السلام عليكم .... حصلتلى حاجه غريبه امبارح مش عارف افسرها ... العربيه كارينز و كنت فى مشوار و معايا الولاد و بعد ما ركنت و قاعد باصص على العربيه سمعت صوت زى ما يكون ميه بتنزل وررررررر و شفتها تقريبا فى نص العربيه ناحية السواق (كانها بين كرسى السواق و الكنبه اللى ورا) .... شويه و نزل شوية تانى ... و بعد كده مفيش اى حاجه
انا عارف ان مفيش اى دورة تبريد او ميه فى المنطقه دى ... الحراره سليمه و المقربه مليانه و كله تمام .... (مكنتش مشغل التكييف و كده كده انا عارف فايظ التكييف بينزل الميه من قدام ناحية رجلين اللى راكب جنب السواق)
لما روحت سبت العربيه شويه و نزلت ابص ملقيتش اى حاجه تحتها ....
البنت كانت وقعت ميه على ارضية العربيه قبل القصه دى بشويه ... هل ممكن الميه عدت الموكيت ووصلت لتحت و فى خروم او حاجه هى اللى لمت الميه دى و نزلتها ... لو اه طيب ليه على مرتين؟
حد عنده تفسير؟ هل فى اى حاجه محتاج ابص عليها؟