ديب فريزر كريازي نوفرست لقيت على ادراجه من الداخل ثلج ايه الحل والسبب

**click** · 23-10-2014 06:56 PM

الديب فريزر عندي كريازي 5 درج وجايبه من حوالي سنتين

من كام يوم بفتحه لقيت في تلج على الدرج الرابع والخامس اللي في الأخر بالإضافة الى ان الباب العلوي الصغير بتاع التلج اللي فوق خالص مش بيطلع معايا خالص عليه تلج كتير

وانا من يوم ما اشتريته عامل المؤشر على رقم 3

ايه السبب والحلول بالتفصيل الله يبارك فيكم

**Pukka** · 23-10-2014 07:03 PM

افصل الديب لحد التلج ما يسيح وشغله تاني وشوف الجديد
الموضوع مش كبير متقلقش

**hesham fawzy h** · 23-10-2014 07:22 PM

المشاركة الأصلية كتبت بواسطة pukka

افصل الديب لحد التلج ما يسيح وشغله تاني وشوف الجديد
الموضوع مش كبير متقلقش

افرض مشكلة التلج ظهرت تانى .. اعمل اييية

**click** · 23-10-2014 09:20 PM

انا قمت الأن بفصل الكهرباء عن الديب فريز ،، وتم تنظيفه وتم فك الرف الأول اللي فيه علب الثلج بعد فترة لأنه كان مليان ثلج بطريقة رهيبة لأني من يوم ما اشتريته عمري ما طلعته ولا شيلت الثلج منه

وشيلت كل الأدراج الخمسة وشيلت الثلج اللي كان حواليهم

وتم توصيل الكهرباء للديب فريزر مرة اخرى وربنا يسهل ان شاء الله

لكن انا عندي ملحوظتين برضه

1- فيه صوت طالع من الماتور مكنتش بسمعه قبل كده زمان صوت عامل زي صفير خفيف كده ، وكنت سامعه برضه قبل التنظيف

2- الدرج اللي فوق الماتور لقيته ناشف خالص وحاولت اني اطلعه معرفتش ومارضتش اشده جامد لأكسر حاجة خاصة انها ناحية الماتور

ازاي اتأكد من ان الخرطوم اللي ورا الديب فريزر سالك وتمام التمام

**Khaled_Nowaihy** · 23-10-2014 10:45 PM

المفروض ان فيه سخان مسئول عن اذابة الثلج واحتمال تكون مروحة السخان فيهم مشكلة وهى اللى عاملة الصوت ده

السخان مكانه أعلى الجانب الأيسر فوق مستوى مقبض الباب

اذا رجعت تعمل ثلج تانى اتصل بخدمة العملاء وحا ييجوا يعاينوا ويقولوا لك على المشكلة اللى فيها

**aif** · 26-10-2014 10:25 AM

حصل نفس الموضوع معايا
السخان كان عاوز يتغير
اتصل بالصيانة بتاعتهم وقولهم انه بيعمل تلج
هما ح يجيبو السخان معاهم
ونصيحة متبقاش تعمل درجة التبريد علي اكتر من 3
خليك 1 او 2 او 3 علشان الكباس يفصل والسخان يلحق يذوب الثلج في الفترة اللي بيشتغلها
تكلفته كانت اقل من 100 جنيه تقريبا 70 علي ما اتذكر وبيعيش سنوات
انا غيرته اول ما جبت الجهاز واشتغل حوالي 8 سنوات وغيرته من كام شهر
ولو في الضمان ببلاش وبياخدو انتقال بس