اخوكم محتار ومحتاج مساعدتكم فى شراء عربيه
السلام عليكم
دلوقتى انا معايا لاستى 2010 والعربيه دى عندى حاجه كبيره اوى ومرتاح فيها جدا جدا
مشكلتى انى ساكن فى بلد ارياف ومليانه تكاتك وموتوسكلات وخروجه العربيه بمشكله ودمى يتحرق وحاجه قرف
ده غير ان بكون عاوز اروح الارض ولما بروح بالعربيه بتتبهدل
ده غير ان قطع غيارها غاليها اوى
فانا كنت اشتريت موتوسيكل علشان مخرجش العربيه ولكن برده لما يكون مشوار عائلى بكون مضطر اخرج العربيه فى البلد وتحصل نفس الكوارث
فقررت ابيع الموتوسيكل واجيب عربيه تانيه مكانه صغيره
المطلوب من العربيه :
1- خدمه شاقه
2- قطع غيار سعرها كويس ومتوفره
3- حجم صغير (هاتش باك)
4-سهوله باعاده بيع وسعر اعاده بيع كويس
5- تكون عربيه محترمه يعنى مش عاوز اضحكى بعوامل الامان وكده
المبلغ المتوفر للعربيه: 50 الف كحد اقصى
حاله العربيه : تكون نضيفه ومصرفش عليها
اول اقتراح كان سوزوكى ماروتى وبصراحه لما ركبتها مرتحتش فيها نهائى وحسيتها عربيه لعبه
ثانى اقتراح كان فولكس بولو بصراحه عربيه جميله وعجبتنى جدا وحسيت فيها كل الى انا عاوزه بس للاسف دورت كتير ولفيت كتير ملقتش حاجه كويسه واسعارها مبالغ فيها .. يعنى شوفت واحده 2001 بصراحه هى نضيفه جدا جدا جدا ومطلو فيها 65!!!!!!!! والمقبول بيلعب من 50 ل 55 بس برده محتاج مصاريف
والمشكله الاكبر فى البولو ان الى معاه منها نضيف مش بيفرط فيها والى متوفر موجود فى المعارض وطبعا سلخ على ابوه
معلش طولت عليكم بس مستنى مساعدتكم ضرورى ضرورى ضرورى