المشاركة الأصلية كتبت بواسطة طارق _عبد السلام
فاتوره شهر 9 جت لى 2500 جنيه طبعا كتير جدا جدا
واحد صديقى قال لى نفس كلامك حلال فيهم سرقه الكهرباء هما بيجبرونا على السرقه .. فأنا ضحكت ..بيقولى بتضحك ليه.. قلت له انا لوسرقت منك فى يوم حاجه ..وربنا هدانى ورجعت لعقلى.. هرجع لك اللى سرقته واطلب منك تسامحنى ..لان ربنا بيسامح فى كل شىء الا حقوق العباد. صح . قال لى صح..... قلت له تخيل انا لوسرقت كهرباء .وده مال عام المفروض انه لكل الناس. صح. قال لى صح .. قلتله ربنا هدانى تانى وقلت ارجع للناس حقوقها اللى سرقتها .. ازاى هطلب من 90 مليون بنى آدم يسامحنى لو حبيت ارجع الفلوس وارجعها لمين وازاى..وكلهم هيسامحونى ازاى ... سكت ومنطقش كلمه :)...وقال لى حرام عليك انت ركبتنى هم البلد كلها انا بفضفض معاك قعدت اضحك