السلام عليكم
بعد اذنكوا عايز اعرف فى علاقة بين دواسة البنزين والفرامل والدبرياج وسبب السؤال ان اوقات التلاتة يتقلوا مع بعض ولما يتظبطوا بردة مع بعض من غير معمل اى حاجة.
وشكرا
عرض للطباعة
السلام عليكم
بعد اذنكوا عايز اعرف فى علاقة بين دواسة البنزين والفرامل والدبرياج وسبب السؤال ان اوقات التلاتة يتقلوا مع بعض ولما يتظبطوا بردة مع بعض من غير معمل اى حاجة.
وشكرا
هو فى علاقة بين الفرامل والدبرياج فى زيت الباكم
الفرامل شغالة بزيت لباكم و الدبرياج شغال بخزنة دبرياج بالباكم برضه .
انما ده ملوش اى علاقة بدواسة البنزين .
هو احيانا برضه لو فى لخبطة فى السرفو يحصل لخبطة فى المكنة والعربية تبطل لو انت ضغطت فرامل . انما علاقة بين الثلاثة مع بعض . بصراحة مش لاقى اى علاقة .
متابع
طالما ان اداء العربية مظبوط و كل مشكلتك فقط ف ان الدواسات احيانا تقيله و احيانا خفيفة
يبقى هفكر ف ان المشكله هتكون من الدواسه اللى على الارضيه ممكن تكون هى السبب
نتيجة انها بتتحرك لقدام فا الدواسات بتتقل و لورا فا الدواسات بتخف
السلام عليكم
فيه علاقة بين دواسة الفرامل ودواسة الدبرياج ان الاتنين على محور واحد ولذلك احيانا بيعلقوا مع بعض يعنى ممكن تدوس دبرياج تلاقى دواسة الفرامل هبطت وما تطلعش الا لما تسيب دبرياج والحكاية دى حصلت معاية ودوختنى والحل كان تنظيف الدواسات من التراب ورش w d 40على محور الدواسات وعلى السوست والحمد لله اصبحت ممتازة.................بالتوفيق
المشكله دى حصلت عند واحد صاحبى ... الجزء ده بيتغير بالكامل استعمال لان فيه جزء بيتآكل وبيعمل المشكلة دى انا صاحبى ده داخ السبع دوخات وغيرها 3 مرات وفى الاخر صمم جزء منها عند خراط ...
شوف الصورة دى :
http://im47.gulfup.com/o3g5aH.gif
الجزء رقم 4 ورقم 7
ودى صورة كمان :
http://im83.gulfup.com/21lWw1.jpg
الجزء اللى فيه السوستة ده هو سبب المشكلة
الف شكرا لمشاركتكم جميعا وبالاخص الاستاذ ماجد وانا هبتدى بأنى هنضف السوست من التراب وارش w40 قبل مفك اى حاجة.