حد يعرف شرائح الكهرباء الجديده بتتحسب اذاى

**طارق _عبد السلام** · 23-10-2014 02:40 PM

المشاركة الأصلية كتبت بواسطة احمد المصرى

بجد الكهرباء بقد حاجه مستفزه جدااااااااااااااااااااااا ااا الواحد لو سرق الكهرباء من ورا العداد حلال فيهم ولا حرام بجد حاجه مستفزه

فاتوره شهر 9 جت لى 2500 جنيه طبعا كتير جدا جدا

واحد صديقى قال لى نفس كلامك حلال فيهم سرقه الكهرباء هما بيجبرونا على السرقه .. فأنا ضحكت ..بيقولى بتضحك ليه.. قلت له انا لوسرقت منك فى يوم حاجه ..وربنا هدانى ورجعت لعقلى.. هرجع لك اللى سرقته واطلب منك تسامحنى ..لان ربنا بيسامح فى كل شىء الا حقوق العباد. صح . قال لى صح..... قلت له تخيل انا لوسرقت كهرباء .وده مال عام المفروض انه لكل الناس. صح. قال لى صح .. قلتله ربنا هدانى تانى وقلت ارجع للناس حقوقها اللى سرقتها .. ازاى هطلب من 90 مليون بنى آدم يسامحنى لو حبيت ارجع الفلوس وارجعها لمين وازاى..وكلهم هيسامحونى ازاى ... سكت ومنطقش كلمه :)...وقال لى حرام عليك انت ركبتنى هم البلد كلها انا بفضفض معاك قعدت اضحك

**Hanan Ahmed** · 23-10-2014 03:30 PM

المشاركة الأصلية كتبت بواسطة motorx

الاسعار الموجوده في الجدول دي سعر كل كيلووات ساعة بالقرش ، حضرتك تحطي استهلاكك في اول مربع في الصفحة وتضغطي على "احسب" هايظهرلك اجمالي قيمة الاستهلاك في اسفل الصفحة.

تحياتي .

شكرا ،،،، انا افتكرت ان ده بالجنيه وان ده اجمالى اللى المفروض ادفعه ....

**طارق _عبد السلام** · 23-10-2014 03:36 PM

المشاركة الأصلية كتبت بواسطة hanan ahmed

عندك حق .... بس ده مال عام محدش بيتحصل عليه غير الخااااص .... يعنى انا وحضرتك وال 90 مليون بنتسرق ... وعينى عينك

معاكى يافندم بس الكهرباء دى مدعومه وبيندفع لها دعم ممكن ينزل لناس محتاجه الدعم ده فى صور تانيه لو مشينا بمنطق اشمعنا احنا اصلهم بيسرقونا نسرق احنا كمان هنزود الطين بله..

لكن هنا بصرف النظر عن موضوع اننا بنتسرق وده حاصل فعلا... وهى فعلا مشكلتنا الاساسيه السرقه حكومه بتسرق وناس بتستحل حقوق غيرها يعنى كله بيسرق فى كله لكن الذنب كبير جدا

هنتكلم عن الحرمانيه فى السرقه ... فعلا رب العباد بيسامح فى كل شىء عدا حقوق العباد وسمعت فعلا انها تنطبق كمان على الشهيد... فتخيلى حضرتك الذنب الرهيب... فمن يستطع تحمل وزره... ان يسرق من حقوق كل من يعيش على ارض هذه البلد