السلام عليكم
انا عايز اعرف شرائح الكهرباء الجديده ايه نظامها وبكام يعنى من صفر لكام كيلو بيتحسب الكيلو بكام وهكذا
حد يعرف النظام ايه
عرض للطباعة
السلام عليكم
انا عايز اعرف شرائح الكهرباء الجديده ايه نظامها وبكام يعنى من صفر لكام كيلو بيتحسب الكيلو بكام وهكذا
حد يعرف النظام ايه
ده لينك لحساب قيمة الاستهلاك
حساب فاتورة الكهرباء
تحياتي .
في نظام جديد
اسمه بمزاجهم :)
مشكور ....اقتباس:
المشاركة الأصلية كتبت بواسطة motorx
اللينك ده بيحسب مظبوط ...
جربته على اخر فاتورتين و طلع الحسبه صحيحه ...
تحياتى ...
انا استهلكت 330 كيلو وحساب 350 كيلو 24 جنيه .... والفاتورة جت 73 جنيه .... ازاى كدهاقتباس:
المشاركة الأصلية كتبت بواسطة motorx
والشهر اللى قبله الاستهلاك 860 كيلو مع ان معنديش تكييف هههههههه والفاتورة 160 جنيه
وحسب الجدول انا لسة تحت 1000 ولو وصلت ل 1000 المفروض ادفع 60 جنيه بس !!! ايه ده هو احنا بنتحاسب بجدول مختلف ؟
860 كيلو انا 884 كيلو و دفعت 335 جنيه ازاى دفعتى 160 ؟؟اقتباس:
المشاركة الأصلية كتبت بواسطة hanan ahmed
الاسعار الموجوده في الجدول دي سعر كل كيلووات ساعة بالقرش ، حضرتك تحطي استهلاكك في اول مربع في الصفحة وتضغطي على "احسب" هايظهرلك اجمالي قيمة الاستهلاك في اسفل الصفحة.اقتباس:
المشاركة الأصلية كتبت بواسطة hanan ahmed
تحياتي .
بجد الكهرباء بقد حاجه مستفزه جدااااااااااااااااااااااا ااا الواحد لو سرق الكهرباء من ورا العداد حلال فيهم ولا حرام بجد حاجه مستفزه
طيب أنا دفعت مبلغ 330 جنيه عن آخر إيصال والمبلغ ده أكبر مبلغ أدفعه فى حياتى العامرة كلها من ساعة ما ربنا خلقنى وكبرت وإتجوزت وده ليه ؟؟؟؟؟؟؟؟؟؟؟؟اقتباس:
المشاركة الأصلية كتبت بواسطة Karim Alaa
البيه الكشاف مابيجيش ولا عاوز يعرفنا وعامللى إستهلاك 900 كيلو .
أنا اتفزعت لما شفت الرقم لأن أنا عارف إستهلاكى مش ممكن يزيد عن 500 كيلو فى الشهر .
ولما توجهت يوم السبت الماضى لإدارة الكهربا للشكوى قابلنى موظف شكله سمح كده وقعد يطيب خاطرى بكلام لا يمت للقراءة ولا للكشاف ولا للعداد ولا للإستهلاك بصلة من قريب أو بعيد ، وفضل يقوللى معلش الشهر الجاى الفاتورة هتبقى أقل وإحنا بنحاول والله ، ويمكن تكون دى غلطة الكشاف لأنه مابيقراش العدادات كلها ويمكن ويمكن ..... حسيت والله العظيم وهو بيكلمنى إنى باتكلم مع أمى الله يرحمها وهى بتطيب خاطرى مثلا لو أنا راجع من إمتحان صعب أو بتدعى لى ألاقى بنت الحلال .
وفى النهاية أحب أقول Tozz
اقتباس:
المشاركة الأصلية كتبت بواسطة احمد المصرى
فاتوره شهر 9 جت لى 2500 جنيه طبعا كتير جدا جدا
واحد صديقى قال لى نفس كلامك حلال فيهم سرقه الكهرباء هما بيجبرونا على السرقه .. فأنا ضحكت ..بيقولى بتضحك ليه.. قلت له انا لوسرقت منك فى يوم حاجه ..وربنا هدانى ورجعت لعقلى.. هرجع لك اللى سرقته واطلب منك تسامحنى ..لان ربنا بيسامح فى كل شىء الا حقوق العباد. صح . قال لى صح..... قلت له تخيل انا لوسرقت كهرباء .وده مال عام المفروض انه لكل الناس. صح. قال لى صح .. قلتله ربنا هدانى تانى وقلت ارجع للناس حقوقها اللى سرقتها .. ازاى هطلب من 90 مليون بنى آدم يسامحنى لو حبيت ارجع الفلوس وارجعها لمين وازاى..وكلهم هيسامحونى ازاى ... سكت ومنطقش كلمه :)...وقال لى حرام عليك انت ركبتنى هم البلد كلها انا بفضفض معاك قعدت اضحك
اقتباس:
المشاركة الأصلية كتبت بواسطة طارق _عبد السلام
عندك حق .... بس ده مال عام محدش بيتحصل عليه غير الخااااص .... يعنى انا وحضرتك وال 90 مليون بنتسرق ... وعينى عينك
شكرا ،،،، انا افتكرت ان ده بالجنيه وان ده اجمالى اللى المفروض ادفعه ....اقتباس:
المشاركة الأصلية كتبت بواسطة motorx
معاكى يافندم بس الكهرباء دى مدعومه وبيندفع لها دعم ممكن ينزل لناس محتاجه الدعم ده فى صور تانيه لو مشينا بمنطق اشمعنا احنا اصلهم بيسرقونا نسرق احنا كمان هنزود الطين بله..اقتباس:
المشاركة الأصلية كتبت بواسطة hanan ahmed
لكن هنا بصرف النظر عن موضوع اننا بنتسرق وده حاصل فعلا... وهى فعلا مشكلتنا الاساسيه السرقه حكومه بتسرق وناس بتستحل حقوق غيرها يعنى كله بيسرق فى كله لكن الذنب كبير جدا
هنتكلم عن الحرمانيه فى السرقه ... فعلا رب العباد بيسامح فى كل شىء عدا حقوق العباد وسمعت فعلا انها تنطبق كمان على الشهيد... فتخيلى حضرتك الذنب الرهيب... فمن يستطع تحمل وزره... ان يسرق من حقوق كل من يعيش على ارض هذه البلد
معاك حق استاذ طارق بس بجد موضوع الكهرباء خدمه صفر الصفر واسعار خرافيه الواحد بجد تعب من الارف دا