عرض للطباعة
زاى العنوان كده بالظبط
انا عايز اجيب عربية فى متوسط 20الف فضمن الاختيارات لقيت العربيتين دول والصراحة عجبونى وهاموت واعرف الفرق بينهم
انا عايز عربية حلوة وصغيرة علشان انا بتعلم السواقة دلوقتى فى مدرسة وبتاع
عايز العربية تكون بتجرى و تكفى 4 اشخاص جوه العربية و ياسلام لو تشيل 3 فى الكنبة اللى ورا
سفر مرة مرتين بالكتير كل ست شهور مثلا و كمان متاكل بنزين كتير فى زحمة القاهرة و قطع الغيار وكدة ... و اسف على الاطالة
ارجوكوا محتاااااج رد
الفرق بين رقم 1 و 2 فى 106 و 205 هو فرق فئة السيارة....كل ما الرقم يكبر كل ما العربية تكون اعلى من حيث المواصفات
الفرق بين بين 5و6 هو فرق اجيال
يعنى ال504 آخرها 4 معناها جيل سبعينات و ثمانينات مثلا
ال505 جيل ثمانينات و تسعينات
الايام دى مثلا ال508
و عليه ال205 اكبر كعربية و لكن اقدم كجيل سيارات
المشكلة مش فى تقييم السيارة لان ال205 كسيارة مثلا ممتازة لو سليمة و عن تجربة ناس معاهم و لكن المشكلة فى توافر قطع الغيار لانهم سيارات قديمة معرضة لاعطال و مش منتشرين بالصورة اللى هى
وبرضه مشكلة الصيانة لان تقريبا ال205 موتورها مقلوب ...وشه للداخل و دا اصعب للصنايعية عن الموتور العادى و مش اى حد هيشتغل فيه و لو اشتغل هيزود الفلوس سنة
يا ريت تاخد رأى ميكانيكى قريب منك هتعمل عنده الصيانة مثلا
شكرا جدا لاهتمامك وللمعلومة الجظيظة بتاعت موديلات البيجو ديه جديدة عليا الصراحةاقتباس:
المشاركة الأصلية كتبت بواسطة م أحمد
بص هما قطع غيار متوفرة و بتتوافق مع عربيات تانية زاى ال zx و ax
و ال 205 موتورها مقلوب فى موديلات القديمة بيتهيائلى بعد ال 89 اتعدل
اشكرك لاهتمامك مرة تانية
و مستنى ردود باقى خبرة المنتدى :first:
الباشمهندس احمد قالك سر ارقام بيجو :) وده ما يعرفوش ناس كتير حتى من ال راكبين بيجو
ال 205 فعلا اقدم كموديل بس اعلى كفئة ورغم انها اقدم فضلت تنتج في التسعينات مع وجود ال 106
العربيتين حلوين جدا ويتحملوا و تسافر بيهم كل يوم مش كل 3 شهور بس طبعا مع الصيانة والاهتمام وتقريبا قطع الغيار واحدة في معظم حاجات الموتور
ال 205 فعلا عليها الموتور العدل من 1988 وحتى ان كانت اقدم من كده 84 مثلا ايه المشكلة ممكن صاحبها يكون معدل ومركب ال حديث او انت حتى تعدله اذا كانت عربية لقطة
ال 106 هي هي بالظبط الستروين ax في الموتور والعفشة لكن ال 205 زيهم في الموتور بس تختلف شوية في العفشة يعني مثلا علبة الدريكسيون في ال 205 مختلفة بس افضل واقوى ده في رايي يعني
ال 205 عموما بحس انها اقوى شوية في العفشة ده مش معناه ان ال 106 وحشة لكن ال 106 شكلها جميل واحدث شوية
ال 205 حوضها اكبر واوسع شوية ممكن تعدل فيه وتركب مواتير عالية ال 106 اكيد ممكن برضه بس ما شفتش حد كتير معدل فيها
قطع الغيار مش منتشرة اوي زي موديلات البيجو الاحدث 206 و 405 و 406 لكن موجودة في اماكن معينة زي التوفيقية والوكالة وعين شمس
عموما العربييتن حلوين جدا وهما احسن اختيار في المبلغ ال معاك شوف 205 حالتها حلوة وتوكل على الله
اقتباس:
المشاركة الأصلية كتبت بواسطة waleedabbas
والله ما عارف اشكرك ازاى انت برنس صدقنى .... هو انا ناوى اجبها على شهر 4 اللى جاى اكون حوشت تمنها وبتاع انا لسه شاب و متخرج مفيش سنة وبحوش علشان اجيب اول عربية
كنت متوقع ان محدش هايرد عليا علشان بقالى كتير مدخلتش
سؤال بقى معلش هاتقل عليكوا
هو ال 205 احسن ولا سكودا فيليشيا ولا فيفوريت ولو اتحطيت مع الاونو مثلا؟!
اسف على الاطاله