عرض للطباعة
ايه الحكايه الكهرباء عليت ليه فجأه كده فى كذا شقه بارقام مخيفه. هى مش كانت غليت خلاص ولا ده غلو تانى . ؟؟!!
الغرابه بقى الخبر ده وطبعا فى حاجه والا مكنش طلع الخبر ده:-
بالفيديو.. «الكهرباء»: زيادة قيمة فواتير سبتمبر بسبب «تراكمات القراءة».. ونسمح بالتقسيط
دا يا سيدى نتيجه ان المحصلين ماكنتوش بياخدو القرابات الحقيقية العدادات فى الصيف ( صيف بقى و كل سنه و انت طيب )اقتباس:
المشاركة الأصلية كتبت بواسطة mk3
و بيعتمدو على وضع قارئات وهميه بسيطه غير الواقع و يجى فى شهر ٩ و ١٠ يأخذ القرايات الحقيقية للعدادات فيعمل فرق كبير و ادفع انت بقى
كل ده عشان نقع فى شريحه عاليه وتبقى سرقه ونصب رسمى
عندنا شقه فاضيه تحت المحصل خد القرايه زياده 100 كيلو في شهر 9
والقرايه الحاليه اللي مكتوبه في الوصل العداد ماوصلهاش اصلا !!!
يعني عادي ممكن الحركه دي
الناس كلها المفروض تركز فى موضوع الحاليه والسابقة .
انا فاتورة شهر 8 عندي كانت 35 جنيه وفاتورة 9 كانت 45 جنيه
اما فاتورة 10 وصلت ل 420 جنيه :majd(4):
والقراءات مظبوطة للاسف
زي ما قال الاخ mmtronic - دا حصل بسبب التراكمات فعلاً لانى عندي تكييف شباك كان بيبقي شغال يومياً بالليل على الاقل في الصيف
الله المستعان
طب وبعدين احنا كده دخلنا فى شريحه عاليةاقتباس:
المشاركة الأصلية كتبت بواسطة mkaram84
شريحة عالية الصيف تكييفات والشتاء تسخين المياةاقتباس:
المشاركة الأصلية كتبت بواسطة mk3
علشان كدة ممكن نوفر فى الفاتورة بشكل كبير جدا ودة عن طريق تجنب الكهرباء فى تسخين المياة ودة ماجعل الغرب الذى لا يوجد بة شمس الى استعمال الطاقة الشمسية للتسخين
هل تعلم حضرتك لو هيتر السخان الكهربائى 1500 وات وبيشتغل على الاقل فى الشتاء لمدة 10 ساعات يوميا يعنى 450 كيلو وات على مدار الشهر للسخان فقط رقم مخيف جدا ويدخلنا فى شريحة يصل الكيلو الى 60 قرش تقريبا
ممكن حضرتك تشوف الموضوع دة
http://www.nilemotors.net/Nile/439877-a.html
فعلا الكهرباء الشهر ده زادت 30 % والكلام ده من فم المحصل اما سالته .
يا جماعة الكل لازم يراجع قرايات العداد بتاعه لما يجيله المحصل لان السرقة كده بقت عينى عينك ومحدش يسكت عن حقه يعنى لو فيه زيادة تروح على الشركة وتفهمهم وتزعق هيسحبو الايصال ويقسطوه .
بس برضه هيسرقوك ههههههههههه
اللي وصلي رأيين. و مش عارف مين فيهم صح
1 - الرأي الاول ان المحصلين مراحوش يقروا لأن لمما الناس كات بتشوفهم كانوا يتخانقوا معاهم عشان الكهربا بتقطع بال 6 ساعات. فمراحوش و حطوا تقديرات قليلة عشان يهدوا الناس. و التقديرات الحقيقية بتيجي في الشهرين دول وبسبب الفجوة اللي حصلت طبعا بتعلى الكهرباء.
2- الرأي التاني ان تعليمات للمحصلين مياخدش القراءة الحقيقية و ياخد متوسط قراءة تقريبية للاستهلاك لكل شقة. بحيث الكهرباء تيجي في المعدل العادي. و بعد كدا في الشتاء الاستهلاك هيقل طبيعي فيرجع يقرا عادي و تبقى القراءة في معدلها الطبيعي بتاع السنة كلها.
معرفش اي رأي فيهم اصدق, لكن المهم ان الرأيين بيدلوا على دولة فاشلة مش عارفه تعمل حاجة في مشاكلها وبتحلها بالمسكنات و النصب.
الشهرين دول بالذات من السنة لازم تروح تسجل القراءة بنفسك في الشركة كل شهر
في تسجيل القراءة على النت بس مش متأكد اذا كانوا بياخدوا بيه ولا لأ
http://www.ncedc.gov.eg/Record.aspx
ليه ؟!اقتباس:
المشاركة الأصلية كتبت بواسطة timtim
علشان الكلام اللي الاخوة ذكروه حصل معايا السنة اللي فاتت وجالي فاتورة ب 1000 جاقتباس:
المشاركة الأصلية كتبت بواسطة mk3
بس كانت قبل شهرين 9 و10
حصلت معايا في 7 و8 علشان الشهرين دول اللي الاستهلاك بيعلى فيهم اوي
في 6 اخد القراءة بدري جدا وفي 7 اخدها متأخر جدا
وقراءة شهر 8 اخدوها متأخر جدا وكمان كانت معدية قراءة العداد اصلا
ولما رحت اشتكي لقيت مدينة نصر كلها بتشتكي وقالوا ان المحصلين منزلوش علشان فض رابعة !
انا جالى القراية غلط واعلى من القراية الفعلية للعداد الملفت ان الكشاف هو هو المحصل و هو اخوانى وعلطول يشتم قدامى فى السيسى ويقول فين ايامك يا مرسى مش دى المشكلة المشكلة ان واحد جارنا فى الشارع ملتحى بس مش تبع الاخوان جاله نفس الموضوع قراية غلط راح شركة كهرباء المعادى اللى احنا تبعها ودخل يشتكى للمدير المدير قاله ايه دا يا شيخ هى جت فيك احنا متاسفين جدا واحنا هنصلحهالك اصل احنا عايزين نقرف مؤيدين السيسى ولا تعليق!!!
هو المفروض فاتورة شهر 10 تكون قراءة شهر كام؟ 8 ام 9؟
فعلا لا تعليق !!!اقتباس:
المشاركة الأصلية كتبت بواسطة abdelrahmaaan
الكلمة دى من بق محصل الكهربا واسمحولى اكتبها بالخط العريض
المحصل قالى انهم خايفين فى الصيف يعملوا فاتورة كبيرة على الناس وينضربوا منهم اثناء التحصيل واصلا الكهربا بتقطع فى شهر 8 بسبب الضغط العالى فبيعملوا فاتورة اى كلام لحد ما الجو يتصلح شوية والكهربا ترجع تشتغل وبعدين يجى يحسبك على القديم والجديد لما الامورترجع تصلح
محصل الكهرباء قالي ان الكهرباء زادت بنسبة 29% من الشهر ده
والمشكلة ان الكهرباء لسة زايدة شهر يناير وكمان في يناير اللي جاي حيرفعوها تاني
ولسة حتشوفوا مصر
جتلى فاتورة كهرباء الشهرد ده عالية
فببص فى العداد قبل ما ادفع لقيت ان القراءة فى الوصل سابقة قراءه العداد بكتير
فرفضت الدفع والمحصل مقلش حاجة ومشى
باختصار يا جماعة وعن تجارب
المحصلين يا إما مش بياخدوا القراية أصلا والموظف بيضرب قراءة عشوائية قليلة وانت تبقى فرحان بالمبلغ الصغير اللي بتدفعه وبعدين يجيلك في شهر يجيب القديم والجديد فيدخلك في شريحة عالية ومش هتقدر تتكلم لأن القراية هتبقى ساعتها مظبوطة يا إما المحصل بييجي بس برده بياخد قراية على مزاجه وهما بيظبطوها مع بعض وبيبقى الموضوع ده متفق عليه علشان المحصلين بياخدوا نسبة من الفواتير
طب إيه الحل ؟
الحل زي ما انا بعمل حاليا بسجل القراءة في الموقع الإلكتروني اللي الأخ timtim حط الرابط بتاعه كل شهر من يوم 15 إلى يوم 20 وفعلا الفاتورة بقالها فترة بتجيلي نفس القراية اللي بدخلها بالضبط لكن معرفش بقى كل فروع شركة الكهربا بتعتمد القراية بتاعة الموقع ولا ممكن فروع تطنش لذلك الأضمن تجيب رقم تبليغ القراية من شركة الكهربا اللي انت تبعها وتتصل بيهم تبلغهم بنفسك وكده هتضمن ان فواتيرك هتبقى على أد استهلاكك الطبيعي
مع العلم إن برده الفواتير زادت مرتين ورا بعض من ساعة ما السيسي مسك وكانت آخر زيادة 30% ولسة هتزيد كل سنة لمدة 5 سنين تقريبا لحد ما يشيلوا الدعم خالص وهتلاقي الناس بتترحم على أيام ما كانوا بيدفعوا 250 جنيه ومش عاجبهم وحسبنا الله ونعم الوكيل
لا يا شيخ ؟!اقتباس:
المشاركة الأصلية كتبت بواسطة abdelrahmaaan
قول والمصحف ؟؟
طب أنا ملتحي ومرة جاتلي الفاتورة أكتر من 600 جنيه وروحت أقسطها المدير مرضيش يبقى أكيد ده مدير سيساوي هو والمحصل وعايزين يقرفوني مش كده برده ؟!
ارحمنا يارب
يا سيدي كل الحكاية انهم رفعوا اسعار الكهرباء في الشرائح بنسبة 25% تقريبا والسنة القادمة ستكون الفاتورة اكبر ولمدة 5 سنوات كما صدر القانون بذلك حتى 2018 كما قيل في جريدة الاهرام 21/7/2014 وذلك حتى 2018
أصدر المهندس ابراهيم محلب رئيس مجلس الوزراء قرارا بزيادة أسعار بيع الكهرباء تدريجيا لمدة 5 سنوات اعتبارا من أول يوليو الحالي وحتي أو يوليو 2018 وقد تضمن القرار زيادة أسعار الكهرباء للاستخدامات المنزلية والتجارية والصناعية .
انا مش بفتى وبقول اللى حصل بالفعل ومش كل حاجة بقى نقعد نجادل جدال عقيم مش عاجبك كلامى ياريت تتجاهله خالص!!اقتباس:
المشاركة الأصلية كتبت بواسطة أبو آسر
يا باشا كلامك مش منطقي علشان بتوع الكهربا لو إخوان وعايزين يقرفوا السيساوية وعايزين يعلوا الكهربا ما هي هتعلى على كله إخوان وسيساوي ولا هما بيخبطوا عليك ويقولولك حضرتك إخواني ولا سيساوي ؟ ولو قلتلهم سيساوي يقولك: حسابك ألف جنيه يا فندم ولو قلتلهم إخواني يقولك خليها علينا احنا !!! كلام فاكس أوي بصراحة خاصة إن فلوس الكهربا ما هي لو زادت بتصب في النهاية في خزينة الدولة السيساوية يبقى عايز تقنعني إن الإخوان بيملوا خزانة دولة السيسي ؟!!اقتباس:
المشاركة الأصلية كتبت بواسطة abdelrahmaaan
يا باشا عايزين نفكنا من حوارات ده إخواني ومستقصدني علشان أنا سيساوي وده سيساوي ومستقصدني علشان أنا إخواني كلنا في نفس المركب ولو غرقت هتغرقنا كلنا ووالله لا هينفعنا لا السيسي ولا الإخوان عايزين نفوق شوية ونركز في اللي جاي علشان اللي جاي صعب بجد والسيل هيشيل كله أدامه مش هيفرق بين إخواني ولا سلفي ولا سيساوي ولا حتى منغولي !!
انا بحكم اني كنت مسافر الصيف اللي فات كنت كل لما ارجع اخد القراية واسجلها على الموقع بحكم ان عداد الكهرباء عندي جوه الشقة وفعلا الفواتير كانت بتيجي مظبوطة لحد ما جيت في اخر شهر 9 ولاقيت العداد باظ ومبيطلعش قرايه رحت بلغت في شركة الكهرباء جابولي واحد جديد وانا اصلا كده كده محافظ على الاستهلاك كويس عشان كده الفاتورة عمرها ما عليت عن 35 جنيه
اقتباس:
المشاركة الأصلية كتبت بواسطة amr100
فعلا الزياده شغاله بس بعبط
والكهرباء الصناعى زادت علينا اكثر من الضعف ...
برنامج رائع للكهربا
https://play.google.com/store/apps/d...e.ic.calcbills