اوبتر الشكل الجديد ... هل من مجيب ؟

السلام عليكم
انا نويت اشتري جديد وكنت مقرر اشتري اوبترا الشكل الجديد بالتقسيط

ومنتظر لحد دلوقتي تقرير مفصل من احد الملاك الجدد ليها بس واضح ان لحد دلوقتي مافيش واحد من اعضاء نايل موتورز اشتراها
انا اعرف انها تصنيع صيني بس ما اعتقدش ان شيفروليه هتغامر بسمعتها وتنزل عربية في مستوى تعبان
وانا بصيت عليها عند الطارق متظبطة والتقفيل بتاعها شكله ممتاز ومهتمين بشوية تفاصيل كويسة
وخصوصا ان فيها كماليات مهمة زي اكياس الهوا والـ abs, ebd غير امكانيات الرفاهية
والايموبيليزر كمان

انا قولت يا اجيب فيرنا يا اطلع على اوبترا او اي شئ في فئة السعر
وناس نصحتني بـ أفيو بس ما اعرفش ليه ما باقتنعش بيها من الأساس

وانا بقيت محتار ... ايه رأيكم ؟

نصيحة بلاش اوبترا الجديدة

الاوبترا القديمة برقبتها و فى منها جديد ب abs و اير باج

نيسان صنى
هيونداى ار بى
وكبر دماغك عن اى حاجه

حاول تروح مركز صيانه منصور الهرم

وتشوف حد من ملاكها داخل يعمل صيانه

وتاخد منه انطباعاته

حيكون افضل

اقتباس:

---

المشاركة الأصلية كتبت بواسطة DrOsama

السلام عليكم
انا نويت اشتري جديد وكنت مقرر اشتري اوبترا الشكل الجديد بالتقسيط

ومنتظر لحد دلوقتي تقرير مفصل من احد الملاك الجدد ليها بس واضح ان لحد دلوقتي مافيش واحد من اعضاء نايل موتورز اشتراها
انا اعرف انها تصنيع صيني بس ما اعتقدش ان شيفروليه هتغامر بسمعتها وتنزل عربية في مستوى تعبان
وانا بصيت عليها عند الطارق متظبطة والتقفيل بتاعها شكله ممتاز ومهتمين بشوية تفاصيل كويسة
وخصوصا ان فيها كماليات مهمة زي اكياس الهوا والـ abs, ebd غير امكانيات الرفاهية
والايموبيليزر كمان

انا قولت يا اجيب فيرنا يا اطلع على اوبترا او اي شئ في فئة السعر
وناس نصحتني بـ أفيو بس ما اعرفش ليه ما باقتنعش بيها من الأساس

وانا بقيت محتار ... ايه رأيكم ؟

---

اقرا الموصوع دا كويس الاول وبعد كده

قرر

http://www.nilemotors.net/Nile/413584-2014.html

العربيه دى قديمه من صناعة شركه صينيه و كانت بتنزل باسم bagoun . و بتتصدر لامريكا الجنوبيه و دول فى افريقيا . جت شيفورليه و دخلت فى شراكه محدوده مع الشركه الصينيه و وضعت علامتها فقط على العربيه و غيرت الاسم . استهبال يعنى .

مع أحترامى عربية تافيلها زبالة جدا وددقق فى الكاوتشات بتاعتها والبلاستيكات طين والاقفال وحتى حوض الموتور غريب جدا شفتها عند المنصور المهندسين والله حرام فيها الفلوس لو ناوى تقسط لا محالة اعلى حبتين وجيب الكروز وشوفها وقارن بين نفس الشركة فرق السما من العما والفرق بينهم حوالى 30 الف مش كتير نسبيا بالنسبة لفرق الرهيب بينهم

في كذا سبب يخلينى أقوللك بلاش

أولا تقفيلها وخاماتها مش اد كدا

ثانيا سعرها مبالغ فيه ، لأنها بالمقارنه بالأوبترا الكوري اللى قبلها

تقفيل صيني بدل كورى ، الموتور بقى أضعف ، التعليق الخلفى بقى Torsion-Beam بدل Dual-Link

الشئ الإيجابى ان الفتيس بقى 6 سرعات تبترونيك بدل 4 ، والشاسيه أطول شويه ، والأوبشنز زادت وفيها عوامل أمان

والأساسيات كلها GM لكن كلها صنع الصين

القرار ليك في النهايه ، بس لو هاتشوف حاجه تانيه بلاش أفيو

اقتباس:

---

المشاركة الأصلية كتبت بواسطة yasser100

العربيه دى قديمه من صناعة شركه صينيه و كانت بتنزل باسم bagoun . و بتتصدر لامريكا الجنوبيه و دول فى افريقيا . جت شيفورليه و دخلت فى شراكه محدوده مع الشركه الصينيه و وضعت علامتها فقط على العربيه و غيرت الاسم . استهبال يعنى .

---

لا يابشمهندس الموضوع مش كدا

شيفروليه ما دخلتش في شراكه مع Baojun ، دى هي اللى أنشأتها أصلا

والعربيه دى مبنيه على شاسيه الاوبترا القديمه مع تطويل قاعدة العجلات وتغيير التعليق الخلفى ، والموتور والفتيس من GM

جنرال موتورز عملت شراكه مع شركتين ، SAIC اللى حاليا بتمتلك MG وبتعمل عربياتها ، وشركة Wuling

فبقى إسم الشركه SAIC-GM-Wuling Automobile ، دى اللى أنشأت Baojun

طيب إيه الهدف من إنشاء باوجن ؟ الهدف هو نزول عربيات بسعر أرخص من باقى عربيات GM في الصين اللى بتتباع بعلامات مختلفه أهمها Buick

دى العربيه اللى مبنيه عليها الأوبترا الجديده

http://nileup.com/up/uploads/nilemotors_14139729711.jpg

http://nileup.com/up/uploads/nilemotors_14139729712.jpg

إسمها بويك إكسيل وهى نسخه من الأوبترا الكوري اللى عندنا مع إختلاف الشكل

زى ماقولت خدوا الشاسيه بتاعها وغيروا فيه وحطوا موتور وفتيس جديد من GM وعملوا الباوجن 630 وبيبيعوها بسعر أرخص من البويك إكسيل اللى مازالوا بيبيعوها لحد النهارده

باوجن كمان بتبيع عربيه إسمها Lechi اللى مبنيه عالسبارك القديمه

http://nileup.com/up/uploads/nilemotors_14139732401.jpg

http://nileup.com/up/uploads/nilemotors_14139732402.jpg

فى النهايه الغرض هو التوضيح فقط وليس دفاع عن العربيه لأن انا أخر واحد ممكن يفكر فيها :)