طالب في 2 ثانوي وعندي مشكلة.

السﻻم عليكم ورحمة الله وبركاته. انا اسمي مصطفي وطالب في 2 ثانوي. انا طول السنين الدراسية اللي فاتت دايما من الاوائل ودايما مبقلش عن 95% ده لو قليت. من ساعة اما دخلت 2 ثانوي وانا مش متحمس للدراسة زي كل سنة بل بالعكس بقيت حاسس بملل كبير جدا وحاسس ان حالتي النفسية مش مظبوطة. وكمان انا مضايق جدا مت المصاريف اللي بتتصرف عليا وخايف بعد المصاريف دي كلها مجبش نتيجة عدلة طبعا انا مقدرش اقول الكﻻم ده للوالد والوالدة عشان مضايقهمش فانتو بالنسبالي هنا اخواتي الكبار ومحتاج نصيحتكم وطبعا انا بالنسبة للمصاريف اللي بتتصرف عليا المفروض ابقي الاول ع الجمهورية ﻻني باخد دروس لوحدي في كل المواد والحصة الواحدة سعرها يتعدي ال 70 جنية يعني ف الشهر مش اقل من 1800 جنية بس المشكلة مش من الناحية المادية بل النفسية حاسس دايما اني مخنوق ومللان من غير سبب حتي المدرسة مبقتش احب اني اروحها وحاسس ان مستوايا بيقل دراسيا فايه الحل اللي يخليني اتحمس تاني للدراسة ومحسش اني بغرم والدي فلوس كتير كدة

بص يا مصطفى باشا
ولدك مش ممكن ينقهر من الفلوس الي بيدفعها ليك على الدروس لكن ممكن ينقهر ويتشل بعد الشر لمن يحس ان الفلوس دي كلها بتدفع في الهوى ... عامةً يا عزيزي فلوس بتتصرف او متتصرفش انا مش عاوزك تفكر فيها ... وتفكر فيها ليه. فكر وركز في شغلك ... ايووووه شغلك انت شغلتك الوحيده الان في الحياة هيا المزاكرة ولكل مجتهد نصيب متفكرش حتى في بكرة او في المستقبل لان المستقبل بعيد عنك منيل بنيلة ولو هتفكر فيها مش هتتقدم خطوه وحده. لذلك انسى كل حاجة حوليك ومتفكرش غير في هدف واحد انك تسعد ولدك وتفرحوا وتخليه يفتخر بيك .

نقطه كمان ... ازاي حماسة البني ادم بتقل :
دي بتقل يا عزيزي لسببين اما انك فكرت في المستقبل ولقيت مفيش نتيجه علشان كده قلتلك انسى المستقبل وركز في هدف محدد .

والسبب التاني هو نق وحسد زمايلك. زي مثلاً الي يقلك ده دحيييح ألخ ألخ من حسد الشباب لبعض وتريقتهم على بعض لذلك دايماً لمن تطلع النتيجه متقولش للناس انك من الاوائل والكلام ده وربنا يحميك يا ابني من العين والحسد ويقويك ويعينك .

اقتباس:

---

المشاركة الأصلية كتبت بواسطة y a r i s

بص يا مصطفى باشا
ولدك مش ممكن ينقهر من الفلوس الي بيدفعها ليك على الدروس لكن ممكن ينقهر ويتشل بعد الشر لمن يحس ان الفلوس دي كلها بتدفع في الهوى ... عامةً يا عزيزي فلوس بتتصرف او متتصرفش انا مش عاوزك تفكر فيها ... وتفكر فيها ليه. فكر وركز في شغلك ... ايووووه شغلك انت شغلتك الوحيده الان في الحياة هيا المزاكرة ولكل مجتهد نصيب متفكرش حتى في بكرة او في المستقبل لان المستقبل بعيد عنك منيل بنيلة ولو هتفكر فيها مش هتتقدم خطوه وحده. لذلك انسى كل حاجة حوليك ومتفكرش غير في هدف واحد انك تسعد ولدك وتفرحوا وتخليه يفتخر بيك .

نقطه كمان ... ازاي حماسة البني ادم بتقل :
دي بتقل يا عزيزي لسببين اما انك فكرت في المستقبل ولقيت مفيش نتيجه علشان كده قلتلك انسى المستقبل وركز في هدف محدد .

والسبب التاني هو نق وحسد زمايلك. زي مثلاً الي يقلك ده دحيييح ألخ ألخ من حسد الشباب لبعض وتريقتهم على بعض لذلك دايماً لمن تطلع النتيجه متقولش للناس انك من الاوائل والكلام ده وربنا يحميك يا ابني من العين والحسد ويقويك ويعينك .

---

طب اعمل ايه عشان اتخلص من الحالة دي؟ انا اللي قالقني فعﻻ اني محققش نتيجة ومن كتر القلق بتعطل عن المذاكرة وبحس اني لما بغلط اي غلطة ف الدراسة فعﻻ بحس اني فاشل وده بيخليني متحمسش للمذاكرة انا نفس ابقي متحمس للمذاكرة زي الاول كانت المذاكرة بالنسبالي هواية لذيذة وبحبها جدا دلوقتي بقيت حاسس انها تقيلة وممله وكلها قرف لدرجة اني مبقتش اطيق اني اروح المدرسة
وانا متشكر جدا لاهتمام حضرتك بالموضوع ومتشكر علي وقت حضرتك

وعليكم السلام ورحمة الله وبركاته
على فكره الأحساس ده عادى جدا و ده معناه انك انسان محترم و مقدر المجهود المبذول علشانك و عندك احساس بالمسئوليه و نفسك تكون عند ظن الوالد و الوالده, بس خلى احساس الخوف اللى عندك من النتيجه او المجموع سبب للمذاكره و الأجتهاد مش سبب لليأس و الأحباط و كمان حاول تخرج و لو تعرف صديق او زميل محترم معاك فالمدرسه خليه ياخد الدرس معاك لان الدرس لوحدك ممل و مفيش فيه اى منافسه و لا تغيير
اجتهد و اعمل اللى عليك و ان شاء الله خير

والدك لو حب يستثمر فى ... مثلا الاستيراد ، هايدفع و يراقب و يقلق شوية ، و منتظر النتيجة بإنها تحققله ربح و عائد مادى

لكن لو حبينا نفاضل و نشوف ايه افضل استثمار الاب ممكن يحط فيه كل ما يملك ، هاتلاقيه فى مستقبل ابنه
و منتظر النتيجة فى ربح مش ليه ، الربح عائد على ابنه
و حتى لو مش مقتدر ، و حتى لو مش ضامن اى نتائج و ابنه مثلا مستواه ضعيف .
و هايكون راضى و سعيد ، عنده رضا بالنفس بإنه بيعمل كل اللى يقدر عليه لابنه ، من اول الدروس و الكتب ، لحد انه يدخله كلية خاصة فى المجال اللى بيحبه ابنه فى حالة لو ملحقشمجموعها .

فـ ماتقلقش نهائى ، و اعرف ان والدك مهما صرف عليك هايكون بيصرف و هو فرحان طالما بيراعى ابنه ، ابنه اللى حاسس بحب ابوه و أمله فى انه يشوف ابنه فى المكان اللى بيحبه و عاوزه .

فـ حدد مجالك و هدفك ، و الكلية اللى انت ناوى عليها ، و توكل على الله .. و بدون قلق أو ضغوط أو اى حاجة اسعى لهدفك
و اعرف ان لكل مجتهد نصيب .

السلام عليكم
متقلقش ان شاء الله انت شاطر وحتفضل شاطر طول عمرك متقلقش من النقطة دي.

حط فى دماغك هدف انك داخل على ثانويه عامه واهتم بالمواد اللى هتتخصص فيها فى تالته ثانوى يعنى لو هتدخل قسم علمى يبقى اهتم بالرياضيات والكيمياء والفيزياء وطبعاً الانجليزى واللغه التانيه

لان دراسة السنين اللى فاتت مش بدرجه الاهميه بتاعة الثانويه العامه

انا متشكر جدا ليكم ولمساعدتكم انتو مش عارفين الكﻻم بتاعكم ده اثر في نفسيتي وحسنها ازاي ربنا يخليكو

اقتباس:

---

المشاركة الأصلية كتبت بواسطة shiko85

وعليكم السلام ورحمة الله وبركاته
على فكره الأحساس ده عادى جدا و ده معناه انك انسان محترم و مقدر المجهود المبذول علشانك و عندك احساس بالمسئوليه و نفسك تكون عند ظن الوالد و الوالده, بس خلى احساس الخوف اللى عندك من النتيجه او المجموع سبب للمذاكره و الأجتهاد مش سبب لليأس و الأحباط و كمان حاول تخرج و لو تعرف صديق او زميل محترم معاك فالمدرسه خليه ياخد الدرس معاك لان الدرس لوحدك ممل و مفيش فيه اى منافسه و لا تغيير
اجتهد و اعمل اللى عليك و ان شاء الله خير

---

مظبوط.. خلى واحد او اتنين من زمايلك المتالف
معاهم ياخدوا الدرس معاك. حتلاقى منافسه
وتسليه ونشاط...وممكن يوم فى الاسبوع راحه
وفسحه ونشاط ..ده بيحسن الحاله النفسيه
ومتخافش ربنا يوفقك

أهم حاجه يا مصطفي، أن زي ما يكون همك انك تنجح عشان أهلك، لازم تفكر انك تنجع عشان نفسك، وعشان مستقبلك. شوق المجتمع من حواليك عامل ازاي، الناس المحترمه هي القله، والحمد لله عايشين كويس، الناس المتعلمه واللي بتفهم، لازم تفهم انك بتذاكر عشان تبقي حاجه، وعشان يبقي ليك وظيفه محترمه، وصفه في المجتمع. وعشان تكوّن بيت وأسره كويسه، او علي الاقل عشان نفسك.

لازم يكون عندك غيره في العلم، وده مش عيب. أكيد فيه ناس غيرك مش بيتصرف عليها ده، وبتجيب مجموع برضه. فا لازم تقدر اللي والدك بيعمله عشانك واللي أهلك بيعملوه عشانك. صدقني عمرك ما هتتخيل هما بيخافوا عليك قد ايه، وبيحبوك قد ايه، وازاي نفسهم تكون فعلا أحسن واحد في الدنيا.

والأهم بقي أنك ترضي ربنا. ربنا كرّم طلاب العلم، والرسول صلي الله عليم وسلم بيقول لا فضل لعربه علي اعجمي الا بالتقوي والعمل الصالح. ولازم يكون قدامك دايما الكلمتين دول، التقوي والعمل الصالح، في حياتك عموماً، وفي أي مجال.

وإن الله لا يضيع أجرا من احسن عملا. أعمل اللي عليك وربنا هيديك اللي تستاهله طالما اجتهدت، وبالنسبه لحالتك النفسيه طبيعي أي إنسان بييجي عليه وقت بيحس بزهق، وانه مش زي الأول. بس اللي مش طبيعي ومش صح أنك تخلي الأحساس ده يتمكن منك. لأن نهايته مش كويسه، ولازم تعمل اللي عليك وتفهم وتكون عارف انت من الأساس ليه بتذاكر؟ وليه بتجتهد؟ وعشان إيه؟ كل ده لازم تعرفه كويسه. وصدقني لازم تحس بمسئولية، وبالواجب اللي عليك، ان بعد كل اللي أهلك بيعملوه عشانك، وتعبوا وبيتعبوا عشان يخلوك انسان محترم، لازم متخيبش ظنهم، ومتخيبش ظن نفسك في شخصيك انت.

وربنا يوفقك يا رب، وبأذن الله من نجاح لنجاح ومن تفوق لتفوق دائما، وربنا يكرمك ان شاء الله

مجرد احساسك ده وشعورك بالذنب شىء ايجابى جدا يعنى عندك الدافع اللى يخليك زى الاول واحسن

والملل ده طبيعى بسبب الرتابه اليوميه من مواعيد مدرسه وبعدها مواعيد دروس وبعدها مذاكره كل يو نفس الرتابه خلى لك يوم بتاعك انت واى حد بتنبسط وانت معاه .. هتجدد نشاطك وتكسر الروتين

انا بعذرك لانى شايف ابنى نفس ظروفك بل بالعكس المدرسه عنده شديده جدا والمدرسين لانه فى ثانويه عسكريه ..والدروس الخصوصيه مواعيدها صعبه الولد مبيلقيش وقت يذاكر اصلا ..بس نعمل ايه نفسنا انتوا تبقوا احسن مننا ونلاقيكم احسن ناس فى الدنيا

متشكر جدا لكل اللي رد وساهم في ان نفسيتي تتحسن وربنا يخليكو

http://www.nilemotors.net/Nile/413215-a.html


مش عارف ليه حسيت ان الموضوع ده ممكن تطلع منه بحاجه مفيده :)

القلق نوعين فيه قلق ايجابى بيخلى البنى آدم يخاف ويهتم ويذاكر ويعمل اللى عليه وبالتالى بيكون محمود ومطلوب
وفيه قلق سلبى وده بيكون زايد عن حده وبيتحول الى الضد وبيكون وسيله لهدم الذات وممكن يصيب صاحبه بالأمراض النفسية والعضوية كمان لا قدر الله

الحالة اللى عندك طبيعية
وبتيجى للطالب المحترم الملتزم اللى عنده دم واحساس بالمسئولية وده نادر جدا اليومين دول ههههه
بس المهم متخليش الحالة السلبية تزيد عن حده وتسيطر عليك وحولها لطاقة ايجابية

وإلتزم بمثلث التفوق

(1) حافظ على صلاتك وعلاقتك بربك وإبدأ مذاكرتك بصفحة من القرآن الكريم وبأدعية المذاكرة

(2) بر والديك واعمل اللى يسعدهم وابعد عن رفقاء السوء

(3) إلتزم فى دراستك وفى مواعيدك وحافظ على وقتك واتقن عملك

بالتوفيق

ربنا يخليكو كلكو علي نصايحكم دي ومش عارف ازاي ارد الجمييل بتاعكم ده والله

نصيحة اخيرة بعد كلام الافاضل ، ابعد عن اصدقاء السوء وقعدة الكافيهات اللي ملهاش لازمة
خللي اصحابك ناس مجتهدة وتنافس بينكم ع الافضل .. هتصاحب عيال واقعة ومبتذاكرش هينزلوا بيك الارض وهيضيعوك وانت في سنتين " هتشتري بيهم عمرك الجاي كله" ياتبقي فوق ياهتبقي تحت

اقتباس:

---

المشاركة الأصلية كتبت بواسطة kemoztanta

نصيحة اخيرة بعد كلام الافاضل ، ابعد عن اصدقاء السوء وقعدة الكافيهات اللي ملهاش لازمة
خللي اصحابك ناس مجتهدة وتنافس بينكم ع الافضل .. هتصاحب عيال واقعة ومبتذاكرش هينزلوا بيك الارض وهيضيعوك وانت في سنتين " هتشتري بيهم عمرك الجاي كله" ياتبقي فوق ياهتبقي تحت

---

والله انا ﻻ ليا في قاعدة اي حاجة وﻻ كافيهات وﻻاروح عند حد من صحابي وﻻ اي من الكﻻم ده هو من البيت للمدرسة ومن المدرسة للبيت ونادرا لما بخرج في الدراسة بخرج ف الاجازة كتير ومش مع اي حد والحمد لله بخرج مع اوﻻد خالي وخاﻻتي بس ممكن اخرج مع صحابي مرة او مرتين كنوع من التجديد واني اقوي عﻻقتي بصحابي بس انا بيمر عليا وقت بحس ان ده مش كويس ﻻني مبتعاملش مع ناس كتير وﻻزم اصيع شوية بس مجرد التفكير في كدة ضميري بيأنبني وابدأ أفكر في موقف والدي مني وانه اكيد هيزعل
الحمد لله علي كل شئ

زي ما قال الاخوة بلاش تقلقل نفسك
وربنا ان شاء الله هيكرمك

سوال خارج الموضوع انتا في 2 ثاناوي مش 3 يعني مش شهادة ازاي بتصرف كل المصاريف دي المفروض المصاريف دي في 3 ثاناوي اللي هتحدد مستقبلك مش 2 !!!!!!!

ليه هي 2 ثانوي شهادة ؟!! عشان تاخد فيها دروس ولوحدك
الكلام ده بيبقى ل3 ثانوي عشان المجموع فيها مهم لكن المفروض في تانية تعتمد على نفسك شوية ومتاخدش غير في المادة اللي حاسس انك محتاج تفهمها اكتر مع مدرس خصوصي

مهي دي مشكلتي مع والدي ووالدتي هما معتقدين كدة انهم بيأسسوني عشان في 3 ابقي مستريح ﻻن ده اللي حصل مع اخويا ووﻻد خاﻻتي بس هما كانو نظام قديم اما انا نظام جديد امال انا مضايق من المصاريف اللي بتتصرف عليا ليه

اقتباس:

---

المشاركة الأصلية كتبت بواسطة نور القمر

ليه هي 2 ثانوي شهادة ؟!! عشان تاخد فيها دروس ولوحدك
الكلام ده بيبقى ل3 ثانوي عشان المجموع فيها مهم لكن المفروض في تانية تعتمد على نفسك شوية ومتاخدش غير في المادة اللي حاسس انك محتاج تفهمها اكتر مع مدرس خصوصي

---

منا بقول كدا ولا يمكن هواكتب 2 ثاناوي غلط!!!!!!!

اقتباس:

---

المشاركة الأصلية كتبت بواسطة mostafa bedo

مهي دي مشكلتي مع والدي ووالدتي هما معتقدين كدة انهم بيأسسوني عشان في 3 ابقي مستريح ﻻن ده اللي حصل مع اخويا ووﻻد خاﻻتي بس هما كانو نظام قديم اما انا نظام جديد امال انا مضايق من المصاريف اللي بتتصرف عليا ليه

---

لالالالالالالا
اولا المناهج كلها تقريبا هتتغير
2 انا في 3 ومكنتش بفتح كتاب قبل كدا لكن دلوقتي بعصر علي نفسي لمونة وبزاكر الحمد لله

لو انتا عاوز تستعد فعلا ابدا في شهر 6 لكن دلوقتي اتا بتضيع فلوس علي الفاضي وضغط كبير اوي عليك

واضح ان عليك ضغط نفسي نتيجه المصاريفالي بتتدفع واضح كمان ان في احتمال يكون في حاجة تانيه مضايقاك
بس الاهم عندي واللي واضح اكتر انك انسان محترم وبتحس
ربنا يحفظك ويحميك من شر كل حاسد وعين
تاكد من
لكل مجتهد نصيب
ربنا مش هايضيعك ابدا بس انتاعمل اللي عليك
ممكن تدي لنفسك برهة بسيطه ترفيه اورياضه او انتخه في البلكونه او زياره جد ..... مثلا لتجديد النشاط

عليك بالقران كل ما يجيلك حاله الملل استريح بالقران
ربنا يحفظك ويكتر من امثالك

اقتباس:

---

المشاركة الأصلية كتبت بواسطة wawamoha

واضح ان عليك ضغط نفسي نتيجه المصاريفالي بتتدفع واضح كمان ان في احتمال يكون في حاجة تانيه مضايقاك
بس الاهم عندي واللي واضح اكتر انك انسان محترم وبتحس
ربنا يحفظك ويحميك من شر كل حاسد وعين
تاكد من
لكل مجتهد نصيب
ربنا مش هايضيعك ابدا بس انتاعمل اللي عليك
ممكن تدي لنفسك برهة بسيطه ترفيه اورياضه او انتخه في البلكونه او زياره جد ..... مثلا لتجديد النشاط

عليك بالقران كل ما يجيلك حاله الملل استريح بالقران
ربنا يحفظك ويكتر من امثالك

---

انا فعﻻ مضايق من المصاريف اللي بتدفع عليا ﻻني حاسس انها مش في مكانها دلوقتي

اقتباس:

---

المشاركة الأصلية كتبت بواسطة mostafa bedo

مهي دي مشكلتي مع والدي ووالدتي هما معتقدين كدة انهم بيأسسوني عشان في 3 ابقي مستريح ﻻن ده اللي حصل مع اخويا ووﻻد خاﻻتي بس هما كانو نظام قديم اما انا نظام جديد امال انا مضايق من المصاريف اللي بتتصرف عليا ليه

---

على فكرة أنا متفق مع والدتك ووالدتك فى موضوع انهم يهتموا بيك ويأسسوك فى 2 ثانية وما قبلها
ولكن مش متفق معاهم فى المبالغه فى اعطائك دروس فى كل المواد وبأسعار عالية
حتى لما تكون فى الثانوية العامة

على فكرة 1 و 2 ثانوى اهم من 3 ثانوى
لو انت اجتهدت فيهم وتأسست فيهم .... 3 ثانوى هتكون سنة عادية جدا زى غيرها
ومش هتحتاج دروس كتيره ومبالغ فيها زى اللى بيحصل دلوقتى وبدون فايده

بشوف طلبة كتير جدا كانوا ممتازين فى المرحلة الاعداديه ولما بيدخلوا الثانوى العام
بيضيعوا فى 1 و 2 ثانوى
وبيقولوا ناخدها بالطول وبالعرض ونستريح وفى 3 هنذاكر ونكسر الدنيا
بتلاقيه فى 3 ثانوى بيكمل مسلسل الفشل والخيبه والضياع
ومش بيقدر يعوض اللى فاته فى السنين اللى فاتت

التعليم تراكمى وتعلم ازاى اذاكر واتقن عملى بيحتاج ممارسه وخبره بيكتسبها الطالب فى كل سنين حياته
كل سنة تعتبر درجه فى سلم الصعود
مينفعش اكسر درجتين سلم وانط على التالته

عموما عشان تريح ضميرك انا كأم معنديش مشكلة ن ابني يصرف كتير على الدروس وفي المقابل مش عايزة منه غير الاجتهاد ويعمل اللي عليه والباقي على ربنا وهو ونصيبه
ابني في 3 السنة دي ربنا يصلح حاله يارب مش بحاسبه على حاجة ولفلوس قدامه وبيسحب منها على حسب احتياجاته
بس كنت مشترطة عليه من البداية هاتشتغل وتجتهد مش هاستخسر فيك لكن هاتلعب وتضيع وقت يبقى لفلوس ليها حاجات تانية اولى منك
حتى في عند دخول الكلية ان شاء الله قلت له هتعمل اللي عليك ولااقدر الله مجموعك مكنش كافي لكلية كويسة هادخلك جامعات خاصة
لكن هاتعلب يبقى تدخل كلية عادية على حسب مجموعك
فالخلاصة الاهل مش بيستخسروا في اولادهم حاجة بس المهم يكونوا اد المسئولية وفي الاخر احنا مش عايزين حاجة منكم وسعادتنا الحقيقية بتكون في اننا نشوفكم احسن ناس

نفس الاحساس اغلبنا مر بية
لان طبعا اقتراب ثالثة ثانوى يعنى تقرير المصير فى بلد لا تحترم الا القليل
فى رأى انسى اى ضغوط وركز فى تحصيل المعلومات وهدفك فى خلال سنتين هو التحصيل والتركيز فقط
مش مطلوب منك اى حاجة تانية
وربنا يوفقك واللى مكتوبلك لازم تشوفة
المهم تاخد بلاسباب النجاح اللى هى الجهد والعمل والصبر فى دراستك