بفكر اشتري ال كاميرا دي لباب الشقه ؟

**canner** · 23-10-2014 09:17 AM

انا فعلا بفكر اعمل الموضوع ده و خاصة اليومين دول و سألت مرة على السعر لقيت اربع كميرات من غير هارد ديسك بألف جنيه ممكن احاول و ادور اكتر

**salodas** · 23-10-2014 10:18 AM

المشاركة الأصلية كتبت بواسطة mrbebo

باشا بجد انت انقذتني :)

ممكن تقولي ايه افضل كاميرا متاحه للرؤيه الليليه

لان فعلا الموديل ده فيه رفيوهات ان صورتها مش حلوة في الاضائه القليله

وانت مركب عندك انواع ايه وهل ركبتهم بنفسك ولا جبت شركه ؟؟

انقذني وقولي تفاصيل :))

سامحنى فى التفاصيل دى لأنى خارج مصر دلوقتى ومش عارفها .
لكن انا فاكر ان الكاميرات كلها كانت كورى وصورتها معقوله جدا
كمان عاوز اقولك ان بدون مبالغه لو الدنيا ظلام لدرجة انك مش شايف كف ايدك بره ... الكاميرا بتنقل صورة كأنه واقف فى عز الظهر ... واضحه جدا جدا .

طبعا انا جبت شركة تركب الموضوع ده ... لأن انا مركب فى الجراج وانا فى الدور الرابع ... يعنى موضوع تدكيك الأسلاك ده مش سهل خالص وخصوصا لو يهمك المنظر ( بمعنى ان الكابلات كلها داخل الحيط ) .
ده رقم الراجل الى مركبلى ... هو محترم جدا ... حتى لو مش هتتعامل معاه ممكن يفيدك (راجل أمين)
م. حسام
01007770417

**salodas** · 23-10-2014 10:21 AM

المشاركة الأصلية كتبت بواسطة canner

انا فعلا بفكر اعمل الموضوع ده و خاصة اليومين دول و سألت مرة على السعر لقيت اربع كميرات من غير هارد ديسك بألف جنيه ممكن احاول و ادور اكتر

السعر ده قليل جدا .
انا فاكر ان ال dvr لوحدة كان بحوالى 800 جندى والكاميرا الواحدة لا تقل عن 250 جندى .
عموما انت عارف ان الأنواع بتفرق كتير وكل حاجة لها سعرها .
لكن نصيحة ... ركبها فى أسرع وقت ... أمان أمان

**M.ABDOU** · 23-10-2014 11:10 AM

الفكره حلوه ومفيده جداا لمتابعه العربيه تحت البيت

كده حتعرف مين بقى اللى بيخربش فى العربيه او خبطهالك

بس الاول كنا بنحسبن وبس دلوقتى حيبقى فى خناقات كتير

**Elawany13** · 23-10-2014 01:51 PM

نفسى اعمل الحكايه ديه لتأمين البيت والعربيه بس لما بسأل بحس انى تايه

Sent from my GT-S6500D using Forum Runner

**MRBEBO** · 23-10-2014 06:05 PM

المشاركة الأصلية كتبت بواسطة eng_amg

توجد كاميرات مراقبة أصغر حجما في حجم علبة الكبريت والعدسة بحجم زرار القميص وهيا الي بتكون باينة فقط والباقي مخبأ سواء في حلق الباب الخشب. أو مكان العين السحرية.

طب ممكن تفصيل اكتر والموديلات المتاحه والاسعار

**eng_amg** · 23-10-2014 09:24 PM

المشاركة الأصلية كتبت بواسطة MRBEBO

طب ممكن تفصيل اكتر والموديلات المتاحه والاسعار

الموديلات دي متوفرة في العتبة وبالأخص في محلات باب اللوق بتاعة الكاميرات.
أنا كنت أشتريت 2 كاميرا في شكل منبه مكتب ليها بطارية ليثيام وبتسجل علي كارت ميموري 2 جيجا وممكن تتوصل بالكمبيوتر عن طريق كابل USB للشحن وأيضا لفتح كارت الميموري علي شكل External disk وكانت بحوالي 50 جنيه.

الكاميرات دي رخيصة لأنها بعدسات ليست عالية الجودة أقصاها 1.5 إلي 2 ميجا بكسل.

وكان في موديل زي ما ذكرت عبارة عن مربع في حجم علبة الكبريت ليها بطارية 9 فولت و Wireless Antenna ونفس الإمكانيات السابقة.