ايه احسن مدرسة او مكان لتعليم السواقة بأليكس

**mocha** · 21-10-2014 08:28 PM

السلام عليكم
انا عضوة جديدة معاكم بالمنتدى وطالبة مساعدتكم

وعاوزة اتعلم السواقة ومعنديش لسه سابق معرفة لابالسواقة ولابالعربيات بس ناوية ان شاء الله العربية الى اجبها تبقى اتوماتيك فمش عارفة هل اتعلم اتوماتيك على طول ولا المفروض اتعلم مانيوال الاول؟
وياريت تجاربكم مع تعلم السواقة بالمدارس هنا باليكس لانى محتارة ولو فيه ناس بتدرب على عربياتها ومضمونين ياريت تعرفونى
انا مهتمة انى اتعلم كويس جدا واكون متمكنة من السواقة قبل مااشترى العربية بأذن الله فياريت اصحاب الخبرة يقولوا ليا ححتاج وقت اد ايه تقريبا لحد مااكون متمكنة من السواقة
خصوصا ان يوم ماحشترى عربية هتبقى زيرو ومعنديش استعداد اتعلم واخبط فيها وهيا لسه جديدة

**محمد 2001** · 22-10-2014 01:05 AM

الأوائل لتعليم قيادة السيارات
قيادة السيارات - الأوائل لتعليم قيادة السيارات فى مصر

**mocha** · 05-11-2014 06:16 PM

انا رحت الاوائل عشان اتعلم اتوماتيك وقالولى هتاخدى كورس 11 حصة تقريبا والحصة ب 55 غير التعاقد بالاول 75 وللاسف جربت حصتين وغالبا مش هكمل معاهم لانهم ماديين جداا لما رحت قالولى لو حابة تثبتى مدرب هتختارى وتانى يوم قالولى عشان تثبتى مدرب بتدفعى زيادة 5 جنيه بالحصة انا مش تفرق معايا الفلوس بس ليه مش بيوضحوا كل حاجة من الاول !! غير انى تانى مرة اتاخرت غصب عنى بسبب الجو ومكانهم صعب عشان اوصله فادونى حصتى نص ساعة بس رغم انى دافعة ثمنها بالكامل ومش حسيت ان اضاف ليا اى معلومات جديدة بتانى مرة ومديرهم مرضاش يعوضهالى وبالعافية قالى هعوضك بربع ساع بعدين باى حصة تانية كاستناء هما ماديين جدا ومش بيكسبوا العملاء على الرغم انى من البداية قلتلهم انى مش فارق معايا عدد حصص المهم اتعلم كويس وعندى استعداد اخد اكتر وكمان لما اجيب عربيتى ححتاج حد يطلع معايا بيها بصراحة قفلت منهم وهشوف حد يعلمنى بره افضل مش عارفة هل كل مدارس السواقة بالطريقة دى ولا هيا المدرسة دى الى كدا