هل فى فرق فعلى بين Hdmi 1.4 و 1.3 ???

**iwantes350** · 22-10-2014 06:58 PM

السلام عليكم ورحمه الله وبركاته
انا جربت ريسيفر hd وكان الصورة عاديه ومفيش اى فرق يذكر .
هل الكابل HDMI 1.4 هيفرق جامد فى الصورة ولا زى ال 1.3 ؟ واجيبه منين بالظبط والاسعار ؟

**Mostafa Bedo** · 22-10-2014 08:10 PM

حضرتك طيب شغلت القنوات ال hd الاول ﻻن مش كل القنوات hd في كام قناة هي اللي مفتوحة hd والباقي عادي ولو عايز بقي قنوات اتش دي عدلة ممكن تشترك في osn قنوات اتش دي وقنوات كويسة وﻻزم التلفزيون يكون hd

**Karim Alaa** · 22-10-2014 08:44 PM

مفيش فرق عشان القناه نفسها مش بتبث hd نفس المدخل يعنى جيب قناه mbc hd و انت هتعرف الفرق

**iwantes350** · 22-10-2014 09:59 PM

التلفزيون Lg 42 3d full hd
طب اشتراك ال Mbc كام ؟
وهل القنوات العاديه اللى اصلا ملهاش باقات hd زى فتافيت مثلا هتبقي صورتها حلوة؟

**Mostafa Bedo** · 22-10-2014 10:17 PM

المشاركة الأصلية كتبت بواسطة iwantes350

التلفزيون Lg 42 3d full hd
طب اشتراك ال Mbc كام ؟
وهل القنوات العاديه اللى اصلا ملهاش باقات hd زى فتافيت مثلا هتبقي صورتها حلوة؟

بص حضرتك الرسيفر ال hd ده بيوفرلك كام قناة معينة hd طبعا دول صورتهم بتبقي احسن وانقي مية مرة من القنوات العادية بس مبيحسنش من جودة اي قناة تانية يعني فتافيت مثﻻ هتبقي زي ما هي لكن التلفزيون هو اللي بيخلي القناة احلي. هو بيتيحلك قنوات معينة hd تتفرج عليهم ببﻻش وبيبقو قنوات عامة ومعظمهم رياضة والاشتراك بقي بتاع القنوات ده حاجة تانية حضرتك بتدفع فلوس اول مرة بتشتري بيهم اشتراك وجهاز ديكودر كدة بعد كدة بتدفع اشتراك شهري زي النت عشان القنوات تفضل شغالة وبتبقي مجموعات يعني مثﻻ مجموعة قنوات رياضية دي بتفتحلك قنوات رياضة hd وكل مجموعة ليها تمن معين والتمن بيغلي كل اما القنوات تزيد وانا هشوف لحضرتك القنوات واسعارها وارد عليك :)

**Mostafa Bedo** · 22-10-2014 10:40 PM

حضرتك ادخل علي اللينك ده وهتﻻقي القنوات كلها والمجموعات Packages

**javierzanetti** · 22-10-2014 11:16 PM

مش هيفرق اى حاجة بالنسبة لاستخدامك ---- 1.4 بيدعم resolution
2160×4096 و التلفزيون اللى عند حضرتك اعتقد اخره 1080* 1920

- بالنسبة للمكان ممكن تجيبه مثلا من تكنولوجى مول على ما اتذكر الاسعار
1.5 متر = 20 جنيه
3 متر = 35 جنيه

و متسمعش كلام اى حد يقولك فيه كابلات انضف و الطرف بتاعها مدهون دهب و هيديك صورة احسن
( كابل hdmi ديجيتال يعنى يا إما يشتغل او ما يشتغلش بس )