تنضيف الرشاشات

**m07mad** · 23-10-2014 10:25 AM

ياريت يا جماعه لو حد يعرف مكان انضف فيه الرشاشات بالاتراسونيك للجيتا او السكودا a5 بس يكون واحد بيفهم عشان يكشف على حالتهم

**ysamerlabib** · 23-10-2014 12:49 PM

مركز الصفا في الحرفيين
بس لازم تروح بدري علشان تخلص بدري

http://www.nilemotors.net/Nile/249389-a.html

**طارق _عبد السلام** · 23-10-2014 03:10 PM

على فكره لازم تتفك وتركب على جهاز مخصص لو حد قالك نضفتهم وهما راكبين يبقى اشتغاله

انا مره نضفتها لكن فى اسكندريه فى مركز اسمه العمار جنب المنتزه وفعلا فكهم وركبهم على جهاز وبيحط له ماده تنظيف معينه والجهاز محاكى لموتور العربيه على سرعات

**carrier** · 23-10-2014 03:39 PM

المشاركة الأصلية كتبت بواسطة ysamerlabib

مركز الصفا في الحرفيين
بس لازم تروح بدري علشان تخلص بدري

http://www.nilemotors.net/Nile/249389-a.html

مركز محترم جدا

**طارق _عبد السلام** · 24-10-2014 03:32 AM

المشاركة الأصلية كتبت بواسطة m07mad

طيب و ايه السبب اللي خلا حضرتك تنضفهم و هل فرق حاجه في العربيه

كان عندى عربيه بولو ورحت للمركز ده اعملها صيانه لموضوع تانى خالص وهو غياب فى الدواره الصبح قال هعمل اللازم وغير حساس كوعه وبعدين قال لى انت محتاج تنضف رشاشات قلتله نضف فكهم ودخلهم ع الجهاز وظبط العربيه وانا طالع مكنتش عارف اسوق العربيه حسيتها اتهبلت وسحبها تمام التمام..وشوفت الجهاز اللى بينضفهم .لانى افتكرت انه هينض بسبراى والشغل المعروف ده..

**m07mad** · 25-10-2014 06:01 AM

المشاركة الأصلية كتبت بواسطة sala7

تنظيف البخاخات بيتم على ٣ مراحل
اول مرحله زي ما الناس قالت في المشاركات السابقه بيكون على محاكي نفس الموتور بالظبط بيركب البخاخ و يروح موصله على دايره كهربيه في وجود مواد طياره زي منظفات اللي بتتباع لتنظيف دوره التغذيه
المرحله التانيه بيشيلهم و يحطهم في جهاز الاتراسونك و يوصلهم على الدايره الكهربيه تاني و يشغلهم و في نفس الوقت بيشغل حوض الاترااسونيك لوقت محدد علشان النبضات اللي بيصنعها الجهاز ده بتسلك الانسداد اللي موجود في راس البخاخ
بعد كدا بيرجعهم تاني ع المحاكي و يبتدي يشوف الخرج بتعهم متساوي زي بعض و لا لا علشان يصحح اللي ما استجبش لعمليه التنظيف

علشان كدا ايا كان اللي هترحله لازم يكون خبير و متخصص

شكرا على المعلومه استاذ صلاح وياريت لو تعرف حد متخصص في المجال دا تقولي عليه

**mostafa123eg** · 11-11-2014 08:29 PM

ا طارق معليش كنت عايز اسأل حضرتك اتكلف كام عملية التنظيف دي ويا تري قعد معاك مدة كبيرة يعني فضلت حاسس بفرق في العربية مدة ولا انتهي اثاره بسرعة ويا ريت لو معاك رقم المركز ده ومدي تقييمك له يعني لو عايز اصلح عنده حاجة جربته

**طارق _عبد السلام** · 11-11-2014 11:48 PM

المشاركة الأصلية كتبت بواسطة mostafa123eg

ا طارق معليش كنت عايز اسأل حضرتك اتكلف كام عملية التنظيف دي ويا تري قعد معاك مدة كبيرة يعني فضلت حاسس بفرق في العربية مدة ولا انتهي اثاره بسرعة ويا ريت لو معاك رقم المركز ده ومدي تقييمك له يعني لو عايز اصلح عنده حاجة جربته

كان الموضوع ده من فتره كبيره وكان معايا عربيه بولو وقتها وفعلا العربيه فرقت معايا جامد وفضلت فتره سحبها مميز لدرجه صديق لى كان معاه بولو يقولى لما بجرب عربيتك بحس ان عربيتى ميته :) وللعلم صديقى ده كان ميكانيكى سيارات بردوا

التكلفه وقتها كانت 150 جنيه للتنظيف فقط..... وبصراحه معنديش تليفونه لكن بحثت على جوجل وجدت العنوان ده

مركز العمار للاصلاح السيارات | ميامى | الاسكندريه | مصر

انا لو من الاسكندريه كنت خدمت فى الموضوع اكتر ... وكان المركز فعلا شغال المانى فقط مرسيدس وبى ام وفولكس وسكودا وسيات

وتقيمى لهم كان واضح جدا انهم ناس فاهمه وبمجرد ما كلمت المهندس قال لى نعمل الازم كله ولا حاجه معينه قلت له اعمل اللازم وكلهم فاهمين هما بيعملوا ايه فى العربيه ...... بس الموضوع ده كان من فتره وركبت بعدها اكتر من عربيهالموضوع تقريبا كده من 9 سنين تقريبا ..لكن حضرنى وقت ماشوفت موضوع تنظيف الرشاشات ده

-

-

الموضوع: تنضيف الرشاشات

LinkBack

أدوات الموضوع

عرض

-

-

-

-

-

المواضيع المتشابهه

تجربتى بعد تنضيف البوابة باسبراى تنضيف الكربراتير..... العربية اتكتمت

مشكلة بعد تنضيف الرشاشات

تنضيف الرشاشات Fuel injectors بعد كام الف ؟

بالتفصيل تنضيف الرشاشات

هل سائل منظف الرشاشات وقاية ام علاج فى حالة احتياج تنظيف الرشاشات ؟؟

الكلمات الدلالية لهذا الموضوع

المفضلات

المفضلات

ضوابط المشاركة