الموضوع: مشكلتي مع الجراج

مشكلة بجد .. بس لو فى مكان فى الشارع اركنى فية و سبيها على الله

..ممكن برضو تظبطية يعنى تديلو فلوس زيادة و يشفلك مكان احسن

طبعا اللى حضرتك فيه دا مشكلة والله يكون فى عونك

بس وجهة نظرى انها بتعتمد على السايس نفسه

بمعنى بقالة شغال فى الجراج كام سنة الناس اللى مع حضرتك فى الجراج مرتاحين معاه ولا فيه شكوى منه

وكمان حضرتك شخصيا بترتاحى فى التعامل معاه وحاسه انه شخص امين ومش بتاع لف ودوران

وكمان ممكن تسألى الاشخاص اللى بيسيبوا المفتاح هل فيه حد حصل معاه اى موقف حتى ولو كان موقف صغير لما ساب المفتاح مع السايس ده

بإختصار حضرتك بتقيمى (تاريخه معاكم عامل ايه)

ولما حضرتك تجمعى كل الكلام ده مع بعضه .. اعتقد حتبقى ساعتها قادره انك تاخدى القرار اذا كنتى تسيبى المفتاح او لأ

واستخيرى وان شاء الله ربنا يكرمك بالقرار السليم

المشاركة الأصلية كتبت بواسطة ahmed9003

طبعا اللى حضرتك فيه دا مشكلة والله يكون فى عونك

بس وجهة نظرى انها بتعتمد على السايس نفسه

بمعنى بقالة شغال فى الجراج كام سنة الناس اللى مع حضرتك فى الجراج مرتاحين معاه ولا فيه شكوى منه

وكمان حضرتك شخصيا بترتاحى فى التعامل معاه وحاسه انه شخص امين ومش بتاع لف ودوران

وكمان ممكن تسألى الاشخاص اللى بيسيبوا المفتاح هل فيه حد حصل معاه اى موقف حتى ولو كان موقف صغير لما ساب المفتاح مع السايس ده

بإختصار حضرتك بتقيمى (تاريخه معاكم عامل ايه)

ولما حضرتك تجمعى كل الكلام ده مع بعضه .. اعتقد حتبقى ساعتها قادره انك تاخدى القرار اذا كنتى تسيبى المفتاح او لأ

واستخيرى وان شاء الله ربنا يكرمك بالقرار السليم

بالظبط كدة كلام سليم 100 فى المية

المشاركة الأصلية كتبت بواسطة serona

السلام عليكم

يا جماعه مشكلتي تتلخص زي ما العنوان واضح انا كنت اشتريت عربيه زيرو من فتره و مكنتش بطلع بيها كتير و طبعا بركنها في الجراج و كان المفتاح بيبقي معايا دلوقتي ظروفي اتغيرت و بقيت بطلع بيها تقريبا 5 مرات في الاسبوع الاول كان مره كل اسبوع او اتنين المهم لقيت حارس الجراج بيقولي انه طالما هطلع كل يوم و هيكون علي الساعه 7 تقريبا يبقي لازم اسيبله المفتاح لانه الصبح بدري صعب انه يخرجلي 3 عربيات قدامي لان هو بيظبط كل العربيات اللي طالعه الصبح من بدري و قالي لو هتطلعي بعد 10 مفيش مشكله مفتاحي يبقي معايا لكن 7 مينفعش لازم هو يأخد المفتاح

دلوقتي انا مش عارفه اعمل ايه انا الصراحه خايفه جداااااااااااااا من حكايه اني اديله المفتاح و في نفس الوقت مش لاقيه جراج تاني كله مليان و الشارع خايفه العربيه تتخبط او تتسرق و هتتبهدل

مش عارفه بجد اعمل ايه محتاجه نصيحتكوا و اللي ليه تجربه في الموضوع ده يقولي

و ليا سؤال هل ممكن لو سبتله المفتاح يلعب في الموتور بتاع العربيه يغير حاجه و لا صعب
وسمعت كمان ان عداد الكيلوميتر ممكن يتفصل ,, طيب اعمل ايه !!!!!

الله يخليكوا اللي عنده نصيحه ينصحني بيها لاني بجد تايهه جدا و خايفه اخد قرار و اندم

مع العلم الصراحه ان في كتير في الجراج سايبين المفاتيح بس انا برضه خايفه و مش حابه الفكره دي هل هي عادي و لا لا ؟؟؟؟؟؟؟؟؟؟؟؟

شكرا

متسبيش له المفتاح
لان معظم السياس الا من رحم ربى مش هيخاف على حاجتك
اقل واجب ينام طول الليل فى عربيتك ويكون مشغل التكييف وانت تلاقى نفسك بتقولى ان استهلاك البنزين عالى ومتعرفيش ايه السبب وتفتكرى ان العربيه فيها عيب وبتاكل بنزين

لو انتى عمارتك فيها بواب اركنيها قدام العماره وادى البواب شهريه

غير كده يبقى شوفى جراج حتى لو هتمشيله شويه

المشاركة الأصلية كتبت بواسطة serona

الصراحه انا بقالي معاهم 3 سنين هما ناس محترمه جداااا و بشوف قدامي ناس سيباله المفتاح و في عربيات مسافر صاحبها او مركونه خالص مش بتطلع وسيباله المفتاح ,, بس انا كان ليا سؤال هو ممكن حد يلعب في موتور العربيه و انا اعرف ده ازاي ؟؟؟ و هل ممكن يطلع نسخه علي المفتاح ولا صعب ؟؟؟؟ و شكرا اوووي

للاسف الاسئلة ديه انا ماعرفش اجاوب عليها ... ياريت حد من زميلنا فى المنتدى يقدر يجاوبك عليها