منقول من مغترب مصرى فى الامارات ( حدث بالفعل)

**mesaharaty** · 22-10-2014 10:11 AM

المشاركة الأصلية كتبت بواسطة Secret-Man

من المواقف الطريفة أول لما سافرت لإمارات
أول نصيحة من عمي ، لو توهت وقف عربية شرطة وقولوا تايه وهيساعدوك !!
أول حاجة جت في دماغي أن عمي بيسلمني
أول أسبوع توهت فعلاً ومش عارف أعمل أيه ؟؟
أتصلت على عمي قولتله أنا تايه في دبي ومش عارف أوصل للسكن بتاعي
قالي زي ما قولتلك شاور لأي سيارة شرطة
عملت زي ما قال شاورت لسيارة شرطة وقفوا وسألوني
الشرطة : شو فيه
أنا : تايه ومش عارف أوصل للسكن بتاعي
الشرطة : أركب
أنا : أركب !!!!؟؟؟؟ ليلتي مش فايته شكلها
ركبت في السيارة في الكرسي اللي ورا أتنين قاعدين واحد سايق والتاني جمبيه وقدامه لاب توب فتحه وسألني
الشرطة : أيه اللي تعرفه عن المنطقة اللي انت ساكن فيها يعني محل مشهور ماركت مطعم
أنا : فيه هايبر ماركت أسمه كذا والمنطقة أسمها كذا
اتحركنا دخل بنزينة على الطريق سألوني بتشرب قهوة ولا شو بتحب تشرب
أنا في بلاهه أحسد عليها ، أنت حضرتك بتتكلم بجد !!!!؟؟
الشرطة : يعني هتشرب قهوة
المهم جت القهوة وشربتها ووصلنا عند الهايبر ماركت اللي اعرفه ووصلوني لحد البيت ، وأنا كنت من الأزبهلال اللي أنا فيه فاتح بوقي ومش مترجم الصراحة
يا ترى لو عملنا إعادة للمشهد ده مع الشرطة المصرية أيه اللي هيتم ، مثلاً واحد جي من قرية أو محافظة ما من مصر ونزل القاهرة ووقف سيارة شرطة وقالوا تايه
هسيبك لخيالك مع أني عارف اللي هيحصل

منقول من مغترب مصرى فى الامارات

أول مرة أشوف الشرطة هى اللى بتقدم القهوة ....هههههه
الموضوع ده خلانى وقعت فى غابة من المشاعر
أولها

وتانيها

وتالتها :

ورابعها :

وأخيرا :

**abdulkhaleq** · 22-10-2014 11:41 AM

ياشباب اتمنوا لهم الخير والزياده

**adelghanem** · 22-10-2014 11:56 AM

المشاركة الأصلية كتبت بواسطة أحمد كمال

طيب

انا كنت باطير طيارتي بالريموت في صحراء الروية على الطريق العابر

حتة مفيهاش صريخ ابن يومين ......... و مرصوف فيها حتة صغيرة جدا للطيارين الهواة يطيروا طياراتهم ......

و جنب ارض بتاعة احد الشيوخ الكبار أوي أوي أوي أوي (و هو عارف ان الهواة بييجوا يطيروا جنب ارضه و عادي جدا) ...... احب اقول لك لو واحد زيه في مصر مش هتعرف تقرب من ارضه بخمستاشر كيلو

الطيارة تاهت مني و ما عرفتش ارجعها ....... دخلت بعربيتي وسط الصحراء ادور عليها

كملت و غرزت في الرملة

مش عارف اطلع

و ييجي لي ملاك من السما ...... دورية مدنية من العاملين بارض الشيخ المذكور اعلاه

باختصار :

1- سحبوا لي سيارتي من الرملة

2- العجلة اتخرمت ....... غيروا لي العجلة

3- صمموا اروح معاهم العزبة اشرب حاحة و انا رفضت لاني كنت اتبهدلت و تعبت

4- شافوا معايا طيارة تانية بكاميرا (الاولى كانت طيارة بجناحات مش تصوير) .... قالوا لي ما تطيرها و تدور بيها ....... قربت من سور ارض الشيخ و رجعت قالوا لي لا خش ورا السور يمكن تكون وقعت جوة (عايزك تتخيل لو طيارتك اللعبة وقعت في ارض مسؤول مصري ههههههههههههههههه)

5- خد تليفوني و اداني تليفونه عشان لو لقى الطيارة

6- بعد يومين لقى حطام الطيارة صوره و بعت لي الصور و قال لي لو عايز تيجي تستلمها (الجسم اتحطم بس المحركات و اليكترونيات الطيران سليمة فالخسارة اقل بكتير من خسارة كل شئ)

7- لا تخرج قبل ان تقول سبحان الله

سبحان الله(بس مش عارف ليه عايز ابكى)

**exelence** · 22-10-2014 12:22 PM

المشاركة الأصلية كتبت بواسطة adelghanem

سبحان الله (بس مش عارف ليه عايز ابكى)

يا ريت تاخدنى معاك و نقعد فى اى جنب نعيط مع بعض

**hugan** · 22-10-2014 12:45 PM

ههههههههه
مصر ام الدنيا

**zorg** · 22-10-2014 02:10 PM

كما تكونوا يولى عليكم
شعب همجى بربرى طبيعى شرطته تكون زيه وبتمثله
شعب متحضر معاهم شهادات اجنبية وتعليمهم انضف من تعليمنا وعندهم رقى طبيعى شرطتهم تكون زيهم

**a raafat** · 22-10-2014 03:06 PM

المشاركة الأصلية كتبت بواسطة zorg

كما تكونوا يولى عليكم
شعب همجى بربرى طبيعى شرطته تكون زيه وبتمثله
شعب متحضر معاهم شهادات اجنبية وتعليمهم انضف من تعليمنا وعندهم رقى طبيعى شرطتهم تكون زيهم

جبت الخلاصه
أتفق معاك

**Ayman_saad** · 22-10-2014 03:15 PM

طيب خد دي كمان
انا في السعودية وصاحبي نزل زيارة دبي في العيد ،
الراجل راح بعربيته وكان ماشي بسرعة عالية أتصور ،
أرسلوا له رساله علي موبايله معرفش طبعا هما عرفوا الرقم بتاعة أزاي ولكن
الرسالة بتقول : شرطة مرور دبي ترحب بك ضيفا كريما في بلدك الثاني ، ونرجو أن يطيب لك المقام وأن تستمتع بوقتك ،
نود أن نعلمك بأنك قد تجاوزت السرعة المحددة ، وتم تسجيل مخالفة عليك ، ولكن نحن دائماً نحاول أرضائك ومع ذلك لن نغرمك ،
فأنت ضيفا عزيزا علينا ، ونتمني لك زيارة سعيدة .

الكلام ده لو أبويا هو ألي حكاه لي مكنتش هصدقة لكن أنا شوفت الرسالة بعيني ،
عندما تتحضر العقول ، تتحضر معها أساليب الحياة الكريمة .