برجاء الرد هاااااااااام جدا بخصوص بريليانس v5 2015

**abdo34** · 23-10-2014 01:44 AM

انا لسه شارى بريليانس v5 2015 حديد بس الشنطه لازم ارزعها جاااااااامد علشان تقفل دا عادى ولا كدا فى مشكله ارجو الافاده من اهل الخبر ومقتنيها .....

**yasser100** · 23-10-2014 09:35 AM

عادى . كل البريليانس كده . حتى فى الابواب . ما تقلقش الصاج محمل و تقيل شويه و المساعدين اللى شايلين باب الشنطه ناشفين شويه علشان يقدروا يشيلوه .

**Mostafa Hessen** · 23-10-2014 10:11 PM

هو عادى بس ممكن يتنعمو شويه بس يفضل بلاش لعب كتير

**dr_ghost** · 16-11-2014 11:00 PM

الشنطه والأبواب لازم يترزعوا عادي متينة وتتحمل ده الطبيعي بتاعها

**summer158851** · 18-11-2014 12:39 AM

بعد عمل صيانه ال 2000 فى التوكيل جسر السويس الشنطه و الابواب بقت تمام و الحمد لله
الشنطه الان بتقفل من لمسه
نصيحه متعملش اى حاجه لحين صيانه ال2000 فى التوكيل و كله حيبقى تمام ان شاء الله
و حتحس ان العبريه بقت حاجه تانيه خالص
و انا شفت حاجه غريبه هناك ان عندهم خبره من الشركه الام

**أحمد جاد** · 26-11-2014 07:36 AM

انا عايز اشاركم معلومه مهمه حدثت لى كنت مسافر لمدة شهر و علشان البطاريه متفرغش شحنتها فصلت كابل البطاريه ... لما رجعت و حاولت ادور العربيه ... البطاريه تمام و لكن السيارة لم تتعرف على المفتاح و ظهرت رساله فى التبلوه بتقول المفتاح مفقود Key Missing المهم بعد محاولات و اتصلت بالصيانه .. و لكن ردهم كان فى غايه الغرابه ... قالوا لى اسحب العربيه على ونش و هاتها مركز الصيانه ... احنا معندناش صيانه طوارئ

المهم المشكله طلعت بسيطه جدا هى تغير بطاريه الريموت او لو ضعيفه ... شيل البطاريه 3 فولت و ركبها تانى .... هتلاقى كل حاجه تمام

**Alaa H Ghannam** · 04-12-2014 01:50 PM

اسف لصاحب الموضوع لو فيها تطفل عايز اعرف سعرها هاي لاين كام و استلام بعد اد ايه و يا ريت لو تقولي الاوبشنز اللي فيها و اخبار الثبات ايه معلش اسف بتقل عليك بس بفكر في العربيه جدااا و ناوي عليها ان شاء الله و شكرا

**Dr.Ahmed KH** · 04-12-2014 10:39 PM

استلمتها اليوم ب 157 من المصرية بفتحة سقف وفرامل abs وحساس خلفى ومفتاح بصمة وعايز اركب شاشة عرض بس لسه ممكن ولا لأ فى التوكيل

**Fabry-Motors** · 05-01-2015 04:19 AM

اللي معاه ال frv cross
وجايبها جديد او معاه من فتره

الصاج بتعها تقيل ولا ورق زي العربيات الموجوده ؟؟؟ ..
و هل فعلا فيه عواميد صلب حرف x في باب العربيه ؟؟
و كمان سمعت اني الموتور مش محطوط عليه العلامه بتاعه الشركه ؟؟

يا ريت تفيدونا يا شباب عشان الموضوع بتاع الكروس دا مزمزق في دماغي ع الاخر :D