وده طبعاً سبب خفته
بس للاسف انا مش متذكر سعره

**ahmedz310** · 23-10-2014 01:33 PM

المشاركة الأصلية كتبت بواسطة mhkorayem

يااااااااااااه ده انت متابع قديم بقى على كده
فكرتي بفتره محيره اوي في الاختيار بس الحمد لله وربنا يبارك فيما رزق

اوووووه ده انا متابع من 2010 ههههههههه ، والحال من بعضه
كنت في حيرة باردو بين ريو - شارك - بيجو 301 - ياريس بس الريو هي اللي ناسبة احتياجاتي

**ahmedz310** · 23-10-2014 01:34 PM

المشاركة الأصلية كتبت بواسطة mhkorayem

أنا جبته من التوكيل
غطا الوكيل ميزته انه متفصل على مقاسات العربيه تمام وعليه لوجو كيا واهم حاجه انه خفيف فسهل في تغطيه العربيه وشيله ومش بياخد مساحه كبيره لو حتحطه في شنطه العربيه
بس خففته دي زي ما هي ميزته هي عيبه برضوا لانه ممكن يتقطع بسرعه وخاصه من القطط واحياناً الكلاب اللي مش عارف ايه مزاجها انها تطلع تتمشى على العربيه ده غير انه مش مبطن وده طبعاً سبب خفته
بس للاسف انا مش متذكر سعره

الف شكر علي الإفادة ياباشا

**ahmedz310** · 24-10-2014 11:16 PM

الحمدلله تم استلام السياره اليوم والسفر بها الي ارض سيناء الطاهره عداد السياره كان عامل 12 كم بس تم الإلتزام بنصائح الإخوه الكرام في المنتدي والخاصه ب ( الإستلام الجيد وتليين السياره ) رحلة السفر كانت حوالي 300 وتم استهلاك 24 لتر طبعا متوسط سرعه لم يتجاوز ال 110 وطبعا بدون تكييف وطبعا وده الأهم مش هنقيم استهلاك البنزين الا بعد صيانة الألف انشاء الله
بكرر الشكر تاني وتالت ورابع لجميع الإخوه الكرام في هذا المنتدي الرائع

**ahmedz310** · 26-10-2014 01:23 AM

استفسار عالسريع ياجماعه: ريموت العربيه لما بقفل منه بيقفل ال 4 ابواب لما آجي افتح منه بقي بيفتح باب السواق بس مع انه الأول كان بيفتح ال 4 ابواب مش عارف ليه!