مشكلتي مع الجراج

**serona** · 24-10-2014 04:43 PM

المشاركة الأصلية كتبت بواسطة shiko85

وعليكم السلام ورحمة الله وبركاته
# يعنى ايه يلعب فموتور العربيه ؟؟ حضرتك تقصدى يمشى بالعربيه و هو فاصل العداد ؟؟
ممكن يعمل كده بس الموضوع بيحتاج وقت و واحد فاهم علشان يفصل الكابل
# بخصوص انه يقدر يعمل نسخه من المفتاح او لأ فده راجع لنوع العربيه هل فيها immobilizer "مفتاح مشفر" ولا لأ لو العربيه بدون immobilizer فممكن يعمل نسخه عادى جدا و الخطوره فالحاله دى سرقه العربيه من اى مكان و كل اللى هيعمله هو او غيره تتبع خط سير حضرتك و يعرف الأماكن اللى بتروحيها
# لو مفيش حل غير الجراج و ترك المفتاح يبقى حضرتك لازم يكون عندك انذار محترم بفصل اداره المحرك و السايس ياخد المفتاح فقط بدون الريموت و لما حضرتك تخرجى بالعربيه تقفليها بالريموت و كمان زياده فالأمان تعملى زرار مستقل لفصل طلمبه البنزين و يكون فمكان مش ظاهر و الهدف منه تأمين العربيه فحاله سرقت او ضياع الريموت و بكده يبقى على الأقل امنتى العربيه خارج الجراج

انا اقصد يغير البطاريه مثلا او يبدل اي حاجه تانيه انا مفهمش اوي في العربيات فمش عارفه حاجه زي كده ممكن تحصل ولا لا ؟؟؟؟؟

انا العربيه النترا و المفتاح عادي بس في انظار هل يقدر يطلع عليها مفتاح ؟؟

و ايه الفرق ان هو يأخد المفتاح بس او المفتاح بريموت الانظار ؟؟

و سؤال تاني معلي ازاي افصل طلمبه البنزين ؟؟؟؟ و بعدين مش انا لما هفصلها العربيه مش هينفع تتحرك اصلا لازم ارجع اوصلها تاني صح ولا انا فاهمه غلط ؟؟؟ و لو صح فده مش هينفع معايا لان الهدف من ان هو يأخد المفتاح ان هو يقدر يحرك العربيه في الجراج

شكرا اوووي و اسفه علي الاطاله

**shiko85** · 24-10-2014 05:54 PM

المشاركة الأصلية كتبت بواسطة serona

انا اقصد يغير البطاريه مثلا او يبدل اي حاجه تانيه انا مفهمش اوي في العربيات فمش عارفه حاجه زي كده ممكن تحصل ولا لا ؟؟؟؟؟
ممكن طبعا يغير البطاريه لان عنده الوقت
انا العربيه النترا و المفتاح عادي بس في انظار هل يقدر يطلع عليها مفتاح ؟؟
يقدر بمنتهى السهوله
الأنذار اللى فيها بتاع العربيه ولا متركب ؟؟
و ايه الفرق ان هو يأخد المفتاح بس او المفتاح بريموت الانظار ؟؟
لما هو ياخد المفتاح بس يبقى مش هيقدر يعمل نسخه من الريموت
و الريموت هيكون مع حضرتك لان فصل الأداره او المحرك هيكون من الريموت مش المفتاح
و سؤال تاني معلي ازاي افصل طلمبه البنزين ؟؟؟؟
جزء صغير بيتوصل على الأنذار بيخلى الطلمبه تفصل مع قفل الأنذار او بمفتاح مستقل
و بعدين مش انا لما هفصلها العربيه مش هينفع تتحرك اصلا لازم ارجع اوصلها تاني صح ولا انا فاهمه غلط ؟؟؟ و لو صح فده مش هينفع معايا لان الهدف من ان هو يأخد المفتاح ان هو يقدر يحرك العربيه في الجراج
لأ, انا قصدى طول ما العربيه فالجراج مش هتقفليها بالريموت يعنى هو هيقدر يحرك العربيه عادى و هيكون معاه مفتاح فقط و لما تخرجى بالعربيه اقفليها بالريموت و بالتالى وحده الفصل هتشتغل
شكرا اوووي و اسفه علي الاطاله
العفو, الشكر لله وحده
و انا متابع مع حضرتك لو عندك سؤال او استفسار

**J A G U A R** · 24-10-2014 07:33 PM

انا شايف ان طالما فى ناس سايبه معاه المفتاح ومحصلش اى نوع من المشاكل او اى نوع من السرقه او عربيه بتتحك فى الطلوع والخروج او غشوميه فى السواقه يبقى متقلقيش ان شاء الله انما فى ناس تانيه ممكن تلاقيه مختار افخم عربيه فى الجراج ورايح بيها مشوار او ياخد لفه بيها .. بيركبو افرس عربيات ولاد الايه بالذات لو مكان راقى :)

**tata2011** · 26-10-2014 03:22 AM

معلش اسئلتك كتير وغريبة شوفى جضرتك كل حاجة فى الدنيا ممكن
ممكن يمشى بيها ممكن ينام فيها ممكن
ممكن يشيل حاجة منها ممكن
المهم نظرة الشخص للبنى ادم اللى قدامه فى ناس عندها فراسة يبص للشخص يعرف ده ممكن يعمل الشئ ده ولا لأ
وطبعا زى ماقال العضو الفاضل اللى قال تسألى عليه الناس لو كان عمل حادجة قبل كده ولا لأ
وطبعا حتة انه يطردك من الجراج اه طبعا من حقه لان ضاحب الحراج بيبقى مسلمه للسايس وملوش دعوة باى حاجة وحتى لو صاحب الجراج سابك غصب عن السايس فكده السايس هيحطك فى دماغه وهتقلقى زيادة

**shiko85** · 26-10-2014 11:43 AM

المشاركة الأصلية كتبت بواسطة serona

طيب معلش كان ليا سؤال تاني هو انا اجيب منين الانذار ده و اركبه فين ؟؟؟؟؟؟
اماكن كتير جدا بس اللى هيحدد حضرتك ساكنه فين ؟
و هو لو انا طلبت من الحارس اللي في الجراج اني اقابل صاحب الجراج نفسه علشان هو المسئول كده هعمل مشكله كبيره ولا عادي و لا ايه ؟؟؟؟
الأتفاق فالأول خالص كان مع السايس ولا صاحب الجراج ؟؟
لان هو كل مشكلته ان هو هيطلع قدامي عربيتين علشان طلع عربيتي الصبح و انا الصراحه مش شايفه اني دي مشكله هو عايز يريح نفسه وخلاص و مفيش اي حل عاجبه قولتله اغير مكانها قالي مفيش اماكن تانيه و حتي الفلوس منفعش فهل ده من حقي اني اقابل بقي صاحب المكان نفسه ولا
مش هتستفيدى حاجه ؟؟؟؟؟؟؟؟
حل الموضوع مش كده خالص, اى سايس فجراج فيه عربيات كتير بيعمل كده
و هل من حقه يطردني من الجراج ؟؟؟؟؟؟؟؟
عادى جدا لانه هيلاقى حد تانى بسهوله
و حتى لو حضرتك كلمتى صاحب الجراج تضمنى منين ان السايس مش هيعمل حاجه فالعربيه ؟؟
كل يوم كاوتش نايم - حكه فالعربيه و هكذا لحد ما تمشى من الجراج خالص
مفيش جراج تانى قريب ؟؟

**amr011111** · 26-10-2014 11:47 AM

لو المنطقه عندك مفيهاش جراجات خالص يبقى انتى مضطره تسيبى المفتاح غير كده شوفى جراج تانى
لو هتسيبى المفتاح ابقى تابعى قراءة العداد لما تسيبى العربيه ولما ترجعى
وتوكلى على الله

**sherif4004** · 27-10-2014 01:30 AM

انا لو مكانك اركب فيها جهاز تتبع جي بى اس واتابعها من الموبايل .. ومديش المفتاح لحد واركنها فى الشارع او جراج تانى حتى لو بعيد ..
لانك لو اديتى المفتاح للسايس هتشكى فيه سواء حصل حاجه او لا