كبار المنتدى استاذ محمد ممدوح والعالمى المنسق العام استاذ طارق

**a7med.7assan** · 27-10-2014 05:02 PM

المشاركة الأصلية كتبت بواسطة eng.geo

طبيعي بينزل تحت ال 1000 لو ماشي علي اي سرعة طالما دوست دبرياج او مورت
كانت المشكلة ده موجودة في عربية وكان بيحط 80 ولما غير ل 92 ظبطت بس كان لازم تنضيف بوابة وايدل
ده في حالة لو بتحط 80
لو غير كدة يبقي نشوف ايه المشكلة
جربت حساس ايدل تاني او بوابة تانية ؟
عداد السرعة قرايته مظبوطة ؟ بيلعب مثلا أو قرايته أزيد أو أقل من الطبيعي ؟
درجة لزوجة زيت الفتيس ومستواه ؟

زيت الفيتيس مغيره من فتره كويسه وكانت لزوجته 90
عمرى محطيت بنزين 80
الحقيقه مجربتش ايديال تانى لكن جربت تى بى اس تانى ... ومنظف الايديال والبوابه بس نفس المشكله
عداد السرعه شغال ما شاء الله زى الساعه مفيش اى مشكله

**Eng.Geo** · 27-10-2014 05:13 PM

المشاركة الأصلية كتبت بواسطة a7med.7assan

زيت الفيتيس مغيره من فتره كويسه وكانت لزوجته 90
عمرى محطيت بنزين 80
الحقيقه مجربتش ايديال تانى لكن جربت تى بى اس تانى ... ومنظف الايديال والبوابه بس نفس المشكله
عداد السرعه شغال ما شاء الله زى الساعه مفيش اى مشكله

لو واثق تماما من عداد السرعة يبقي لازم تشوف عربية سليمة وتجرب منها بوابة بحساس idle و tps

**Hossam Elhawy** · 27-10-2014 09:27 PM

أنا الصراحة بحط 80 والدنيا عندي خربانه ال Rpm عالي برده لما فكيت خرطوم عمة الهواء ظبط معايا الجو خالص بس بتبقي عايزة تبطل لما أجاي طالع على الأول والمشكلة التانية الأتربة اللى ممكن تدخل الموتور , بس قبلها نظفت اللبوابة وغيرت ال tps مرتين وايدل جديد وعملت أيدل ليرن وبرده ماكنش فيه فايدة , بس رجعت تاني لما شلت عمة الهواء شوية وبرده رجع تاني نفس العيب , المشكلة الكبيرة في إن الموتور عندي بيسخن جامد والاكبر من كده سحب البنزين جو البلد عالى جدا , إنما على السريع جامد جدا حلو يعنى

**a7med.7assan** · 28-10-2014 10:19 AM

المشاركة الأصلية كتبت بواسطة eng.geo

لو واثق تماما من عداد السرعة يبقي لازم تشوف عربية سليمة وتجرب منها بوابة بحساس idle و tps

والله يا باشمهندس كلامك معقول برده ... بس الناس هتستتقل انى اطلب منها اغير الاجزاء دى عشان اجرب ... مش هيبقوا بالمرونه دى للاسف .... وكمان فى زميل هنا اللى هو استاذ حسام مغير التى بى اس وكمان الايديال ونفس المشكله لسه قائمه عنده ... فيمكن تكون البوابه نفسها ؟؟؟ طيب لو بوابه .. دى بتتجاب جديده ولا استيراد بس... وبتبقى فى حدود كام ؟؟ لو سعرها معقول اجيب واحده وخلاص ويبقى من ضمن التجارب

تحياتى يا باشمهندس