حد عند ه فكره عن بلوف النوبيرا أزاى أعرف انها بايظه او مسدوده وكذلك سعرها كام حاليا فى السوق
عرض للطباعة
حد عند ه فكره عن بلوف النوبيرا أزاى أعرف انها بايظه او مسدوده وكذلك سعرها كام حاليا فى السوق
بلوفه بتاع ايه؟؟؟
فية كذا بلوف انهى واحد فيهم
أسف لتأخير الجواب علشان أنا بفضى بالليل من الساعه 12 وهو ده الوقت اللى ممكن اكون معاكم فيه وشكرا على اهتمامكم وأنا اقصد بلوف الزيت ودى مكانها فوق فى وش السلندر وعددهم بيكون 16 بلف
الطقم كلة ب 360 وبتعرف انها بايطة لما تسمع صوت تكتكة التيكهات فى الموتور من فوق وطبعا انت مش هتغيرها كلها لازم الميكانيكى يفك وش الغطا بتاع التيكهات ويفك البلوف ويشوف ضغطها عن طريق السوست بتاعتها وهو بيعرف اذا كانت بايظة او محتاجة تتنضف
أنا فعلا بسمع صوت تكتكه وبيكون واضح جدا صباحا عند دواره العربيه وبعد حوالى خمس او عشر دقائق بيختفى
والميكانيكى قالى ان دى بلوف الزيت وعاوز أغيرها بس مش عارف فين يكون واحد كويس وفاهم وأنا من الاسكندريه يعنى ياريت اخونا الاسكندرانيه يقفوا جنبى ويقولولى وخصوصا أن أنا عديم الخبره فى التصليح ومعرفه الميكانيكيه
وده يعتبر أول مره أصلح العربيه من يوم الشراء سنه 2007 كل اللى عملته انى غيرت سير التقسيمه وتيل الفرامل الامامى
وده عند مركز الصفوه فى طريق القبارى