الموضوع: منقول من مغترب مصرى فى الامارات ( حدث بالفعل)

المشاركة الأصلية كتبت بواسطة adelghanem

سبحان الله(بس مش عارف ليه عايز ابكى)

المشاركة الأصلية كتبت بواسطة ayman_saad

طيب خد دي كمان
انا في السعودية وصاحبي نزل زيارة دبي في العيد ،
الراجل راح بعربيته وكان ماشي بسرعة عالية أتصور ،
أرسلوا له رساله علي موبايله معرفش طبعا هما عرفوا الرقم بتاعة أزاي ولكن
الرسالة بتقول : شرطة مرور دبي ترحب بك ضيفا كريما في بلدك الثاني ، ونرجو أن يطيب لك المقام وأن تستمتع بوقتك ،
نود أن نعلمك بأنك قد تجاوزت السرعة المحددة ، وتم تسجيل مخالفة عليك ، ولكن نحن دائماً نحاول أرضائك ومع ذلك لن نغرمك ،
فأنت ضيفا عزيزا علينا ، ونتمني لك زيارة سعيدة .


الكلام ده لو أبويا هو ألي حكاه لي مكنتش هصدقة لكن أنا شوفت الرسالة بعيني ،
عندما تتحضر العقول ، تتحضر معها أساليب الحياة الكريمة .

المشاركة الأصلية كتبت بواسطة anaslbda

أنا في ابوظبي شفت الموقف ده بأم عيني:
عربيه العجل بتاعها اتقطع وصاحبها قاعدعلى طرف الطريق بيغيّر في الاستبن, وقفت عربية شرطة معدّية ونزل منها ظابط مرور وقاله : خير؟ ردّ عليه الراجل قاله الكاوتش اتقطع وقاعد بغيّر في الاستبن.
الظابط عمل ايه؟

اقسم بالله شال الكاب من على راسه وشمّر اكمامه ونزل على ركبه في عز الضهر هناك وربّط مع الراجل الإستبن.

اقسم بالله حصل قدّامي.

انا بطلت اعيط خلاص.....
وابتديت الطم... .