عرض للطباعة
يا رجاله انا من ملاك السيات وكنت بنفكر اركب موتور 1800 20 v
طبعا لاقيت كام متناقض عن انه ممكن يركب ولا لا
وفى وسط البحث دخلت على الاودى بما انها من عائله فولكس فياريت لو حد يفدنى عن الاودى ال 98 a4 وامكانياتها ومواصفاتها والمواتير الى ممكن تركب عليها ياترى هى مواتير الجولف 3 ولا مواتير الجولف 4 وشكرا مقدما
احسن حاجه تعملها انك تروح تدورلك على جولف 5 موديل 2008 - V5اقتباس:
المشاركة الأصلية كتبت بواسطة nesr6060
هتتكيف و تكيف اللي حواليك
عربيه من بابها وريح بالك
ما تهريش ورا الاودي القديم .. العربيه دي ما تظهرش معاك غير لو كانت V6 زي الاسكودا suberb بجد عربيه مرعبة
انا اساسا معرفش العربيه اللي بتدور عليها دي موجوده في مصر ولا لا
لا هوا لو عايز يكيف اللي حواليه بجد يجيب اودي a4 1800 تربو هيزعل عربيات كتير وثباتها احسن من الجولف 5 لان عفشتها الاماميه مالتي فور لينك وخد اتخن ملف في مصر علي 180 وقطع غيارها ارخص من الجولف 5 النص او الربع كمان
جولف مين يا ريس اللى تتكلم مع اودى الجولف على العين و الراس بس الاودى اودى بردو حضرتك لو تعرف الكروسيليه بتاع الاودى متصمم ازاى و نظام التعليق و الموتور اللى بالطول مش بالعرض مش هتقول كدة دى العربيه مصممه 4×4
اهدى بس يا عم الحج .. انا هديك معلومه حلوهاقتباس:
المشاركة الأصلية كتبت بواسطة alzelafy
باسات من ٩٩ - ٢٠٠١ موتور ١٨٠٠ الموتو بالطول . بس ايه يعني طلعتها اقيله عادي فادني ايه الموتور بالطول يعني
جولف R و اختها الكبيره R36 موتور بالطول في بعض الموديلات و 4x4
السيات M1 اللي معايا فيه منها 4x4 و ٣٦٠ حصان و معظم مواترها بالعرض بس حاسب بقا علشان فيه ناس كتير هتزعل
انت عارف ايه فكره الموتور بالطول ؟؟ ده بيبقا فيه اضافه ع المحرك زي بوستر مثلا ،
والفايده التانيه ان الموتور بيكون حجمه كبير و ساعه الصيانه يبقا سهل يتصين
عندك سيات اكسيو مثلا ٢٠٠٠ cc موتورها بالطول مع انه ٤ سلندر ، لكن الجهه اليمنى منه راكب بوستر
و جر امامي مش خلفي ، و مش كواترو
العربيه دي انا سقتها في تست درايف ... عربيه موتوها فيه عفريت
لا غبار على الاودي طبعا و لكن عايز تعرف يعني ايه اودي .. اركب الاودي الكبير زي
R8 - a8L - S8-A6 -A5
اقتباس:
المشاركة الأصلية كتبت بواسطة sala7
معلش.. الكلام اللي بالأزرق فوق ده فيه تقليل كبير من ميزة الموتور اللي بالطول
وإلا ما كانش كل العربيات المحترمة في العالم بتعمل مواتيرها بالطول لحد دلوقتي
مرسيدس (ما عدا الفئة aوbـ ) - bmw - أودي (الفئات الكبيرة) - لكزس - إنفنتي - جاجوار - فيراري - لامبورجيني
وحتى الفئات الفخمة من كيا وهيونداي وهوندا.. كلها مواتيرها بالطول.
على فكرة... أي عربية موتورها بيطلع أكتر من 300 حصان من المصنع بيكون موتورها بالطول... ليه؟؟؟؟؟
أنا أقوللك...
الموتور المتركب بالطول ليه كذا ميزة بيعمل توازن أفضل وثبات أحسن للسيارة لإنه :
أولا: بيخلي وزن الجزء اليمين قد الجزء الشمال في العربية.. وده بينفع كتير جدا في الملفات والغرز.
ثانيا: بيخلي جزء كبير من مركز الثقل موجود في منتصف العربية علشان الجيربوكس بيكون جنب السواق.
ثالثا: غالبا الدفع بيكون خلفي.. وده معناه كمان إن فيه أجزاء تقيلة في الخلف (الديفرانس وأعمدة نقل الحركة).. يعني توازن بين وزن الأمام والخلف.
رابعا: مع بداية الحركة ... الوزن بيتنقل للخلف... فالاحتكاك بيزيد على العجلات الخلفية.. فتقدر تخلي الموتور أقوى لإن العجلة مش هتلف عالفاضي بسهولة... على عكس العربيات الدفع الأمامي اللي الوزن بيخف عن العجلات الأمامية.. وتلاقي العجل بيلف عالفاضي بالذات لو قوة الموتور كبيرة جدا.
طيب ليه بقى معظم العربيات دلوقتي بقت دفع أمامي؟؟؟؟
علشان اللي أجزاء نقل الحركة في الدفع الخلفي أتقل وممكن كمان يحصل هدر أكتر في الطاقة... والعربيات الصغيرة بتبقى عايزة توفر بنزين...
إنما العربيات الكبيرة والقوية ما يفرقش معاها الكلام ده قوي.
...
بعد اذن صاحب الموضوع
هو حضرتك تقصد احمد سيد
انا و له فى حد تانى
ربك المستعان
انا عندي a4 1998 وحاطط فيها موتور 1800 تربو العربيه ماشا الله عليه ثبات تجميع و فرامل وقطع غيار رخيصه مش حتلاقي حاجه بالامكانيات والجوده ولسعر ده