من عجائب اللانوس - الكاسيت بيفصل مع الفرامل

**eng_amg** · 23-10-2014 11:25 AM

النهاردا كنت حكسر الكاسيت. كل شوية يفصل لحظيا ويشتغل.

طول منا ماشي كنت حتجنن.. المهم بعد مفضلت أطفي الكاسيت وأشغله وأسيبة شوية يفصل برضو.

حاولت أربط بين فصل الكاسيت وأي أكشن في العربية ولاحظت فعلا عند دوست الفرامل الكاسيت بيفصل ويشتغل بعدها بثانية. زي ميكون الفيشة أتهزت أو رعشت.

وفضلت أتابع الموضوع دا وأنا ماشي إكتشفت أنها بتحصل من لمسة دواسة الفرامل .. يعني العربية مش بتتهز من الفرامل أو حتى فرامل مفاجأة.. أي وقت ألمس الفرامل فيه علشان أهدي الكاسيت يفصل..

دا يبقى إسمه إيه بقى ؟؟؟

**lutenit030** · 23-10-2014 09:45 PM

فكه و اديله موجب مباشر من البطاريه و جرب

**hateeem** · 24-10-2014 01:56 AM

الحوار ده بيحصل معايا بعد ما ركبت كاسيت جديد بس بيفصل ويشتغل

لما اعدى من حفرة او مطب بسرعه

**moko_2004** · 24-10-2014 03:16 PM

>النهاردا كنت حكسر الكاسيت. كل شوية يفصل لحظيا ويشتغل.

طول منا ماشي كنت حتجنن.. المهم بعد مفضلت أطفي الكاسيت وأشغله وأسيبة شوية يفصل برضو.

حاولت أربط بين فصل الكاسيت وأي أكشن في العربية ولاحظت فعلا عند دوست الفرامل الكاسيت بيفصل ويشتغل بعدها بثانية. زي ميكون الفيشة أتهزت أو رعشت.

وفضلت أتابع الموضوع دا وأنا ماشي إكتشفت أنها بتحصل من لمسة دواسة الفرامل .. يعني العربية مش بتتهز من الفرامل أو حتى فرامل مفاجأة.. أي وقت ألمس الفرامل فيه علشان أهدي الكاسيت يفصل..

دا يبقى إسمه إيه بقى ؟؟؟<

دة اسمة قفلة ما بين سوتش لمبة الفرامل مع سلك باور الكاسيت
هتحتاج كهربائي يشيل القفلة والا وهتلاقى الكاسيت اتحرق بسبب موضوع ميكملش 20 جنية

>الحوار ده بيحصل معايا بعد ما ركبت كاسيت جديد بس بيفصل ويشتغل

لما اعدى من حفرة او مطب بسرعه<

موضوعك مختلف انت الفيشة بتعات الكاسيت مش راكبة كويس او الاسلاك بتاعتها مش معزولة كويس بتلمس في جسم العربية مع المطبات

**eng_amg** · 24-10-2014 11:53 PM

شكرا للردود...
الموضوع اطور معايا ولقيت التطورات كالتالي:
- الكاسيت يفصل لما اشغل اي حاجة. انتظار. نور ....
- الإنذار اصبح بيقفل فقط ولا يفتح..
- مروحة الريداتير بتفصل ايضا ولاحظتها لما لقيت الحرارة عدت النص.
- مؤشر الحرارة بيلعب وقلب 180° بيشاور علي عداد البنزين :)

المهم روحت للكهربائي فضل شغال 3 ساعات ولقيته مطلعلي جهاز من جنب الانذار وبيقولي: إيه البتاع دا؟
مسكته وبصيت عليه لقيته جهاز تتبع gps فقولتله دا جهاز تتبع بس مش انا الي مركبه.
المهم قولتله دور تاني حتلاقي جهاز فيه شريحة وانتينا.
الراجل فضل يدور وجابهم بردو..
المهم طلع ان الجهاز دا هو الي مبوظ الوصلات وعامل القفلة دي.

والحمد لله العيب اتصلح.