يوم حزين في مدارس الإسكندرية.. مصرع تلميذ على يد مدرس

يوم حزين في مدارس الإسكندرية.. مصرع تلميذ على يد مدرس وإصابة آخر بكسر في الجمجمة والعمود الفقري

الإسكندرية - أحمد حسن بكر (المصريون): : بتاريخ 27 - 10 -
2008 http://www.almesryoon.com/Public/ALM...ages/55678.jpg






شهدت مدرسة "سعد عثمان" الابتدائية بمنطقة المنتزة بالإسكندرية، أمس الأول، جريمة راح ضحيتها تلميذ في الحادية عشر من عمره، نتيجة تعرضه للضرب بقسوة من مدرس رياضيات، بسبب "ضحكه" في الحصة، أثناء تأديبه مع مجموعة من زملائه لتقاعسهم عن أداء الواجب.
وكان اللواء حسام الصيرفي مدير مباحث الإسكندرية قد تلقى بلاغا بمصرع التلميذ إسلام عمرو بدر بعد نقله لمستشفى شرق المدينة بعد إصابته بهبوط حادٍ بالدورة الدموية والقلب وفشل بوظائف التنفس والمخ.
وكشفت التحريات، أن الوفاة جاءت نتيجة تعدي مدرس رياضيات بالمدرسة يدعى هيثم نبيل على الطالب بالضرب باستخدام مسطرة، أثناء تأديبه مع تلاميذ آخرين، لعدم تأديتهم الواجب المدرسي، وعندما شاهد المجني عليه يضحك، قام بركله بقدمه، ليدخل بعدها في حالة إغماء نقل على أثرها للمستشفى.
وقد تم نقله على إثر ذلك إلى المستشفى، حيث أدخل على الفور إلى غرفة العناية المركزة في محاولة لإسعافه، لكن جهود الأطباء التي استمرت 6 ساعات باءت بالفشل ليلقى الطفل مصرعه متأثرا بإصابته.
وتم ضبط المتهم الذي اعترف بارتكاب الواقعة، وأخطرت النيابة العامة التي باشرت التحقيق بإشراف عبد الرحمن الطحان رئيس نيابات شرق الإسكندرية.
وفي مدرسة الشهيد إسماعيل فهمي الصناعية بمنطقة الجمرك غربي الإسكندرية، أصيب الطالب حسام أحمد (16 عاما) بعد قفزه من الطابق الثاني بالمدرسة أثناء محاولته الهروب منها باشتباه بكسر في الجمجمة ونزيف بالبطن، واشتباه بكسر في العنق والظهر. ونقل للمستشفى الرئيسي الجامعي، وقد أخطرت النيابة العامة للتحقيق.

لا حول ولا قوة إلا بالله

انا شايف ان اقل عقوبة للمدرس ده انه يسلخ حيا فى ميدان المنشية ويترك لينزف حتى الموت

بس للأسف الموضوع هيقفل على ضرب افضى الى موت وسنتين تلاتة سجن ويطلع السفاح ده ليستكمل ممارسة حياته

حسبى الله ونعم الوكيل

تخيل تودى ابنك للمدرسة علشان يتعلم يرجع جثة هامدة !!!!!

ربنا يصبر والديه ويأخذ هذا السفاح الجزاء الالهى العادل

حسبى الله ونعم الوكيل ولا حول ولا قوة الابالله

لا حول ولا قوة الا بالله

والله هذا من ابتلاءات المولى عزو وجل علينا جميعا

لا حول ولا قوة الا بالله

لا حول ولا قوة الا بالله ... يا جماعة انا بحس ان المدرسين بيضربو للإنتقام ولإشباع السادية الموجودة جواهم ..
من رأيي إن الضرب يمنع في المدارس بطريقة قانونية وان الطالب اللي يضرب من حقه يرفع قضية على المدرس ..
الضرب مهمة الوالدين والطفل يتقبل الضرب من الوالدين عن ضرب رجل او امرأة غريبين بالنسبة ليه وبيضربو بدون شفقة ولا رغبة في الإصلاح...

لا حول ولا قوة الا بالله

لا حول لا قوة الا بالله

مصر للأسف الشديد علمت الناس إن إللي عنده سلطة لازم يستغلها في تعذيب الآخرين

الناس ديه عندها عقد !!

من أول الحكومة والوزراء والداخلية والمرور والمدارس والجامعات و و و ....

دائما الكبير بيتلذذ بتعذيب الغلبان

حسبي الله ونعم الوكيل فيهم وفي إللي خلى حالنا كدة !

حسبي الله ونعم الوكيل
ربنا يصبر اهله
انا لو مكانهم اضرب المدرس لحد مايموت
انا لو حد عمل كده مع ابني لاقدر الله وضربه بس عادي يعني ضربه خفيفه هاكله بسناني


اما التاني اللي بيزوغ ده اكيد في مشكله في المدرسه لازم المدرسه تتحاسب
وربنا يكون في عون اهله

يا ريته ضرب أفضى إلى موت
النيابة كيفت القضية على قتل خطأ
يعني مش بعيد ياخد سجن مع إيقاف تنفيذ

لا حل ولا قوة الا بالله، ربنا يصبر اهلة وينتقم من السفاح دة.

ياجماعه كل شئ فى مصر اصبح فاسد

من اول التعليم الى 00000000000000

وربنا يكون فى عونا وعون اهل الطفل

هي دي مصر ؟!

زمان كنا بنضرب ضرب شديد علشان نتعلم الأدب قبل العلم

بس عمرنا ماسمعنا عن حد مات بسبب ضرب مدرس بمسطره

أكيد يا جماعه فى حاجه مش طبيعيه

يعنى مثلا ممكن الولد يكون عنده القلب ومستحملش الموقف

ربنا يصبر والديه

ياجماعة بجد الموضوع ده استفذنى جدا جدا النهاردة اول ماقريته لازم بجد يكون فى قرارات حازمة بخصوص التعليم فى المدارس
لازم وزارة التربية والتعليم تتحرك بقاااا
لازم يحسوا ان احنا مش بنتعلم احنا بنضيع من عمر كل شخص 20 سنة لحد لما يتخرج وهو مش عارف ينفع البلد
بلد بجد كل حاجة فيها ماشية وخلاص
فعلا بلد نامية وهاتفضل نامية

اقتباس:

---

المشاركة الأصلية كتبت بواسطة ابوشريف

زمان كنا بنضرب ضرب شديد علشان نتعلم الأدب قبل العلم

بس عمرنا ماسمعنا عن حد مات بسبب ضرب مدرس بمسطره

أكيد يا جماعه فى حاجه مش طبيعيه

يعنى مثلا ممكن الولد يكون عنده القلب ومستحملش الموقف

ربنا يصبر والديه

---

يا بيه بيقولك ضربة بالشلوت عيل في ابتدائي في المدرسة اضرب بالشلوت
شوف انت ضربة فين

هي منظومه فاشله من اول الوزير والمناهج الي المدرس واالمدرسه.
bemo,ire

la hawl wla kwa ela b allah

انا لله و انا اليه راجعون
ربنا يصبر أهله
حاجة تحزن

انا شخصيا معرفش رد فعلي ايه لو واحد من ولادي ربنا يحفظهم حصله كده
محدش متخيل انا ممكن اعمل ايه في الجاني

حسبى الله ونعم الوكيل
قتل خطأ ايه يا جماعه سبحان الله
من قتل يقتل
أكيد احنا فى مصر

اقتباس:

---

المشاركة الأصلية كتبت بواسطة sab3aawy

انا شايف ان اقل عقوبة للمدرس ده انه يسلخ حيا فى ميدان المنشية ويترك لينزف حتى الموت

بس للأسف الموضوع هيقفل على ضرب افضى الى موت وسنتين تلاتة سجن ويطلع السفاح ده ليستكمل ممارسة حياته

حسبى الله ونعم الوكيل

---

مع الاسف لرايك بس المجتمع كله لازم يتحاسب النظام كله غلط الضغوط على الناس كتيرة وممكن اى حد فى البلد ده يبقى مجرم فى لحظة وده نتيجة الفوضى فى مجتمعنا ولسه ما خفيا كان اعظم وربنا يرحمنا برحمته ويسترها معنا علشان احنا مفيش اغلب مننا:beatdeadhorse5:

دي مشكلة ان المدرسين لازم يدرسوا كورسات تربوي مكثفة و يتعملهم اختبارات فيها عشان يعرفوا يتعاملوا مع التلاميذ وياريت لو يبقى ليهم مستشار نفسي يتابع حالاتهم النفسية اول بأول لأن أكيد المدرس اللي يضرب تلميذ طفل عنده 11 سنة بالشلوت مش سوي

اقتباس:

---

المشاركة الأصلية كتبت بواسطة محمدعيسى

دي مشكلة ان المدرسين لازم يدرسوا كورسات تربوي مكثفة و يتعملهم اختبارات فيها عشان يعرفوا يتعاملوا مع التلاميذ وياريت لو يبقى ليهم مستشار نفسي يتابع حالاتهم النفسية اول بأول لأن أكيد المدرس اللي يضرب تلميذ طفل عنده 11 سنة بالشلوت مش سوي

---

يا باشا انت معندكش تعليم اصلا تقلى كورسات وتعليم مجانى وبتاع
مفيش فايدة من البلد ده:beatdeadhorse5:

انا فاكر وانا في الجامعه اختي كانت في ابتدائي تقريبا مدرس زقها في الفصل
وبابا مكانش هيعرف يروحلها المدرسه لظرف شغله تاني يوم رحت انا اتنين صحابي ودخلنا ومحدش قالنا رايحين فين (مرسه بنات من kg الي ثانوي) لحد الفصل بتعها ومحدش خالص سئلنا وهو كان موجود في الفصل انا رايح علي ميعاده فبقله انتا ازي تزقها في كتفها قالي محصلش فالبنات اللي في الفصل قالو لا زقها فراح بيخبط علي كتفي وبيقلي اطلع استناني بره بضحك قلتله بره ليه ما دلوقتي ورحت نازل فيه انا وصحابي ضرب علقه موت والمدرسه كلها اتلمت وخدونا علي الناظره وطلبو البوليس واحنا قاعدين بنزعق معاهم 3 مرات يطلبو البوليس ومحدش معبرهم وطلبو ابويا في الشغل جالنا علي طول وواحد من اللي معايا كن في كليه شرطه فراحت المديره مكلمه المأمور بتاع قسم مينه نصر فراح باعت عقيد شرطه علي طول والحكايه والروايه وراحو مقفلين علي الموضوع وقالو لازم تعتذرو للمدرس قدام الفصل بس
ومصمم ان اللي يعتذره صاحبي بتاع شرطه رغم اني انا اكتر واحد ضرب اعتذرنا ورحنا ماشين
بس بعد ماكنت كرامته اتبعترت

شكله ايه بقى ادام ربنا لما يقول انه قتل طفل علشان معملش الواجب ولا مش مذاكر ؟؟؟

حسبنا الله ونعم الوكيل

حد شاف أبو الطفل إمبارح و هو بيتكلم في التليفون مع مني الشاذلي ؟

اقتباس:

---

المشاركة الأصلية كتبت بواسطة alijandroo

يا ريته ضرب أفضى إلى موت
النيابة كيفت القضية على قتل خطأ
يعني مش بعيد ياخد سجن مع إيقاف تنفيذ

---

حصل تعديل
وقرار الإحالة بقى ضرب أفضى إلى موت بالفعل
وبكدة بدل ما كان هاياخد من شهر لـ 3 سنوات كأقصى عقوبة ووارد فيها إيقاف التنفيذ أصبح الحد الأقصى للعقوبة سبع سنوات
أكتر ما لفت نظر شهادة زملاء المدرس وهي إنه متدين ومحترم ومستقبله هايضيع
تدين ايه بس مع اللي عمله
ومستقبل ايه اللي خايفين يضيع وهو ضيع حياة بني آدم

امبارح في البيت بيتك محمود سعد كان مستضيف عمرو بدر والد التلميذ الفقيد. الراجل كان حالتة تصعب عالكافر وبصراحة عجبتني اوي شجاعتة وشجاعة محمود سعد في المطالبة بأقالة وزير التربية والتعليم وفتح تحقيق شامل مع كل المسئولين في الدولة وعلي رأسهم د. احمد نظيف، رئيس الوزراء

اقتباس:

---

المشاركة الأصلية كتبت بواسطة Mido80

امبارح في البيت بيتك محمود سعد كان مستضيف عمرو بدر والد التلميذ الفقيد. الراجل كان حالتة تصعب عالكافر وبصراحة عجبتني اوي شجاعتة وشجاعة محمود سعد في المطالبة بأقالة وزير التربية والتعليم وفتح تحقيق شامل مع كل المسئولين في الدولة وعلي رأسهم د. احمد نظيف، رئيس الوزراء

---

دي أصلا أقل حاجة ممكن تتعمل عشان باقي اللي بيعملوا زيه يرتدعوا.. بس انسى ان حاحة تتعمل عشان تهدئة الرأي العام.. هي أصلا كلها كام يوم و الرأي العام هايهدى لوحده.. و ينسى :sleep1:

اقتباس:

---

المشاركة الأصلية كتبت بواسطة alijandroo

حصل تعديل
وقرار الإحالة بقى ضرب أفضى إلى موت بالفعل
وبكدة بدل ما كان هاياخد من شهر لـ 3 سنوات كأقصى عقوبة ووارد فيها إيقاف التنفيذ أصبح الحد الأقصى للعقوبة سبع سنوات
أكتر ما لفت نظر شهادة زملاء المدرس وهي إنه متدين ومحترم ومستقبله هايضيع
تدين ايه بس مع اللي عمله
ومستقبل ايه اللي خايفين يضيع وهو ضيع حياة بني آدم

---

هي دي اكتر حاجه تعباني في الموضوع ان المدرسين واقفين في صفه والمدرسه كلها تقريباً من المدير لغاية صاحب المدرسه للمدرسين ومافيش حد شهد ولا مدير ولا مديرة المدرسه اتحرك للموضوع وده من رواية والد الطفل الله يرحمه..........وبعدين مدرس ايه اللي عنده 23 سنه ده ؟ انا كان ايامي السن ده بيجي بس اسمه تربيه عملي بيكون لسه في كلية اداب او تربيه وبييجي كانوع من التدريب العملي لكن ده مدرس ايه ده ؟ ؟ وبعدين متدين والناس كلها بتشهد معاه ليه ؟ هو اللي اتقتل ده فرخه !!!!!!!!! لا حول ولا قوة الا بالله حاجه تحرق الدم والله .

وبعدين المستشفى كمان برواية والد الطفل لم تكن صريحه من الاول وكان في محاولات لتغطية الموضوع ...........في ايه انا مش فاهم ليه الناس كلها بقى الطبيعي عندهم دلوقتي ان الحوادث والمشاكل المفجعه دي نداري عليها ؟ ؟

نفس حادثة المترو البشع ........نسمع عنه بالصدفه في برنامج 90 دقيقه وخلاص مافيش اي خبر عنه !!!!!!! عارف ان هانقول الخطأ مشترك لئننا شعب غير منظم ونتدافع على باب سيادة المترو وماشيين من غير نظام لكن برضه في خطأ حصل افضى بحياة انسااااااااااان آدمي .....ابن من بنوا آدم .....خير مخلوقات الله واكثرهم تكريماً من الله سبحانه وتعالى....ليه يستهان بيه كده ؟ وليه نلاقي اعذار لمخطىء حتى وان كان بيصوم ويصلي كل الفروض طالما أخطأ يحاااسب مهما كانت الظروف المحيطه به عمر الظروف ماكانت دافع لارتكاب الحماقات والجرائم وما هي الا شماعه الناس بتعلق عليها خيبتها وذنوبها والله العظيم.

لا حول ولا قوة الا بالله حاجه تحرق الدم والله العظيم.
اللهم ارفع مقتك وغضبك عنا يا رب .اللهم ارفع مقتك وغضبك عنا يا رب.

اقتباس:

---

المشاركة الأصلية كتبت بواسطة Ramy_Tantawi

هي دي اكتر حاجه تعباني في الموضوع ان المدرسين واقفين في صفه والمدرسه كلها تقريباً من المدير لغاية صاحب المدرسه للمدرسين ومافيش حد شهد ولا مدير ولا مديرة المدرسه اتحرك للموضوع وده من رواية والد الطفل الله يرحمه..........وبعدين مدرس ايه اللي عنده 23 سنه ده ؟ انا كان ايامي السن ده بيجي بس اسمه تربيه عملي بيكون لسه في كلية اداب او تربيه وبييجي كانوع من التدريب العملي لكن ده مدرس ايه ده ؟ ؟ وبعدين متدين والناس كلها بتشهد معاه ليه ؟ هو اللي اتقتل ده فرخه !!!!!!!!! لا حول ولا قوة الا بالله حاجه تحرق الدم والله .

وبعدين المستشفى كمان برواية والد الطفل لم تكن صريحه من الاول وكان في محاولات لتغطية الموضوع ...........في ايه انا مش فاهم ليه الناس كلها بقى الطبيعي عندهم دلوقتي ان الحوادث والمشاكل المفجعه دي نداري عليها ؟ ؟

نفس حادثة المترو البشع ........نسمع عنه بالصدفه في برنامج 90 دقيقه وخلاص مافيش اي خبر عنه !!!!!!! عارف ان هانقول الخطأ مشترك لئننا شعب غير منظم ونتدافع على باب سيادة المترو وماشيين من غير نظام لكن برضه في خطأ حصل افضى بحياة انسااااااااااان آدمي .....ابن من بنوا آدم .....خير مخلوقات الله واكثرهم تكريماً من الله سبحانه وتعالى....ليه يستهان بيه كده ؟ وليه نلاقي اعذار لمخطىء حتى وان كان بيصوم ويصلي كل الفروض طالما أخطأ يحاااسب مهما كانت الظروف المحيطه به عمر الظروف ماكانت دافع لارتكاب الحماقات والجرائم وما هي الا شماعه الناس بتعلق عليها خيبتها وذنوبها والله العظيم.

لا حول ولا قوة الا بالله حاجه تحرق الدم والله العظيم.
اللهم ارفع مقتك وغضبك عنا يا رب .اللهم ارفع مقتك وغضبك عنا يا رب.

---

للأسف المصريين عندهم هوس الخوف من التسبب في قطع الأرزاق أو التسبب في الأذى بصفة عامة، حتى و لو كان الشخص ده مذنب و مقصر بل و مجرم، فما بالك لو كان الشخص ده بيحاكم على حاجة كلهم بيعملوها عادي.. بس هو - في نظرهم - زودها شوية و ممكن شهادتهم ضده تتسبب في ضياع مستقبل زميل ليهم و سجنه.. فجأة كده تحول المصريين لمجموعة من الحملان الوديعة الطيبة اللي ما بتئذيش حد.. أمال فين الأسفنة و الأذى اللي شغال عمال على بطال في في كل مكان؟ يعني لما شهادة حق تيجي تتقال تلاقي كل واحد مش عايز يكون هو السبب في سجن الراجل ده.

هو ممكن فعلا يكون سلوكه بين زمايله كويس و ظاهريا إنسان سوي.. إنما جواه تعقيدات ما بتظهرش إلا في المواقف اللي زي دي. بس برضه ده ما يمنعش ان لو المرة دي الموضوع عدى بدون عقاب هايبقى الوضع على أسوأ ما يمكن في المدارس بعد كده.

لا حول ولا قوة الا بالله
ربنا يصبر اهلة

اقتباس:

---

المشاركة الأصلية كتبت بواسطة OlaOsman

للأسف المصريين عندهم هوس الخوف من التسبب في قطع الأرزاق أو التسبب في الأذى بصفة عامة، حتى و لو كان الشخص ده مذنب و مقصر بل و مجرم، فما بالك لو كان الشخص ده بيحاكم على حاجة كلهم بيعملوها عادي.. بس هو - في نظرهم - زودها شوية و ممكن شهادتهم ضده تتسبب في ضياع مستقبل زميل ليهم و سجنه.. فجأة كده تحول المصريين لمجموعة من الحملان الوديعة الطيبة اللي ما بتئذيش حد.. أمال فين الأسفنة و الأذى اللي شغال عمال على بطال في في كل مكان؟ يعني لما شهادة حق تيجي تتقال تلاقي كل واحد مش عايز يكون هو السبب في سجن الراجل ده.

هو ممكن فعلا يكون سلوكه بين زمايله كويس و ظاهريا إنسان سوي.. إنما جواه تعقيدات ما بتظهرش إلا في المواقف اللي زي دي. بس برضه ده ما يمنعش ان لو المرة دي الموضوع عدى بدون عقاب هايبقى الوضع على أسوأ ما يمكن في المدارس بعد كده.

---

صحيح كلام حضرتك وده بيحصل في حاجات كتير اكثرها بيحصل وبنشوفه في الشوارع كل يوم اول ما يحصل حادثه تلاقي فجأه الأرض انشقت وطلع منها اصحاب القلوب الرحيمه اللي دائما ما يأتوا على المصاب ويقفوا جنب المخطئ !!!!! ومعلش ده غلباااان ده ماحيلتهوش غير الميكروباص ده ....ده بيجري على ولاده...هو انت ممكن تقبل العوض ؟؟؟....انا عارف ان قد يظهر غلظه في كلامي لكن والله العظيم انا مش كده ابداً صحيح مطلوب نكون رحماء ببعض لكن مش على حساب الحق ولا الصواب.......نعترف الأول بخطأ حدث......نحاسب المخطئ.......بعدين ننظر له بعين الرحمه ونحاول نساعده لو امكن ...........لكن مش من أول سلمه نتخطى كل ده ونقوم واقفين معاه حتى وان كان باين عليه غلبان ومستضعف.


تعليق على الجزء البرتقالي .
الغريب على فكره ان ابشع الجرائم وافظعها واكثرها غرابه بتطلع من ناس في غالب الأمر بيكونوا زي ما حضرتك قلتي في ظاهرهم اناس اسوياء ولا يصدر عنهم اي خطأ وفجأه يحدث منهم ما لا يتصور ..............ربنا يستر علينا وينجينا من المهالك يا رب.

ربنا ينتقم من المدرس ده اللى قتل روح بريئه انا لما قريت الخبر فى المصرى اليوم من يومين الدم غلى فى عروقى وحسيت انى لو شفت الراجل ده هاقطعه حتت و يعنى الطفل اللى اضرب وراح فيها ده مطلوب منه مثلا انه يبقى صايع وبيعرف يحمى نفسه كده مابقاش فيه امان كل واحد باعت اولاده يتعلموا تلاقيهم راجعين ناقصين والمدرسين سايقين العبط على الاخر انا اصلا كنت متعقد من الموضوع ده لما مدرس يضربنى وانا صغير عشان كده وانا فى ثانوى كنت بتلككلهم واول مدرس رفع ايده عليا كان واخد منى كرسى فى وشه مينفعش معاهم غير كده بس مش معقول هنعلم الاطفال البلطجه



..mokhtar..

حد بيتفرج دلوقتى على دريم ؟؟

بجد حاجة تموووووت من الالم و حالزن انا مش قادرة امسك نفسي من العياط على الام اللى بتقول هبص على سريره ازاى و اشوف هدومه ازاى

يعني ايه اللى بيحصل دة؟؟؟ الام هتجنن خلاص من حزنها على ابنها

ربنا يصبرهم على ابنهم يا رب

الله يعين الأب والأم بجد. حاجة مش عارف اتخيلها بجد ان الطفل اللي جابو صورته دا يموت بالطريقة دي....حسبي الله و نعم الوكيل.

ولكن..بواقعية شديدة.. دا ممكن يحصل كل يوم لولا ستر ربنا لان كل من معاه سلطة حتى لو على اطفال بيستغلها غلط، بالتالي الشعب كله هيتحول في يوم من الايام لحفنة من الساديين.

مش عارفه اقول ايه

زمايل المدرس في المدرسة بيعيطو علي المدرس مش علي الطفل!!!!!!!!!

و يقولولك حرام ده لسه شاب و صغير و كده مستقبله هيضيع

هو اكيد مكانش يقصد و حرام نضيع مستقبله

بس معلش عذراهم

اصل محدش منهم ابنه هو اللي راح المدرسة و مات علي ايد مدرس

ساعتها نفسي اعرف كانو هيقولو ايه

الامان يا جماعة بقي مفقود حتي في مدارسنا

يعني مش بس شوارعنا اللي بقي مفقود فيها الامان

الناس بعد كده تقولك انا هخاف اودي ابني المدرسة

و لسه كمان موضوع وفاة الطفله اللي خافت من عقاب المدرس عشان محلتش الواجب

يعني من الاخر بعد كده و ولادنا في المدرسة تفضل دماغنا تودي و تجيب

ياتري ابني هيموت النهاردة و لا بكرة

حسبي الله و نعم الوكيل

اقتباس:

---

المشاركة الأصلية كتبت بواسطة Bossy_Fadl

و لسه كمان موضوع وفاة الطفله اللي خافت من عقاب المدرس عشان محلتش الواجب

---

باتفق معاكي طبعاً
بس في موضوع وفاة الطفلة اللي خافت من العقاب دي حاسس إن الصحافة هولت من الموضوع
التحقيقات أثبتت ان المدرس متعرضلهاش وزمايلها قالوا انه مضربش حد وبالعكس كان بيضحك معاهم
والبنت اول ما وقفت توفاها الله
الصحافة عندنا عاوزة جنازة وتشبع فيها لطم