عرض للطباعة
السلام عليكم شباب عندي 3 أسئلة و محتاج خبرتكم معايا من فضلكم:
1- زيت الفتيس بتغير كل كام كيلو (أتوماتيك)؟
2- إيه أفضل نوع زيت فتيس استخدمة و كام لتر؟
3- صيانة ال 100 ألف كيلو في التوكيل تكلفني في رنج كام؟ و مين أفضل توكيل أعمل عنده الكلام ده؟
السيارة نيسان صني 2008
اتوماتيك سوبر صالون
جزاكم الله خيرا
80,000- 100,000 km
بص يا نجم:
زيت الفتيس الاتوماتك كل 40000 الف كيلو
افضل زيت فالفولينatf , وعن تجربة طويلة عربيتى سوبر صالون عاملة 150000 .
افضل توكيل بس تكون حاجز السبع او اوتو ايجبت.
هات معاك العبوة 4 كيلو وهو دة الحجم المناسب للتغير وعن تجربة.
اشتري الزيت من اقرب موزع من موقعهم علي النت..
واي استفسار انا في الخدمة
شكرا جزيلا على الرد يا شباب ....جزاكم الله خيرا
الزيت انا بغيره كل 30 ألف بس هو بيتغير على 40 فى ظروف القياده العادية
بغيره تحت البيت أصلا .. جبت 4 لتر موبيل 320 من محطة موبيل وانبوبة سيليكون رمادى حرارى وفكيت الطبه بتاعة الفتيس فضيت الزيت وبعدها تفك الكارتيره هتلاقى فيها شوية زيت فضيهم فى الوعاء اللى بتصفى فيه الزيت
فى الكارتيره من جوه فى قطعتين مغناطيس شدهم ونضفهم من الشوائب المعدنيه اللى فيهم واغسل الكرتيره ببنزين وامسحها كويس
هتلاقى فلتر مربوط فى الفتيس من تحت فوق الكارتيره على طول بمسامير 10 مم ... فكه واغسله ببنزين وفرشة اسنان من الشوائب اللى فيه وجففه كويس .. وارجع اربطه مكانه
بعد كده حط طبقة سيليكون خفيفه على الداير بتاع الفتيس وسيبها شويه تجمد وركب الكرتيره واربطها، ومن مكان مقياس الزيت بتاع الجيربوكس فضى الزيت الجديد ... هتلاقى تحسن كبير فى نعومة نقل السرعات.
احسن زيت اوتوماتيك هوا ڤالڤولين ماكس لايف (علبة حمرا عشان في زيت اوتوماتيك أقل من ڤالڤولين علبته زرقا) Valvoline MaxLife
٩٥ جم اللتر - يتغير كل ٦٠،٠٠٠-٩٠،٠٠٠ كم
السلام عليكم يا شباب
الحقيقة دى اول مرة اشارك فى موضوع .. ويسعدنى المشاركة معكم والاستفادة من خبراتكم
انا عندى نيسان 2003 اتوماتيك عاملة حوالى 200000 كم وكنت عاوز اغير لها زيت الفتيس وفلتر الفتيس
كنت عاوز حد يقولى افضل الزيوت و هل يتم تغيير الفلتر ام لا ، وطريقة تغييره .. لان الحقيقة احترت لاختلاف الاراء
مع الشكر والتقدير