شكرا جزيلا لمجهودك ابو ياسمين و تقرير رائع و صياغة اروع ,
انا احب اعلق على موضوع التصدير خارج الصين وعلى حسب اطلاعى على الاخبار
ففهمت ان الشكل دا خاص بالصين فقط
و ان مفيش اى خطط بشأن تصدير الشكل الصينى للخارج ,
ربما كلام الموقع اللى بيقول هتتصدر لامريكا تخمينات ,
في اللينك دا من موقع شيفروليه مصر
شيفروليه تبيع 3 مليون كروز | شيفروليه مصر
بيقول ان فيه 11 مصنع لكروز على مستوى العالم ,
يعنى يصعب جدا استيعاب ان مصنع الصين هيكون مصدر الكروز لامريكا ,
فامريكا بحد ذاتها سوق كبير يصعب على مصنع الصين استيعاب الطلب فيه
طبقا لنفس اللينك قال نصا"
لقد أطلقت شيفروليه حديثاً نسخة جديدة من " كروز "
توافق متطلبات الشكل والتجهيزات التي يحتاجها المستهلك الصيني ،
الأمر الذي جعل مبيعات " كروز" في الصين تفوق كافة البلدان
بنحو 1.13 مليون سيارة منذ عام 2009.
أما بالنسبة لسوق الولايات المتحدة في 2015 ،
فسيتم تجهيز السيارة بنظام "أونستار" للتتبع..الخ"
دا معناه ان النسخة الصينية صنعت خصيصا للمستهلك الصينى
لأن طبقا لاحصائية في نفس اللينك توضح اهمية الصين كسوق
ان مبيعات الكروز منذ اطلاقها في الصين تتخطى مبيعاتها في بلدها الام
امريكا فالصين استهلكت 1.13 مليون سيارة كروز بينما امريكا 900 الف سيارة"
في اللينك هنا وضعه احد اعضاء المنتدى في موضوع اخر لاثبات رأيه
ان الشكل الجديد اللى هينزل مصر 2015 هو الشكل الصينى
2016 Chevrolet Cruze Sedan Spy Photos – News – Car and Driver
التقرير يقول
there are actually three versions currently in the news.
There’s a short-lived face-lifted 2015 model for the U.S.,
plus two versions of the next-generation 2016 model,
one for the Chinese market and one for us
ترجمته :يوجد ثلاث نسخ حالية في الاخبار ,
نسخة فيس لفت موديل 2015 للولايات المتحدة
بالاضافة لنسختان للجيل الجديد 2016
واحدة للسوق الصينى و واحدة لنا-يعنى الامريكان- .
اى ان جى ام تخطط لنسخة 2016 الامريكية تكون غير الصينية
و زى ما انا قلت قبل كدا على حسب علمى
ان المصنع الصينى لا يقدر على تغطية اسواق كبيرة زى امريكا
وتغيير الشكل والصناعة في الصين كان
لتشجيع المستهلك الصينى على الشراء اكتر وهيكون صعب على
جى ام تعمم الصناعة الجديدة في كل المصانع اخرى خصوصا انها مش
هتحقق نتيجة او قفزة في المبيعات بالشكل الجديد خارج الصين
,اما اللى حصل مع اوبترا فدا لان مبيعاتها منخفضة
في اوروبا وامريكا و الشرق اوسط في دول الخليج
, حتى ان موقع شيفروليه العالمية
لا يدرج اوبترا ضمن قائمة سياراته
فهم شافوا ان المصنع الصينى يغطى الطلب على اوبترا في مصر
و بالمرة يعملوا شكل جديد .
يعنى من رأيى المتواضع ان جى ام لحد دلوقتى لا تخطط لتعميم الموديل الصينى على اى سوق اخرى
وفى النهاية اشكرك مرة ثانية
و رأيى قد يحتمل الخطأ وكله بناء على معرفتى المتواضعة بالموضوع