الموضوع: الفرق بين GEN 2 و Persona

المشاركة الأصلية كتبت بواسطة abokoko

ال بيرسونا
بينطبق عليها نفس الكلام
?

بسبب شنطة البيرسونا
جعلت الجين2 تتفوق من جميع الاوجه الفنية من ( الثبات وخاصة على سرعات فى المنحنيات - تجميع موتورها فى الجرى اسرع - فى المطبات الصناعية الجين2 لا يمكن تحك ولو محملة - لطف التصميم الرياضى شديد التميز والكفائة العملية الفنية فى المجمل للجين2 )

وشنطة الجين2 واسعة وواسعة بجد
وفيها ميزة وسع التحميل الراسى ودى مش موجودة فى اى عربية بشنطة وبطى ظهر الكراسى الخلفية كمان بتبقى بحر

اللي اعرفه إن الاتنين نفس الثبات و الفرق في التجميع مش كبير اوي بردو بس الجين 2 احسن

بالاضافة الى ما ذكره الزملاء

كارت الكمبيوتر كنترول يونيت :
فى الجين القديم هو 32 بيت
انما فى البيرسونا الجديد 64 بيت

شكرا :))

المشاركة الأصلية كتبت بواسطة shedoz

يا جماعه طب بالنسبه بلاستهلاك البنزين التنك كام لتر وبيمشى كام كيلو ؟

فعلا يا ريت عن تجربه حد يقولنا، لأن كذا واحد بيقول انها بتستهلك بنزين كتير وانه مش بيلحق يقعد ف العربيه

المشاركة الأصلية كتبت بواسطة carrier

طمانينة المرسيدس فى السفر ... وقوة الاودى فى الجرى ... وعفشة اللوتس فى الثبات

تصدق يا باشا صديق ليا هو و اخوه الـ 2 عندهم جين 2
هو اتقلب بعربيته مرتين و اخوه اتقلب مره
العيب مش فالعربيه العيب فأسلوب القياده و المبالغه فتقدير العربيه مع كامل احترامى لحضرتك و كلام حضرتك بس هى مش مرسيدس ولا اودى ولا لوتس

المشاركة الأصلية كتبت بواسطة carrier

بسبب شنطة البيرسونا جعلت الجين2 تتفوق من جميع الاوجه الفنية من ( الثبات وخاصة على سرعات فى المنحنيات )
اختلف مع حضرتك
العربيات الهاتش باك اقل ثبات من العربيات السيدان خصوصا فالمنحنيات لان السيدان توزيع الوزن فيها افضل من الهاتش باك و الشاسيه متماسك اكتر و مركز ثقل العربيات السيدان اكتر ثبات من العربيات الهاتش باك و ده معناه ثبات اكتر و مقاومه للأنقلاب افضل و احسن

ارجو ان حضرتك تتقبل كلامى بصدر رحب و كل التقدير و الأحترام لحضرتك

المشاركة الأصلية كتبت بواسطة shiko85

تصدق يا باشا صديق ليا هو و اخوه الـ 2 عندهم جين 2
هو اتقلب بعربيته مرتين و اخوه اتقلب مره
العيب مش فالعربيه العيب فأسلوب القياده و المبالغه فتقدير العربيه مع كامل احترامى لحضرتك و كلام حضرتك بس هى مش مرسيدس ولا اودى ولا لوتس

ارجو ان حضرتك تتقبل كلامى بصدر رحب و كل التقدير و الأحترام لحضرتك

اولا احييك على مشاركتك

بقى الاخ لما اتقلب اخوه بالجين2 مرتين غار منه بس ملحقش يتقلب الا مرة واحدة بس للاسف

وتلاقى نفسيته تعبانة لان اخوه كده احسن منه .....

وبحييك مرة تانية على معلومة ثبات السيدان اسوء من ثبات الهاتشباك
كما مبين هنا على سبيل المثال http://www.nilemotors.net/Nile/245025-a.html

المشاركة الأصلية كتبت بواسطة carrier

اولا احييك على مشاركتك

بقى الاخ لما اتقلب اخوه بالجين2 مرتين غار منه بس ملحقش يتقلب الا مرة واحدة بس للاسف

وتلاقى نفسيته تعبانة لان اخوه كده احسن منه .....

وبحييك مرة تانية على معلومة ثبات السيدان اسوء من ثبات الهاتشباك
كما مبين هنا على سبيل المثال http://www.nilemotors.net/Nile/245025-a.html

اعتقد انى اتكلمت مع حضرتك بدون تريقه و انا مش داخل اقول اى كلام علشان يكون ده اسلوب الرد
كنت اتمنى ان يكون اسلوب الحوار و الرد افضل من هذا
و بالنسبه لموضوع الثبات فده اصلا جزء من شغلى و اعرف تأثير الـ aerodynamics و ربنا اكرمنى و درست سنين طويله و الحمد لله اعرف ايه افضل تصميم و ايه هو الـ rigid body
على الأقل السيدان مفيش فيها turbulence waves اللى بتنتج من شكل الهاتش باك و اللى بتأثر على الثبات بشكل ملحوظ
عموما شوف الموضوع ده
The College Driver � Should You Choose a Hatchback or Sedan?